حب بغدادي

حب بغدادي البارات 8

احمد : رحت بسرعه على جنت مستعجل وادور بين ملابسي وحاير شنو البس تذكرت اني شتريت  قميص قبل كم يوم فتحت الكنتور وطلعت كيس واخذته لبسته من دون ما انتبه شويه نزلت لكيت أمي كاعد جان سمعت صوت هورن السياره مال معتز وصل جان امي كالت اوكف اشرب جاي عاد كتله ماكدر كالت هذا القميص حلو عليك كتله كتله عيونج الحلو غير ذوق ابنج ورحت على سياره كلت صباح الخير ردو صباح النور

رضا : صباح النور

معتز : صباح النور شلونك هاي اليوم شطالع هذا القميص يجنن عليك

احمد : كتله فدوه اروحلك معتز عيونك الحلو ورد انت رحنا وصلنا للبنيه نور جان اول ما صعدت باوعت عليه بصدمه وكالت صباح الخير كلت اكيد نصدمت من جمالي 😂😂اليوم طالع كيكه اني 😂😂بعد شويه وصلنا الصديقته هم من ركبت باوعت عليه بصدمه كلت بكلبي خير يالله شكو بس لا نعجبت بيه 😂😂تقربت على رضا وكتله خير شكو شبيهن اليوم ذني هيج طالع حلو اني رضا كال لا والك مو هذا السبب بس كتله لعد

رضا : لا لك مو بس هذا السبب باع انت مو لابس القميص الي جابته الك البارحه اكيد تنصدم مثل ما اني نصدمت

احمد: باعت على نفسي ضربت كصتي كال رضا شبيك كتله لك هذا شلون لبسته اءااءءاا اني لبسته

رضا : وإذا عادي بس تدري ما توقعت راح تقبل تلبسه شلعت كلبي البارحه

احمد: لك هو ادري بيه اني مجان لبسته اصلا بس ماعرف شلون واني عبالي يباوعون عليه لان طالع حلو

افنان : طبعا جنت مستغربه معقوله هذا قبل يلبسه توقعت هس ابد مايفتحه بس اكو أن بالموضوع جان حسيت نور تضرب بايده على جتفي كتله شكو نور

نور : والج باعي هذا مو

افنان : اي هذا مو نفس القميص الي بارحه دزيته اله معقول لابسه اني هم مستغربه !!!

نور : والله ماعرف هذا الولد غريب ال أطوار 🤨يمعود مالنا دخل بس والج ذوقج مو شويه 😂😂طالع يخبل بيه

افنان : صمي حلكج لا يسمعج اشش

نور : سكتنا 😑

رضا بصوت ناصي : احمد لك طالع حلو بهذا القميص والله عاشت أيده يخبل اختياره

احمد : اسكت لا تخليني انزعه والله واضل بدون ملابس 😒

رضا : عمي هذا حلكي خيطته سكتت بعد ما احجي زين 😐

احمد : يكون افضل😌

افنان : من نزلنا من السيارة اني ونور جان نسيت الجنطه ومشيت فأجه سمعت صوت أحد يصيح الي التفتت جان هذا الولد نفس الي اكره

احمد: نزلت من السياره جان اسمع معتز يصير احمد احمد رجعت اشوفه كاله هاي وحده من البنات ناسيه جنطته شوفه منو وانطيه اله بلا زحمه كتله من عيوني بس اكيد هاي الفاهيه رحت صحت اله كالت شنو كتله هاي جنطه المن منو ناسيته كالت يا عززز مالتي كتله يااا عزز ليش ناسيته كامت تضحك وكالت تصنف كتله لا يااا عززز ما صنف هم ضحكت كالت على كل حال شكرا كتله لا عادي كالت لا مو على الجنطه كتله لعد كالت لان قبلت القميص

افنان : خرب عقله من والد ما تعرف شنو طينته موتني ضحك شلون يصنف كتله شكرا كاله لا عادي كتله لا مو على الجنطه كالت لعد كتله على القميص لان قبلته
جان كال والله بالغلط لبسته واصلا ما جنت رايد البسه كتله تمام باي 😤

احمد : هاي شبيه كلبت خلقته غير احجي الصدوك رحت جان اجه رضا كال هاي شنو جنت تحجي وياهم كتله ماكو نست جنطته نطيته اله وكالت شكرا لان لبست القميص كتله ولا والله بالغلط لبسته اشو هاي ضاجت

رضا : ضربت كصتي حيل مسحت وجهي والحيتي كتله انت حيوان شبيك خو جامله وكول اله اي والله شكرا كلش حلو عجبني من هاي سوالف متعرف

احمد : وليش بله اجذب خو الحقيقه احسن موو

رضا : الحقيق مو بكل وقت اكو شغلات لازم شويه تحرك نفسك بيه

احمد : مكاعد افهمك

رضا : احسن امشي

احمد : دخلنا اللجامعه واخذنا محاضرات وجان كلشي طبيعي

***********************
احمد : بعد يومين اجانه معتز الصبح رحنا للدوام قبل لا نطلع اتصل معتز كاله هلو احمد شلونك اليوم اني ماكدر اجي عليكم لان سياره عطلت والله ولازم اروح اصلحه تكدرون ترجعون للبيت عادي كلت اله عادي مو مشكله نرجع بس البنات انطيهم خير سدت التلفون رحت على رضا كتله وكال اي عادي نروح نشوف سياره ونروح

افنان :  طلعنا من الدوام الضهر جان باوعت دوله الشباب راحو مشي سألت نور كتله ذوله وين راحو ليش ما انتضرو كالت والله ماعرف بره شويه اتصل معتز وكال هلو بنات اسفه والله نسيت اتصل عليكم بس اليوم ماكدر ارجعكم للبيت لان سياره عاطله تكدرون ترجعون وحدكم كلنا اله مو مشكله نشوف حل شلت تلفون اريد اتصل على ابوي جان الرصيد خلصانه كلت النور كالت اخوي ما يقبل يجي كتله لعد خلي نشوف تكسي ونروح مشينا مسافه جان أجو شباب على دراجة كامو يتحرشون  بينه ويذبون كلام احنا استمرينا نمشي متتت خوف

نور :  افنان شنو نسوي شوفي سياره بسرعه

افنان : والج ولا سياره جاي توكف شنو اسوي قابل بيدي

أحمد : رحنا على سوبر ماركت نشتري عصير وطلعنا تمشينا شويه لان سيارات متجي هنا جنه ندردش اني ورضا وجان رضا يكول احمد باع هناك

رضا : لك احمد باع هناك هذني مو البنات الي ويانه بالخط شوفهم يمكن ذوله جاي يزحفون عليهم

احمد : اي والله امشي اليوم اله😠 .......... يتبع  
 
&&&&&&&&&&&&&&&&&&&&&

نهاية البارات

بقلمي Ayat ❤

اتمنى يعجبكم بس ما شفت تفاعل بالبارات السابق صراحه كلش نقهرت

طبعا اشكر الي صوتو الي والي جاي يدعمون فديتكم احبك ❤❤

‏انتَ حتى بروحتك كلش حنين
‏چن حمامة وسافرت گبل الفجر .

باي 👋