احمد: كتله اااخ شبيك ابن ال..... اشو ذني ماتن ضحك باوعت عليه جان خجلت وخافت بنفس الوقت ونزلت رأسه بالكاع كال رضا تعال أريدك بشغله كتله خير
رضا :لك بابا شبيك تشكر من البنيه واعتذر منه صخم بوجهك احجي شي شبيك مثل الثور واكف
احمد :اني ثور وانت جاموس إذا اني ثور وبعدين ليش دست على حذائي هااا
رضا :غير أريدك تصخم وجهنا الله يعين امك عليك والي راح تأخذك خلي ساكت بس
احمد :هس شنو اسوي ؟؟😕
رضا :بابا انت حمار روح تشكر من البنيه كله شكرا واني اسفه على الي صار
احمد : عيد عيد اني اعتذر ولك انت خبل بس كوالي خبل اشكره اي بس اعتذار No No No مستحيل
رضا : يله يابه بدون اعتذار بس فضنا رحمه لهلك
احمد :رحت رجعت مكاني وكتله شكرا على القميص
افنان : العفو لا عادي
احمد :بعدين صدوك ترى عيب عليج جايبته وجاي تركضين
رضا: صدك من حجه احمد ضربت كصتي وصديقته خربت ضحك عليه دست على رجل احمد صاح حيل ااااااخ
احمد: ااااااااخ شبيك انت اليوم شنو قصتك راحت رجلي
افنان :ههههههه هذا صدك الي يسمو كلبه على السانه بس هذا كله هيج عصبي ويريد يتعارك
رضا : اسفه اعتذر هذا قصد ليش مكلفه نفسج هو البارحه مجان قاصد يعني جان عصبي بوقته هو كالي وخجلا منج والله
احمد :😨اني كلت شوكت
رضا : كرصته من أيده جان صاح خرب شبيك جان كال ها اي صح هاي البارحه
احمد : كرصني من ايدي كتله هاااا اي هاي صدك البارحه بس اني اسفه هذا ماكدر تقبله منج اعذريني ماخذ هدايا جان كالت هو مو هديه منو كال هديه شعندي وياك
افنان :هذا شبي 😂😂 هدور يكول هديه كتله لا هذا مو هديه بعدين شعندي وياك حتى اجيب ألك هديه بس هذا تعويض على القميص الي راح وانتلف يله باي نترحص
نور :جان افنان جرتني من ايدي وكالت يله باي اباع على هذا الولد عينه عليه وللصراحه اني هم عيني عليه 😂 كيوت يالله
رضا :انت حيوان شبيك تحجي هيج ماعندك أسلوب ويه البنات
احمد : هو اني شكلت انت شبيك وبعدين اذا اخذته راح اطلع ماعندي شخصيه وهو اخذته من وراك وصرت فعلا ماعندي شخصيه
رضا : يمعود شجاب الراشدي ع الجلاق هاي شعليه بهاي شخصيه شعليه بالقميص هااا كولي بله
احمد :امشي اجه معتز يله بدون لغوه زايده
*********
افنان : تركناهم ورحنا وكفنا على صفحه بين ما اجه السائق رحنا كعدنا ليوره
وصعدو هم بعدنا جان الطريق كله كركركركر يسولفون جان واني بالسياره ماما اتصلت اريد افهم منه شي ماكو من وره ذواله ضحك وسوالف سديت التلفون وكتلهم انتو شبيكم على كيفكم شكد تحجون حتى ما فهمت شي من الاتصال
احمد :هااا عيني ازعجناج اسفين بعد متنعاد جان رضا داس على رجلي كتله شبيك وثول اليوم كله دوس عليه راحت رجلي
افنان : انت الي شبيك ليش تسوي هيج وياي ترى العصير بالغلط نكلب مو كفرت رب العالمين يسامح أنت متسامح نور كالت افنان اسكتي هذا الكلام ضايع وياه
نور : افنان حبي اسكتي هذا الكلام ضايع وياه
رضا : اني اعتذر بالنيابه عنه واسفه بعد متنعاد احسبيه عليه اخت افنان
افنان : بس والله صاحبك مصخه حيل
معتز : خير يا جماعه صاير شي بس لا سالفه الصبح
رضا : لا لا ماكو شي معتز لا تشغل نفسك
معتز :تمام
احمد : وصلني اني اول شي معتز تعبان وراسي يوجعني
افنان ويه نفسي بصوت ناصي : حقه راسك من سوالفك الله يعينه لو راسي جان شرد
احمد : سمعت سمير شكلتي عليه كواليه بصوت عالي ليش ناصي
افنان : لا إله إلا الله اخ معتز لو اني تنزلني اول وحده لو هو الله يوفقك
**********
افنان : نزلت من السياره والحمد لله خلصت من الغثه ايع شكد ما حبه مكروه
رحت للبيت غيرت ملابسي وكعدت شويه ريحت شفت تلفزيون شويه ورحت نمت
وبعده حضرت ورتبت أمور الدوام ونمت طبيعي مصار اي شي
**********
احمد : وصلت للبيت وريحت كعدت على الغده جانت أزل كاعد طبعا ماعرف اله اضوجه عاده مو بيدي
أحمد: هلا بختي ام خشم شلونج😆
أزل : يوم كولي اله مالي خلق اشاقه روحي بخشمي 😒
احمد : اجي اطلعه من خشمج اونسه بس والله محد كاسر خاطري غير روحي تدرين ليش ؟؟
أزل : ليش 😕
احمد : لان دوم كاعد بخشمج المسكينه 😂😂
أزل : شكد سخيف 😬
ام حمد : اكلو بدون كلام
احمد : تدلل ام احمد تدلل شيف بوراك 😊😀
أزل : طبعا اول مره تحجي حجايه بيه حظ اي والله عاشت ايدج اصلا شيف بوراك يتعلم منج 😉
ام احمد :هههههه يمه منكم يمه فدوه رحت الكم
احمد : بعد كلبي الغالية شعندي غيرج وهاي بوسه على راسج يا تاج راسي 😗
رحت للغرفه ريحت شويه ونمت كعدت بليل حضرت للدوام باجر الصبح تذكرت ذيج النحسه يبووو شيخلصني منه باجر تذكرت القميص طلعته حتى اشوفه جربته هذا مو حلو لا شبي والله حلو اصلا مطلعني كيوت لا يمعود شحاله عليك اصلا انت مطلع حلو لك هاي شبيه اني احجي ويه نفسي مثل الخبل رجعته بالكيس وحطيته بالكنتور ويه ملابسي اصلا ولا راح البسه طفيت الضوه وحطيت راسي على المخده ونمت كعدت الصبح باوعت على ساعه مستحيل😨😨 لك هاي متأخر شلون تاخذني هيج النومه مستحيل رحت بسرع..... يتبع
&&&&&&&&&&&&&&
النهايه
مساء الخير طبعا اسفه على التأخير بس والله ضرف منعني
اتمنى يعجبكم حبايبي واسفه مرت الخ
باي
