#رهان الشيخ
بقلم زينب الجبوري
خلص الدوام واجه اخو صديقتي ركبنه وياه ذب اخته بالبدايه كال لان عنده شغله قريبه عله بيتنه ما اهتميت للموضوع....اشوي وحرك السياره وحجه.....
_اديان عندي موضوع وياج.....رفعت راسي للمرايه وباعوتله.....
_اتفضل خويه احجي....
_احم والله ما اعرف شكلج بس.....باوعتله انتضر منه ايكمل....
_بس شنو.....
_احم اديان الله الشاهد عليه انه اول ما شفتج عجبتيني. ودخلتي كلبي.....فتحت اعيوني عله وسعهن اشلون يحجي وياي هيج...
_كاافي حسين انه اداوم للخاطر ادرس مو للخاطر هاي الخرابيط......
_اديان اشمالج والله العضيم احبج ونيتي وياج صافيه.....
_خويه انه مزوجه وحاليا حامل فرجاء سد هذه الموضوع.....من حجيت هيج اتنهد وحجه......
_اسف خويه ما جنت ادري...سكت وكمل الطريق وانه طول الطريق كاعده افرك بيدي ما صدكت وصلت للبيت راستا نزلت بلا ما احجي شي طبيت للبيت وانه كلبي ايدك ما ادري ليش خفت رحت فتحت الحنفيه وغسلت وجهي جريت نفس وطبيت داخل جانت خالتي كاعده تمسح البيت شافت ايدي ترجف غافت الي ابايدها واجت عليه......
_خير يمه اشبيج اشصاير وياج حته هيج اترجفين......
_ما صاير شي.....
_متأكده؟.....ابتسمت ابوجها وهزيت راسي بمعنه اي وصعدت فوك وانه كلبي ايدك اول ما طبيت للغرفه لكيت بنات خالي كاعدات يقرن......
_هلووو.....
_هلوات....كمت طلعت اهدومي ورحت بدلت....ونزلت جوه لكيت خالتي امحضرتلي الاكل......
_تعاي كعدي حبيتي اكلي اليوم امسويه اشلون كبه تاكلين اصابعج وراها.....ضحكت ورحت بسطت وضليت اكل بيها ماكو اطيب من كبه خالتي خلصته ورجعت صبتلي بعد.....
_سوده عليه امبينه ميته جوع......
_اي والله ميته جوع وانتي خاله اشلون كبه اتسوينها اتجننن.......
_اكلي اكلي يمه عليج بالف عافيه.......ضليت اكل وخالتي كاعده يمي وتفرك بيدها عرفت عندها حجي.. عفت الي بايدي ودرت وجهي عليها......
_خاله احس عندج حجي كولي......
_انتي هسه اكلي وارتاحي وانوب نكعد انه وياج انسولف......اكلت اخر كبه ورحت غسلت واجيت عليها.....
_يله خلصت احجي شكو.....
_يمه انتي تدرين زوجچ كبل كم يوم اتصل وكال اطلكها بس تولد وياخذ الطفل.....
_مو عله كيفه ياخذه هذه طفلي انه انه الي حملت بيه مو هوه.....
_خليني اكمل يمه.....
أنت تقرأ
رهان الشيخ
General Fictionانه ابن العشيره..... الصاغه والفنجان..... انه ابن العشيره..... السوت الدله...... انه ابن المضيف..... البيه بخت ينزار..... ما يخلف رأي........ والچلمه عدله...... انه ابن الرجال الشيخوهم مهيوب..... المانكس اعكاله..... وعاشر الذله.... تم النشر بتا...
