Unicode
_________
ဝေးနေတယ် ဆိုတာ သိပေမဲ့....
သတိရတိုင်း အနားမှာ ရှိနေစေချင်တယ်။
အိမ်မက်မက်တိုင်း သူ့အနားရောက်ချင်တယ်။
နိုးထလာတိုင်း သူ့ကိုပဲ မြင်ချင်တယ်။
မဖြစ်နိုင်တဲ့ ဆောင်းအိမ်မက်ဟာ...
အမုန်းတွေ ဥပေက္ခာ တွေအောက်မှာ ဝပ်စင်းခဲ့ရပေါ့။
.......................... ။
အိပ်ရေးမဝလို့ စပ်ဖျင်းဖျင်း ဖြစ်နေတဲ့ မျက်လုံးတွေကို ပွတ်သပ်လိုက်ရင်း သူ့နောက်ကြောက အခန်း တံခါးဖွင့်သံကြောင့် ဆော့ဂျင်ခန္ဓာကိုယ်လေး တွန့်ကနဲဖြစ်သွားကာ ခါးကို မတ်နေအောင် ပြင်ထိုင်လိုက်သည်။
Koo လာပြီပဲ။ တစ်ညလုံး သူ့ကိုတစ်ယောက်ထဲ ထားရစ်ခဲ့သူကြီး။မျက်မှန်ဝိုင်းဝိုင်းလေးကို ပင့်တင့်လိုက်သလိုလိုနဲ့ kooရဲ့ မျက်နှာကို ခိုးကြည့်မိသည်။
ဆံပင်ခပ်အုပ်အုပ်ကို အသေအချာ ပုံသွင်းဖြီးထားပြီး ခပ်တည်တည် မျက်နှာထားကြောင့် Kooက ပိုပြီး လူကြီးဆန်ပုံ ပေါက်နေသည်။မေးရိုးတစ်လျှောက် နုနုစိမ်းစိမ်းလေးတွေက မုတ်ဆိတ်မွှေးလေးတွေ ရိပ်ထားသည့်ထင်။အတန်ကြာ ခိုးကြည့်ပြီးမှ မလုံမလဲဖြစ်ကာ အပြင်ထွက်ပြီး ကော်ဖီသောက်ဖို့ လုပ်လိုက်တော့....
"ဘယ်ကိုလဲ ကင်ဆော့ဂျင် "
"ဟို...ဟို...ကော်ဖီသောက်မလို့ပါ"
"တစ်ညလုံး မအိပ်ဘဲနဲ့ကို ကော်ဖီထပ်သောက်မလို့လား"
"မဟုတ်...."
"နွားနို့သောက်လိုက် ရော့..."
သူ့ရှေ့တည့်တည့်ကို နွားနို့ဘူးလေး ပစ်ချကာ ပိုက်လေးပါ တပ်လျက်သား။
မဆိုးပါဘူး။သောက်စရာ ဘူးတစ်ခုခုဆို ပိုက်နဲ့တပ်ပြီးမှ သောက်တပ်တဲ့ ကျွန်တော့်အကျင့်ကို Koo မှတ်မိနေသေးတာပဲ။ကော်ဖီသောက်ရင် ရင်တုန်မှာစိုးရိမ်လို့လား ။ကျွန်တော်ကတော့ ဟိုးခပ်ဝေးဝေးကနေ ခင်ဗျားအရိပ်ကလေးကို မြင်တာနဲ့ ရင်တုန်နေပြီးသား။
"နေပါစေ မသောက်တော့...."
"ဒီမှာ မင်းကိုစေတနာတွေရှိလွန်းလို့မထင်နဲ့။သေဒဏ်ကျခံရမဲ့ အပြစ်သားတစ်ယောက်က သတ်မှတ်ရက်မတိုင်ခင် ဖျားရင်နာရင် ဆေးကုပေးသလိုမျိုးပေါ့။မင်းကိုလည်း ငါ နှိပ်စက်လို့ မပြီးမချင်းကြားထဲမှာ အသေမခံနိုင်ဘူး။ အဲ့ဒါကို...မြဲမြဲမှတ်ထား ကင်ဆော့ဂျင်"
YOU ARE READING
For Your Eyes Only【မင်းအတွက်သာ】|| JINKOOK ✓
Fanfiction"ဘဝမှာ လေးလေးနက်နက် ခံစားဖူးတာဆိုလို့ မင်းကို ချစ်တာရယ်... မင်းကိုမြတ်နိုးတာရယ် ပဲရှိတယ်" . "ဘဝမွာ ေလးေလးနက္နက္ ခံစားဖူးတာဆိုလို႔ မင္းကို ခ်စ္တာရယ္.... မင္းကိုျမတ္ႏိုးတာရယ္ ပဲ႐ွိ တယ္"
