أفنان : جنت اباع منا منا مثل الخبله اريد احد بلكي يساعدنا جان ما اشوف غير هذا الولد الي ويانه بالخط هجم على ذواله الشباب ماعرف منين اجه وشلون وجان صار عياط وضرب بين الشباب اني ونور وحده حضنت الثاني جان واحد منهم راد يضرب الولد الي دوم يتعارك وياي جان باوعت منا منا وجان اشوف حجارة جبيره وضربت بيه جان الولد الي اكره باع عليه بصدمه 😨 وكال لج شسويتي كتله شنو غير راد يضربك جان اباع على الولد الي ضربته اغمه عليه
احمد : اي والله امشي اليوم اله 😠 اطيح حضهم ماعدهم خوات ميستحون امشي لك خلي نغسلهم رحت عليهم بدون كلام ونزلت واحد منهم وبديت اضرب بيه بدون رحمه جان هذا الي اضرب بيه وكعني بالكاع ونام عليه ما اشوف غير هاي البيه ضربته على رأسه فقد الوعي مالته كتله لج هاي شسويتي 😨 كالت راد يضربك باوعت على رضا ما مقصر كسر الثاني تكسر كتلهم امشو خلي نشوف سياره نروح بسرعه جان حجيت هاي المكروه وكالت اني ماروح وياكم كتله مو عازمج على عرس اني امشي وبدون حجي خلي ناخذ تكسي قبل لا يجي احد يشوفنا
رضا : اي والله امشو لا أحد يجي ويشوفنا ويصير الحق كله علينا بنات امشو وانتي مو وكت تعندين رحم ال اهلج امشي
نور : امشي افنان حبابه بدون عناد مو وقته
أفنان: تمام راح امشي بس والله اذا حاجني كلمه هاي ال الله كتبه عليه
أحمد : هو اني هم حمار صوجي امشي عمي أمري إل الله شسوي ما احجي بس فضينا
أفنان : واحنا جاي نمشي بالطريق جان حجه هذا وكال اي رضا طلعت خوش تفشخ ناس سبع 😂
رضا : 🤨 أني افشخ وين ولك
احمد : لك الولد الي نام عليه وضربته بحجاره انت 😂😂شبيك
رضا : احمد يمعود خلي نوصل بخير لا تهيج النار اسكت شويه الزمه حلكك
أفنان : اني رايحه نور انتو كملو وحدكم مو زين لو مخليه الحجارة تنام براسج جان احسن بس اني هم غبيه هو هذا لي يسوي زين محد يريد 😒
احمد : يبووووووووووو عمي سكتت تعالي 🤐يا كلمه ردي المكانج
أفنان : نور اعتذري يله ما اروح والله اذا ما تعتذرين اروح
احمد : عيدي عيدي شنو تفضلتي ما سمعت تردين ترحين الباب يوسع بعير مو جمل
رضا : 😂😂 خرب عقلك
أفنان : باوعت على رضا هيج 😒
رضا : اسفه اسفه مو قصدي بس والله تموتون ضحك انتو 😂😂
افنان : لا هس صار واجب العتذار 😤
احمد : والله ما اعتذر تردين ترحين باي الله ومحمد وعلي وياج
افنان : نور اني رايحه باي
نور : افنان شبيج يمعود مو وقته تعالي
افنان : باي نور
احمد : اي روحي بلكي يخطفوج بهاي الضهريه ومحد يدري عنج وبعدين يلكوج مقطعة وحاطينج بكيس وذابيج على الرصيف وتصير قصتج على كل السان وكله تكول خطيه
افنان : هااا اءااءءاا 😯 اني ما خاف واصلا الدنيا أمان كلش ماكو شششءءشش شي 😦
احمد : اي روحي إذا ماكو شي
افنان : رحت واني امشي بسرعه وصراحه ميته خوووف جان شويه واسمع سياره تمشي وراي كمت امشي بسرعه شكد ما بيه جان كامت سياره تمشي سريع وتدك هورن الي متتت خوف 😖😖
احمد : نور مو اسمج
نور : اي
احمد: اكول هاي صديقتج وين لكيته وصادقتيه شكد عنيده الخاطر الله
نور : ماقبل تحجي عليه فوك ما شردته البنيه خطيه بالعكس والله هي كلش حباب والأيام تثبت الك وتشوف
احمد : انشالله نشوف
رضا : احمد هاي سياره أشر اله خلي توكف
احمد : اي هاي أشرت اله هس يوكف
نور : وكفت السياره ركبنا بيه ومشينا جان شفت افنان وكتله هاي أفنان الحكه خلي تصعد ويانه
احمد : خويه وره ذيج البنيه جان الرجال لحكه بس هي كام تمشي بسرعه كتله دك اله هورن بلكي توكف
افنان : وصلت السياره يمي جان اشوف بيه نور وهذا الولد رضا وصاحبه
احمد : أشرت اله وكتله اصعدي كالت ما اصعد
افنان : كال اصعدي كتله ما اصعد اني اروح وحدي جان نور كالت افنان حباب الخاطري
نور : افنان حباب الخاطري اصعدي يمعود بدون سالفه خلي نوصل للبيت بخير
افنان : كتله اووووووووووووووف 😤صعدت
احمد : اي هيج من البدايه وخلصينا خو صعدتي 😆😎😎
فنان : والله الخاطرج نور حبيبتي😌😌 راح اصعد صعدت بالسياره وصلنا للبيت والحمد لله جان امي سألتني وين صرتي تأخرتي اليوم بالي يمج كتله يوم والله السايق ما اجه السياره عاطله ورجعنا تكسي كوه وصلنا
ام افنان : الحمد لله زين
افنان : بابا رجع ماما
ام افنان : لا بعده
افنان : يوم والله ميته جوع حباب اريد غده بين ما اغير ملابسي
ام افنان : زين روحي غيري ملابسج وتعالي
افنان : صعدت للغرفه غيرت ملابسي و رجعت نزلة ليجوه أكلت شوية وبعده ارتاحيت
********
أحمد : وصلت للبيت وكم اعيط يووووووووووم وينج ست الحبايب ام حمودي ام حميد وينج جان ما اسمع صوت ابد ولا احد يجاوب رحت على المطبخ امي ماكو
رحت على الغرفه مالته جان اشوفه متمدد وشكله تعبانه حيل ركضت عليه وكتله خيرج شبيج يوم
ام احمد : مابيه شويه هبوط صار عندي
احمد : أزل وين
ام احمد : راحت تشوف كالته اله صديقته اكو شغل بشركة ويردون سكرتيره ماعدهم راحت تشوفه
أحمد : كومي كومي يله غيري ملابسج
ام احمد : ليش يوم وين نروح
احمد : يعني وين يا عمري اكيد للدكتور يله كلبي كو................ يتبع
&&&&&&&&&&&&&&&&&&
نهاية البارات
بقلمي Ayat
مساء الخير طبعا هواي جاي يسألون القصه واقعيه أو لا القصه نعم واقعيه بس بيه أحداث اضافيه
طبعا مجاي انشر لان مجاي احس تفاعل اريد تفاعل وحركه شويه فدوه تكون تشجيع وشكرا للجاي يشجعوني
اتركم تستمتعون بالقصة 😊
