سكرترتي السمينه. بقلم اماني خالد

الثاني

سكرترتي السمينه ❤😭البارت الثاني

تقف ياسمين  علي باب منزلها ، متوتره ، قلقه ، ترتجف خوفا .
ياسمين محدثة نفسها
اية يا ياسمين خايفه من اية انتي كبرتي وبقيتي ف السن دلوقتي اجمدي كدا ثم اخذت نفس عميييق وقالت
- استعنا عالشقا بالله
وصلت ياسمين الي الجامعه تحت انظار السخريه والاشمئزااز
ياسمين لنفسها
كالعاده بيتريقو عليا وعلي جسمي بس انا ولا هيهمني علي فكره محدش ليه عندي حاجة
ثم ذهبت وجلست في المدرج دون التحدث مع احد
شاب معاها ف الجامعه
احم بقولك ايه عاوز اعدي
ياسمين بجمود
متعدي هو انا مسكاك
الشاب بصراخ
يا ستي اعدي منين وانتِ أساسا البنج مش مكفيكِ قوومي
تسمع ضحكات ونظرات بالسخريه تقهرها وتشعرها بالنقص
ياسمين
قومت اهو يكش خله السنان الا ماشي عليها تتكسر وانتا شبه الزتونه الحمضانه كدا
قالتها من غيظها ، ولكنها لا تعلم ، انها اضحكت كل من بالمدرج عليه .
الشاب بضيق
انا زتونه حمضانه ي تنين مجنح انتِ ايه الا جابك هنا لسه مفتحوش قسم افيال ام يفتحو هنقولك اتفضلي بقي انتي ساحبه الاكسجين كله
ياسمين رغم شعورها بالحرج الشديد ولكن تأبي ان تظهر ذالك
-  اااه بجد لا فتحوا انت متعرفش جمب فرع الابراص وصفعته كف علي وجهه واكملت في غيظ عارف البرص بيضرب بالشبشب ولو ممشتش من وشي هلزقك في الحيطه واعلقك واخليك عبره مبقاش الا الزتونه اللي تتكلم جتك القرررف
نعم هي مجروحة وتشعر بالحرج تريد البكاء ولكنها فضلت قناع القوه والصمود
همسه بإعجاب
-احممم اهلا انا همسه معاكو هنا
ياسمين وهي تنظر اليها بتفحص لتجدها فتاه تعاني من النحافه الشديده
- اهلا انا ياسمين السماك
همسه
- بصراحة انا حبيتك اوووي لما سمعتك وانتِ بتهزقي هشام دنتي شليفتيله
ياسمين
كمان اسمه هشام خصاره فيه الاسم دا يسمو برص خله مش هشااام
همسه
احمم احمم لاحظ ان كلامك جارح
ياسمين : ااااوه انا اسفه نسيت انك خله احم قصدي معصعصه احممم ي ستي انتِ قمر وربنا انا لساني متبري مني انا اسفه
همسه
يا ستي عادي منا واخده ع كدا كل م يبقوا فاضين يخدوني تسليتهم
ياسمين
ليه دنتِ حتي رفيعه وقمر مش احسن ما تكوني تخينه ومفيش مكان واخدك
همسه
بيتهيالك الرفع دا حاااااجة بشعه مبلقيش لبس علي مقاسي ولو لقيت مبيبقاش حلو عليا
ياسمين
انتِ جميله يا همسه متقوليش كدا وبعدين انا ف الخدمة نوصل خرطوم من هنا لهناانت ِ تتخني شويه وانا اخس شويه
همسه : يااااااريت
ياسمين : هو الدكتور مدخلش ليه
همسه
- متيجي ناكل
ياسمين
- ناكل اي
همسه بشراهه
كافتريا الجامعه مليانه اكل تعالي نروح ناااكل بقي هموت من الجوع
ياسمين
-نقطه ضعفي الاكل
ذهبت ياسمين وهمسه لكفتريا الجامعه وبدتا في تناول الطعام بشهيه
ياسمين متعجبه
يخربيتك كل دا اكل ومبتتخنيش
همسه
قولِ ماشاء الله يا بت هتحسديني
ياسمين
ياارب ابقي زي همسه كدا واخس واكل كتشييير
همسه بضحك
بعينك ي بت
هنا اقتربت منهم فتاه محجبه وخجوله وواضح عليها التوتر
الفتاه
لو سمحتو ممكن اقعد معاكو عشان مفيش مكان وفي ولاد كتير
ياسمين بترحيب
تعالي ي حبيبتي نورتينا
همسه
هو انتي تنوري وكل حاجة بس مالك كدا حساكي مكسوفه
صبا
احمم اصل انا مغتربه ومعرفش حد هنا كمان ف البلد عندنا مفيش مدارس كتير مختلطه ف مش متعوده
ياسمين
بلدك ايه يا قمر
صبا
المنيا
همسه
وانا اقول البت حلوه ليه عشان كدا
صبا بخجل
متشكره
ياسمين
قبل اي حاجة فكي كدا هاا مالك فكي احنا بنات. وبعدين متبينيش انك خجوله ياكلوكي هنا
صبا برعب
ياااكلوني ازاي
همسه
انتِ خايفه كدا ليه يا بنتي قصدها يضحكو عليكي امسكي نفسك ابت مش كدا هو انتي مبتتكلميش كتير لي
صبا
احم اصل بصراحة لما بتكلم صعيدي بيتريقوا عليا وانا مبعرفش اتكلم زيكو اوي عشان كدا بسكت احسن
ياسمين بمرح
التنمر عاوز مننا اي ي جدعان وحدا تخينه ووحدا معصعصه ووحدا بتتكلم صعيدي بس خلاص احنا نتصاحب ونبقي شله التنمر
صبا وقد شعرت بالراحة الشديده
  تنمر كماااان
ياسمين وهمسه بضحك شديد علي لكنتها
صبا : عتتريجو  ولا ايييه
ياسمين : تصدقي وتامني بالله انا حبيتك عشان لغتك دي جميله اوي انا بضحك عليكِ دمك خفيف
همسه
اول مره احس بالتنمر علي حد يااا دا لذيذ بشكل اتريهم بيحبو ينمرو عليا لا مليش حق ازعل
صبا
تنمر اييييه بجي كده
انتهي اليوم وذهبت كل منهم لبيتها
ياسمين بصراخ
ماما يا ست الحبايب يا ست ياللي بتطبخي انا جعاانه 
الام
جعانه اي يالب تنشكي ف مصرينك جعاانه ايه نفسي اعرف امتي بتشبعي ي ياسمين
ياسمين
امم شامه ريحة بوفتيك ومكرونه بشاميل
الام
صح ي بنت الشمامة 
الام
ياسمين ي بنتي  احكيلي يومك حد دايقك
ياسمين بضيق
........ وقصت عليها كل شئ
الام
شاطره اللي يكلمك شلفي لامه يا بت بس مش معني كدا يا قلب ماما انك متخسيش لازم تخسي شويه عشان صحتك يا بنتي
ياسمين
مش عارفه اخس يا ماما مش عارفه بتنرفز باكل بزعل باكل نفسي البس زي البنات واحب زيهم واتحب نفسي احسن اني بني ادمة انا دايما حسا بالنقص يا ماما بيعاملوني كأني مش بحس بيتريقو عليا لي يا ماما هو انا جسمي ازيهم ف ايه
الام بضيق
ي بنتي ي حبيبتي هما الناس كدا مبيسيبوش حد ف حاله  منهم لله ي بنتي بس لازم تخسي لو مش هنقدر نغير الناس نغير نفسنا
ياسمين
هحاول ي ماما هحاول
......

