رهان الشيخ

بارت العاشر

هلووو👋👋

طبعا هذه البارت مال باجر لان احتمال باجر ماعندي نت لان غيروا الباسور والامم المتحده زعلانه علينه وما يرضون ينطون الرمز ادعولي اعرف الرمز الباقي باقيلي رقمين واعرفه كله😹😹😹اذا عرفت الباسورد باجر انشرلكم بارت جديد بس اندعولي احصله😂😂😂

#رهان الشيخ
بقلم جبوريه(زينب الجبوري) ✏✏✏

اديان: نزلت جوه اول ما نزلت اجتلي ريهام شبكتني وتتعذر... ..

_اسفه خيه بعد ما اعيدها....... ضلت تحجي وتتعذر واتبوس باوعت ازاد والشيخ والشيخه كاعدين..... شاورتني بصوت ناصي..... لا تفرحين اهواي وداعت اعيونج ما اخليج تتهنين اهنا.....وخرت عني وراحت كعدت للمكانها ما اهتميت للحجيها هذه اخر همي اهتم للحجيهم.....كامت واجت ام ريهام وهمين كذلك الحال تتعذر وتبوس.....

_اسفه ابنيتي حكج عله راسي......راحن اعتذزرن من الشيخ......

_بويه انتن ما غلطتن وياي غلطتن ويه اديان هيه الي لازم اسامحجن مو انه وانشالله هاي السالفه ما تنعاد.......

_انشالله جدي ما تنعاد وانه هسه اكبالك اعتذرت من اديان وبعد ما ادنه يمها هيه ابوحد وانه ابوحد......باوعتلها ضحكت بستهزاء ما جنه امساع الي اتهدد ولا انوب تبتسم وامسويه نفسها الادميه......باوعت الازاد ايباوعلي باوعتله بشمئزاز وكره متمنيه اموته هسه بيدي واخلص منه شافني هيج اباوعله كام وخزرني بقيت مستمره عله نضرتي اشرلي بمعنه بسيطه درت وجهي عنه وستأذنت وكمت طبيت للمطبخ محد جان بيه فارغ رحت خذيت اكلاص غسلته وصبيتلي بيه ماي وشربته حسيت ابوجوع رحت دورت بالجدوره شفتهم امسوين امطبك سمج وانه والسمج عندي عداوه وياه ما احبه ابد ضليت محتاره شسويلي وجوعان فتحت الثلاجه ما بيه حيل اطبخلي اذكرت همه ايجيبون كراتين اندومي رحت فتحت الكاونتر وطلعتلي شيسين اندومي جبت جدر حطيتهن بيه وحده فتتها والثانيه لا عفتها ههيج جبت ماي وماجي حطيته عليهن والبهارات عفتهن بعدين احطهن حطيتها عله النار انتضرته يستوي ضليت افتر بالمطبخ بطني اموتتني من وره ذاك ابكوه كاعده اتحرك احسه كاعده تتكطع.... اشوي وطلعت ام الخاتون خزرتني وحجت.......

_الله ينتقم منج انشالله راح اتخربين بيت بتي ولج طلعي من البيت الله ياخذج انشالله.......

_خاله اذا رايده اتعاتبين احد روحي ذاك هوه ازاد روحي حاجيه هوه جابني غصب عني اهنا انه من البدايه ما رايدته واذا اتكدرين اتخليه ايطلكني فيا ريت اتسويها واتخلصيني اريد ارجع للحياتي قبل........

_ولج اتريديني اصدكج انتي المضلومه واجيتي غصب اكص ايدي اذا ما جنتي انتي وابوج متفقين عله ازاد.......

_خاله ما مضطره اوضحلج حبيبتي اصدكين ابكيفج ما حبيتي همين ابكيفج ما اجبر احد ايصدكني........