#رهان الشيخ
بقلم جبوريه
يِّکْلَبًيِّ أّرتٌـأّحً هّـذهّـ أّلَردٍتٌـهّـ عٌ أّلَخِـيِّر
صّـرتٌـ تٌـشُـتٌـأّکْ لَلَيِّشُـتٌـأّکْ لَلَغُيِّرکْ
اساور:امدده عله الفراش اريد انام ما كادره من وره الوجع الي بيه... صار الفجر يله كدرت انام فزيت الصبح وريكي ناشف اتمنيت كل هذه يطلع حلم بس للاسف لا هذه حقيقه وصار..... بقيت متمدده بفراشي مر اشكد وكت محد كلف نفسه يجي ايشوفني عايشه لو ميته.....اشوي واحتاجيت الحمام كمت سحبت نفسي سحب وصلت للباب ضليت ادك بيه اريد واحد يجي ايفتحه اشوي وسمعت صوت عمتي......
ام همام:خيرررر اشرراااااييددده مووو كااافيي الي سويتييه زززييين ما جلطتتتتتيييي الوللللددددد من وره اسوالفج الله ياخذج وايفكنه منج.......
_عمي فتحيلي الباب اريد اروح للحمام.......
_مااا عنددديي المفتاح عند همام.......
_عمه فدوه روحي جيبيه شي اكيد تلكيه حاطه ابغرفته......
_اششش ما اريد اسمع صوتح والمفتاح كتلج مو عندي همام ماخذه وياه.....
ام فهد:خير يمه اشمالها اساور.....
_هاي الصخام اتريد اتروح للحمام والمفتاح عند همام مو عندي......
_روحي ابغرفتي تلكين نسخه ثانيه مالت المفتاح بأول جراره بيه خيط روحي جيبيه.......
_يمه همام اشكال محد يفتلحها الباب غيره هوه......
_انننه شكلللت ررروحي جيبيه لا تعاندين....
_اووو انه اشعليه بعدين انتي وهمام اجازوا......اشوي وانفتح الباب راستا ركضت رحت للحمام واسمع عمتي تحجي ويه حبوبتي اتخاف من همام.....اشوي واندك باب الحمام.....
_هيه انتي خلصي ابسرعه ورجعي للغرفتج خلي اقفلها كبل لا يجي همام......
_اريد اسبح.....
_موو وكتتت نضاافتج هسه يجي همام يلعب جوله اذا شافج طالعه......ما حاجيتها كمت نزعت اهدومي باوعت للجسمي كله اثار ضربات همام صايرات حمر وبنفسجي انطكيت وانه كل شي ما امسويه وهوه يعرفني كلش زين ما طالعه من الباب اشلون اخونه....كرهته كره مو طبعي كل ذره حب اله ما بقت ابكلبي.....ذبيت عله روحي ماي جسمي ضل يحركني بس اشوي ارتاحيت رحت رجعت خذيت اهدومي ملوت امساع وكعدت البس بيهن سمعت صوت نسرين......
نسرين:ولج دريتي همام كايل للجدي خلال هذه اليومين يزوج اساور وياخذها للبيته ذاك......
حنين:والله اذا راحوا ابذاك البيت ايموت اساور اذا امس احنه ابكوه فكيناها من بين ايدينه باجر من ايصيرون ابوحدهم يهو ايفكها من ايده......
_تستاهل اشلون صلفه عاقد عليها وراييحه تتمعشك من وراه.......سمعتها هيج حجت راستا فتحت الباب.طلعت.....
YOU ARE READING
رهان الشيخ
General Fictionانه ابن العشيره..... الصاغه والفنجان..... انه ابن العشيره..... السوت الدله...... انه ابن المضيف..... البيه بخت ينزار..... ما يخلف رأي........ والچلمه عدله...... انه ابن الرجال الشيخوهم مهيوب..... المانكس اعكاله..... وعاشر الذله.... تم النشر بتا...