دخلت همسه منزلها البسيط
بصراخ
بابايا مازن انتوا فين
مازن
ايه يا بت في ايه عامله داوشه ليه يا اوزعه
همسه
بس ياد يا هلف انتت انا طويله مش اوزعه
مازن
بجد والله طيب عملتي ايه في الجامعه
همسه
وقصت له كل م حدث مرورا بمعرفتها بياسمين وصبا
مازن
صحبتك ديه مسخره انا لازم اتعرف عليها
همسه
ياريت ي مازن دي عسوله اوي
مازن بكرا هاجي معاكي ونتصاحب بس بقولك ايه صحبيه اخوات ها انا مبفكرش في الجواز دلوقتي
همسه بغمزة
يعم جرب
مازن
غوري يا بت من هنا ووطي صوتك عشان ابوكي نايم ها لو صحي هيجري ورانا بالشبشب
همسه
لا وعلي ايه الا شبشب الحج نبيل
نبيل
لا هتجربي ي بنت الك** ياللي صوتك عامل زي الجرس وصحاني من النوم
همسه احتضنت اباها بشده
وحشتني ي حج نبيل ايه يا بلبل الحلاوه دي كنت بتحلم بمين اعترف
نبيل
كنت بحلم اني جوزتك وارتحت منك يا  جوزك المغفل ميعرفش انه شرب اكبر مقلب ف حياته
همسه
كدا ي بلبل بقي
نبيل
بهزر يا قلب بلبل دنتي جوهرتي الغاليه بس تتخني شويه هااا انا خايف ي بنتي ياخدوكي ف الطب يشرحو عليكي التكوين الهيكلي لعضم البشر
مازن
اضرب اين الجبه انا لا اراها
همسه
بقي كدا يا بلبل طيب والله منا متجوزا وقعدالك فيها يا نبيل هااااا ودخلت غرفتها بغضب عارم
نبيل
نبيل ي بت الك** طب احترمي قرعتي طيب بت انا بكلمك تخرجيلي طب كدا مشوفش وشك برا الاوضه خااالص
مازن
هعهعهعهع لا حمش ي بلبل
نبيل
اخرص ي بن الك** ي بتاع البنات
تجلس همسه وتبكي بمراره
يا رب بقي اتخن خمسه كيلو بس طيب اي حاجة يا رب انا زهقت من النحافه دي يارب
بعد اربع سعات وصلت صبا لبيتها البعيد عن الكليه
صبا
امااا
ام صبا 
اباي عليكي ي بت صوتك عالي اجده ليي
صبا
اتوحشتك جوي جوي يا اما
ام صبا
جولي ي ضي عيني عملتي اييهه ف الچامعه
قصت لها صبا كل م حدث
الام
والله بنات دمهم خفيف جوي
صبا
ومحترمين كماان
الام
زين ي بتي عجوم اچهزلك الوكل
صبا
لاه هستني ابوي
الام
اباي عليكي و ع ابوكي
صبا
واه هجول لابوي انك بتغلطي فيه
الام
خصاره فيكي الوكل ي بت حمدي
......
................
ياسمين في الليل

