نور : ونبي اشاقه كافي سكتت بعد ما احجي
أفنان : اي زين تسوين
نور : يله افنان هذا اخوي يتصل لازم اروح
أفنان: لا نور شنو هاي بعد وكت ما شفت منج شي
نور : أفنان والله ماكدر غير مره نشالله وباجر ورأي دوام وحمودي منو يطمنه عنج إذا اني ماروح 😂😂😂
أفنان :خرب غير تنجب 😠
نور : اشاقه شبيج سكتت 😂😂😂 يله رايحه حبي محتاجه شي
افنان : لا سلامتج يله كلبي اخذي راحتج
**********
احمد : مر اسبوع والدوام صاير ملل والخط هم خرب حضي يعني من لكيت وحده اتشاقه وياه هيج تطير شنو سالفه ياربي شبيه اكرص اني 😔 ااااه
هاي شبيك احمد تحجي صدوك اصحه على نفسك بس لا صدوك معجب بيه من طاح حضي إذا صدوك لا والله ليش طاح حضي قابل شبيه لا يمعود شبيك انت تكره هاي اني شبيه بس لا تخبلت خلي اتصل على رضا اشوفه وين خلي اطلع شويه أغير جو لعبة نفسي
رضا : هذا شيريد احمد 📞
احمد : هلو رضا
رضا : هلو احمد شلونك
احمد : بخير الحمد لله
رضا : خيرك خو ماكو شي
احمد : لا ماكو شي اكولك رضا انت وين عندك شغل لا
رضا : وين يعني بالبيت كاعد اباع فلم( موهنجو دارو ) هندي ليش
احمد : شتكول نطلع والله ضايج اريد أغير جو
رضا : يعني وين ؟؟
احمد: ماعرف بكيفك نروح حديقه مكان حلو مطعم
رضا : أذا الفلوس عليك اطلع لان ولا ربع دينار
احمد : خرب يزيدك دوم تكدي
رضا : اني كتلك وكيفك بعد
احمد : ماشي يله لعد حضر نفسك جايك
رضا : تمام انتضرك
احمد : تمام جايك لعد يله باي
رضا : باي
احمد : أخذت تقريبا عشر دقايق ورحت على رضا وطلعنا سوه
رضا : هلا بالضلع الما ينشلع هلا ابو العزايم الزينه
احمد : خرب يزيدك شكد ابو بطن ومصلحجي
رضا : هاااا اني ابو بطن يعني
احمد : اي مجذب قابل كرشك أكبر منك
رضا : هاااا لك اني مذوب البنات غير
احمد : اي مبيض ابو حلك
رضا : مبيض شنو اكيد مبين عيني مو مبيض بس غير اني ما احجي هس باع على ذنيج شلون عينهن عليه
