هلو 👋👋اليوم كلت ما اكتب بس كمت وكتبت ماهان عليه اعوفكم بدون بارت صح البارت مو كلش اطويل بس هذه الي كدرت اكتبه لان كلش تعبانه اتمنه يعجبكم البارت ولاتنسون التصويت والتعليق 😘😘😘
#رهان الشيخ
بقلم زينب الجبوري
بعدني اشتاگلڪ وادعيلک "
وبعدني من اختنگك ارسم
صورتك واحجيلڪ ، ..
طبيت للمطبخ جانت ايسان كاعده اول ما شافتني طبيت نكزت عليه......
_ولج الحكي جد زوجج توه اجالنه....
_صدك...
_اي والله توه اجه وياه شاب......ما انكر فرحت كلت يمكن ازاد اجه وهوه متندم عله الي سواه وجاي يعتذر مني بس لا لازم ما ارضه بسهوله هوه جرحني اهواي.....
_هيوو وين صفنتي....ابتسمت وعفتها رحت بدلت اجتلي خالتي....
_تعاي يمه هذه جد زوجج ايريد يحجي وياج.....
_انشالله هسه جايه....انتبهت للخالتي ضايجه كلش عرفتها خايفه ارجعله....
.طلعت خالتي وانه رحت عدلت شكلي وذبيت شال عله راسي كلت اخاف
جاي احد وياهم وازاد ما يرضه اطلع بدون احجاب.....حاولت اخفي ابتسامتي
للخاطر ما ايكول ميته عله الرجعه.....طلعت من الغرفه وصلت للباب الصاله
كلبي ضل يرجف هاي حالتج اديان كبل دومج قويه ما ايهزج احد هسه ايدج
ترجف من شوفت واحد اذاج وذلج.......فتحت الباب وطبيت بس خابت امالي
شفت همام جاي مو ازاد نزلت راسي وسلمت عليهم اتمنيته هوه الي يجي....
_اي بويه اديان احنه جاين انردج للبيتج وبيت ابنج......رفعت راسي وباوعتله....
_بس شيخ ازاد ما ايريدني وانه ما اكدر ارجع للشخص ما رايدني.....
_لا بويه ايريدج ازاد وايريد الي ابطنج ابني واعرفه ولا تصورين سوه هيج
بقصد انه متٱأكد اكو شغله جبرته ايسوي هيج.....ضل الشيخ ايحاول يقنع بيه بس انه جنت رافضه رجعتي اله هوه حته ما كلف نفسه يجي يعتذر عله كل
الي سواه بيه......
_جدي اسفه والرب ما اكدر ارجع للازاد ازاد جرحني جرح اجبير ما اكدر ارجعله وشنو الي يضملي اذا رجعت ما راح يطردني من البيت مره ثانيه......
_اخذيها من هاي الشارب ما ايطردج واذا سوالج اي شي انه بيدي ارجعچ للاهلج......
_اسفه جدي ما اكدر......
_بويه فكري زين اذا اطلكتوا ابنج ينوخذ منج شي اكيد ازاد ما راح يرضه يبقه
الطفل عندج وراح ياخذه منج وانتي ما اضن ترضين ابنج يتربه ابعيد عنج...
أنت تقرأ
رهان الشيخ
General Fictionانه ابن العشيره..... الصاغه والفنجان..... انه ابن العشيره..... السوت الدله...... انه ابن المضيف..... البيه بخت ينزار..... ما يخلف رأي........ والچلمه عدله...... انه ابن الرجال الشيخوهم مهيوب..... المانكس اعكاله..... وعاشر الذله.... تم النشر بتا...