- ماما هو انكل رامي هيجي امتي
الام
-  حبيبتي عمو سمير هينزل مصر كمان أسبوعين ورامي هينزل معا
ياسمين
هيي اخيرا انكل رامي هينزل
الام
حبيبتي قوليله رامي عادي دول تمن سنين بس فرق بنكو
ياسمين
لا هو انكل رامي وجده سمير ومش هغير القاب
تاني يوم ف الجامعه
استيقذت ياسمين وارادت الذهاب للجامعه ووقفت امام ملابسها هم كثيرون ولكن لا يلائمو شكل جسدها
دقت ملك باب الغرفه
ياسمين
ادخل
ملك
اختي القمر رايحة الجامعه ي ناس
ياسمين
معنديش لبس حلو يا ملك خالص
ملك :
مهو انا ياما قولتلك يا ياسمين الاستيلات دي مش بتليق فيكي
ياسمين
دا ع اساس اني بلاقي مقاسي اصلا انا احمد ربنا اني لقيت هدوم ع قدي
ملك
انتي غلط وتفكيرك غلط زيك
ياسمين
ماشي يا ست مش وقته تقطيم
ملك
خدي البسي دول
ياسمين
امممم نجرب
لبست ياسمين وصففت شعرها بعنايه كبيره ووضعت القليل من المكياج
ملك كدا قمررر❤❤