رضا : تمام تمام فهمت جاي باي يله
احمد : باي
*******
احمد : يوم يووووم وينج
ام احمد : موجود شبيك تصيح هنا اني
احمد : يوم راح يجي رضا يمي سوي النا شي ناكله
ام احمد : ماشي حبيبي بس ماكو شي انشاء الله
احمد : لا يوم ماكو شي بس اني عزمت يجي يمي
ام احمد : زين كل الهلا بيه
احمد : أزل وين
ام احمد : فوك بالغرفه نايمه
احمد : اي زين
ام احمد : الجرس يدك روح شوفه احتمال اجه
احمد : اي زين رايح يله مثل ما كتلج
ام احمد : وين راح تكعده
احمد : بالستقبال ويله اني رايح افتح الباب
ام احمد : ماشي روح
احمد : جاي جاي منو رضا
رضا : لا سعديه ام البن
احمد : ههههههه متجوز من سوالفك هاي
رضا : مو انت منو يعني منو انت المن منتضر غير منتضرني
احمد : دمشي ادخل جوه نحجي
رضا : يله امشي
احمد : اكعد هنا بس اجيب مي وجاي واجيك
رضا : تمام
احمد : ها يوم خلصتي
ام احمد : دقايق روح واني اجيبهم واجيك
احمد : تمام انتضرج
احمد : اي رضا اريد احجي وياك موضوع بس عليك الله لا تصنف ولا تضحك
رضا : اي اي بعد نصي صوتك تكول واحد يريد يبوك احجي حيل شبيك
احمد : خاف تجي امي خلي تجي وبعده احجي بصوت عالي
رضا : ولك الفار كام يلعب بعبي احجي شبيك شمسوي
احمد : والله ما مسوي
رضا : لعد
احمد : الموضوع يخص اف..
أم أحمد : هلو يوم رضا نورة البيت شلونك
رضا : هلا بيج خاله البيت منور بصحابه شلونك اخبارج خاله والله مشاقلج
ام احمد : تشتاق لك العافيه يوم شلونك اخبارك اشو ماكو وانت صغير 24 ساعه هنا هس كبرت بعد ماكو لو هي بالعكس
رضا : والله خاله حقج اني مقصر وياج والله
ام احمد : لا يابعد عمري حشاك من القصور يله اني اعوفكم براحتكم يوم
رضا : خاله الورده اخذي راحتج 😊
احمد : اي يوم اخذي راحتج والباب سدي وراج حبابه
