#رهان الشيخ
بقلم جبوريه (زينب الجبوري.)
سوران: ضليت صافنه عليه ما اعرف شرد بس كلت هيه هاي فرصتي حته انتقم من اساور..... ابتسمت ابوجه وحجيت.....
_خوش دز اختك بس كون بيني وبينها وبينك ما اريد يطلع للاحد..... شفته فرح. وللابتسامه عله وجهه.....
_صاار هوه الشغله بيني وبينج وبين اختي......
_يله خلي اروح يم عمتي لا اتحس ابشي.... صدك عفته ورحت صحت للاليان جانت واكفه تلعب وكفت يم مكان التبديل طلعت عمتي.....
_ها عمه صار عليج......
_اي يمه صار عليه وانتي يمه ما اختاريتلج شي تره اكو قمصان حلوه اهنا.....
_اي قمصان اثنين عجبني.....
_يهنه يمه.... اشرتلها عله القمصان صاحت عله اسامه كلتله اينزلهن صدك نزلهن وانطاهن للعمتي اشوفهن وهوه ما امصدك بس مبتسم وايباوعلي..... قست القمصان واجن فيت عليه خذيتهن وطلعت من المحل وانه كل تفكيري اشراح اسوي بأساور..... اخته اعرفها وادري بيها اتحب مجتبى ابن عمي للهذه الشغل وياها سهل اكدر اقنعها اجذب عله اخوها واتكله انه اساور..... افترينه بالسوك اشتريتلي كم شغله وعمتي اتصلت عله مجتبى يجي ياخذنه بقينه واكفين بالشارع نتضر ابن عمي يجي شافنه اسامه وكف سيارته وحجه ويه عمتي....
_ها خاله ليش واكفين اهنا محتاجين سياره تره بالخدمه اوصلكم انه......
_لا يمه مشكور هسه اتصلت عله مجتبى هوه الي راح يجي ياخذنهن.....
_اها اي شي تتحاجون كولي بالخدمه......
_مشكور يمه ما اتقصر.... راح اسامه وهوه نضره ما وخره عني حته خفت عمتي لا اتلاحظ نضراته الي.... اشوي واجه مجتبى ركبنه.وياه... اشوي ووصلنه للبيتنه نزلت من السياره والابتسامه عله وجهي اول ما طبيت للبيت صارت ابوجهي ذيج الي محسوبه عليه امي..... شفتها كاعده اتنكت بهدوم ابنها.... مريت من يمها وانه ودي اذبحها واشرب من دمها اشلون اتعامل جهالها ذول واتخاف عليهم وانه عافتني عمري سنتين.......طبيت داخل المطبخ انتبهتلي عمتي ضايجه.......
_يمه لا اضوجين خلي اتولي لا اتخلينها اضوجج هيه جيته اهنا علمود اتغثكم واتغثنه احنه بس لا تخافين طول ما انه اهنا ما اخليها اضوجج وانتي واخوانج ابكلمه......ابتسمت ابوجها رحت عليها بسته ابراسها......
_مشكوره عمه بس انتي الي اهتميتي بينه من عافتنه الي محسوبه علينه ام....طبينه داخل وحسرتها ابكلبي صح عمتي ربتني واعتن بيه بس جنت احس ابنقص كلهم امهاتهم يمهم انه لا ام ولا ابو.......رحت ابغرفتي ذبيت شالي وجبتي كاعده افكر شسوي اذا اجت اخته للاسامه لازم اضبط نفسي وياها علمود لاتكشفني اكبال اخوها لازم اخليها السالفه توكع ابراس اساور......بقيت كاعده بالغرفه ومشغله التلفزون ضوجه فول وجدي رفض ايرجعلي الموبايل مالي اووفف....اشوي واجت حنين......
أنت تقرأ
رهان الشيخ
General Fictionانه ابن العشيره..... الصاغه والفنجان..... انه ابن العشيره..... السوت الدله...... انه ابن المضيف..... البيه بخت ينزار..... ما يخلف رأي........ والچلمه عدله...... انه ابن الرجال الشيخوهم مهيوب..... المانكس اعكاله..... وعاشر الذله.... تم النشر بتا...
