منشورات عاشورائية

تحضيرات_عاشورائية١

السلام عليكم حباييب شلونكم 💙
عظم الله لكم الاجر بقدوم شهر الحزن والتضحية
حبيت انشر الكم كم شغله تكون بمثابة بداية وانطلاقه للاستعداد للشهر مع وجود كورونا.. ابد ما نترك ذكر الامام ولا ننسى أجواء الشهر بحجة ماكو مجالس أو خدمة لان اني اشوفه هذه تحدي أكبر إذا احنه صح مخلصين ونحب نخدم الامام بكل الجوانب مو الا تتوفر عدنه خدمه ومجالس قائمه ٢٤ ساعه، عدنه أكثر من جانب
مثلاً
¶القراءة الكتب متوفرة بكثرة وناشرة الكم معرفة الحسين عظيمه وواسعة قضية متكاملة تاريخياً لازم نعرف من هو الحسين وليش صارت هالواقعة كله ورد الشبهات صبر السبايا تناقل الأخبار، ليش أهل الكوفة ما ناصروا، وغيرة من المواضيع والكتب والروايات العظيمه
قال الإمام الصادق
(أحيوا أمرنا رحم الله من أحيا أمرنا)
ولأحياء هذا المصاب والقضية الحسينية ننشر لكم مجموعة من الكتب المفيدة
تزودكم بالمعلومات عن  الحسين وقضيته

_أضواء على ثورة الامام الحسين
_شذرات من فلسفة تاريخ الحسين
_وليال عشر
_وأتممناها بعشر
_الحسين ومسؤولية الثورة
_مقتل الامام الحسين ومسير السبايا
_أحياء عاشوراء
_المجالس الحسينية
_الطريق إلى كربلاء
_نكون حيث يكون الحسين
_الإمام الحسين ثورة لا تنتهي
_عاشوراء
_الشهيد والثورة
_العباس نصير الحسين
_العباس بن علي بطل كربلاء
_أنصار الحسين
_حبيب بن مظاهر
_الحر
_جئتك
_رواية مذكرات الجراح
_رواية انا الحسين بن علي
_رواية ألم ذلك الحسين
_رواية امرأة اسمها زينب
_نساء الطفوف
لكتب أكثر 👇
#تحضيرات عاشوراء

ونسألكم الدعاء 🌿

¶لبس السواد للحسين كل سنه نشوف تجاهل لهذه النقطة لبس السواد هو بمفهومه العام يوصل رساله للعالم انو احنه مجتمع عدنه قضيه معينه عدنه واقعه مناسبه وعقيدة اكدر أحيي هذه المصيبة إلي تخص عقيدتي بهذه الشعرة وهي لبس السواد
ولبس السواد هو وارد بالنص الديني والروايات عن أهل البيت ومن أهمه هو لبس العلويات للسواد فهذه شعيرة نطبقه..

¶البكاء على الحسين الكلام عن هذه النقطه كلش هوااي يكفي قول الامام الرضا (( يـ ابن شبيب أن كنت باكياً لشيء فـ ابكي للحسين))
الإمام الصادق ((ما من باكي على الحسين الا وقد وصل رسول الله ووصل فاطمة واسعدها وادى حقها))
وهم اكو حديث يكول انو الجزع مكروه الا من جزع على الحسين يعني اذا ندخل بهذا الجانب من الأحاديث منخلص
وهي مو شغله نبجي ع الحسين لان نريد أجر الإنسان بفطرته من يسمع هيج قضيه وهيج شخص عظيم بهالطريقه ينقتل شون ما يبجي💔

والنقط الأهم إلي حابه اكوله
نصت عليه المرجعيه منه
نشر السواد في الشوارع وع المنازل
مجالس بيتيه عائليه ب اي سبل متوفرة حتى لو بس انتي ورجلج أو انتي وامج أو حتى وحدج..
مجالس المنزليه إله تأثير كلش جبير ع أطفالنه وتعزز بنفسهم حب الحسين ومعرفته وتشجيعهم ع السير ع نهجه نكدر نوصل الهم القضيه بطريقه مناسبه لعقلهم وتفكيرهم.. وهذه إله بركه بيوتنا ذكر الحسين أو مجلس مصغر،

مشاركه القليل من أموالنا للحسين تنصرف ع تبرع للعوائل الفقيرة ع حب الحسين أو طبخ تحت الضوابط إلي نصت عنه المرجعيه أو تجميعه سد دين احد
استغلال مواهبنه للحسين وهذا شي ذكرته قبل كم يوم، رسم شعر بحوث تصاميم فنان تشكيلي  ايي شي انت مبدع بي حوله للحسين
نريد نحول المواقع ألى منابر
كل بيت عاشوراء 🖤

ونجي للنقطتين الأهم لان ادري طولت😬
هي تربيه نفسنه وترويضه من خلال هالنقطتين
الأولى : استماع القضيه الحسينية من خلال المحاضرات وهذه النقطه كلش نركز عليه لان هذه فرصه انو نسمع المواضيع إلي نجهله واليوتيوب ملياااان من الخطباء والمحاضرات ابد ما مقصرين احنه مقصرين بأهمالنه هذا الجانب
الثانيه : برنامج عبادي متكامل حتى يغيرنه ويسمو بروحنه للأعلى والمعروف الحسين سفينه النجاة احد الائمه يكول كلنا سفن النجاة لكن سفينه جدي الحسين اسرعها🖤
وهذا شي مجربته شهر الحسين جدا عظيم
ولهذا اني سويت الكم اربعينيه عاشوراء
أن شاء الله تستفادون منه وبيه كم ملاحظه راح اذكره الكم تحملوني😁🖤
(سيتم نشر المذكرة ،ولمن يودها ملف مراسلتنا)

#منقول