Saki's One Shot Stories (Completed)

LETTERS-FOR YOU

"ANAK, may sulat para sa'yo!" Sigaw ni Mama sa labas
Sulat! Sulat! Sulat! Kaninong sulat ba iyan at palagi na lang akong nakatanggap ng white card

"Patingin?" Napapantistikuhang kinuha ko ang sulat mula kay Mama
Napatawa na lang ako ng mabasa ko ang sulat na para daw sa'kin

Dear Eulesis,

Kumusta ka na? Sana naman ay okay ka lang—
Alam mo bang namimiss kita, hindi na kasi kita nakikita araw-araw eh.
Oy, 'wag ka munang mag girlfriend ah. Hintayin mo ako. Mwahh!!

Love,
CT

Alam kong gwapo ako at sanay na akong makatanggap ng ganito pero hindi ko maiwasang manibago, palaging si CT na ang nagpapadala ng mga sulat sa'kin

"Oy, sino 'yang si CT?" Tudyo sa'kin ni Mama na hindi ko napansing nakikibasa na din
Agad ko namang ibinaba ang sulat at nagkamot sa ulo

"Wala, baka fan ko lang po siguro 'to..." Pagpapalusot ko, eh sa hindi ko alam kung ano ang itatawag ko sa kanya

"Ibang klaseng fan 'yan ah. May initials pang nalalaman" Pahabol salita ni Mama at iniwan akong nakatanga

—

August 28

"Eulesis! Notice me!!" Sigaw ng mga kababaihan ng mapadaan ako sa gilid nila
"My God, ang gwapo mo!!" Rinig kong sigaw ng isa pa

"Ibang klase ka talaga dude! Dinaig mo pa kaming mga tropa mo—" Siko sa akin ni Ken barkada ko
"Oo nga, magtira ka naman para sa'min—" Si Chad naman ang nagsalita

"Eh ano bang magagawa ko? Gwapo eh" Pacool kong sagot at sinuklay ang makintab at maitim kong buhok
"Tama na ang pagiging mahangin bro—baka tangayin kami" At inakbayan ako

"Ahhh! Eulesis idol—" Tili na naman ng isang babae
Gusto kong tumingin at alamin kong sino 'yun pero may nagpipigil sa'kin na lingunin siya

Malakas ang hinala ko na isa sa mga kababaihang 'yun ay si CT
"Bro, ano 'yan?" Singit ni Chad at itinuro ang nakasara kong locker na may papel na nakaipit sa loob

Dali-dali ko namang binuksan ang locker ko at kinuha ang plain white card at dali daling binuksan iyon

Dear Eulesis,

Ang gwapo mo talaga! Kaso hindi ka namamansin
Tinawag pa naman kitang idol kanina, pero hindi ka lumingon......

Love,
CT

Sinasabi ko na nga ba, kung lumingon sana ako kanina edi sana nalaman ko at nakita ko na siya. Sayang!!

"May secret admirer ka pala Eulesis? Ba't di ka nagsabi!" Gulat na tugon ni Ken na hindi maalis alis ang mga mata sa ewan kung love letter ba ito

"Wala 'no!" At mabilis pa sa alas kwatrong pinunit ko ito at itinapon sa pinakamalapit na trashcan

"Ayaw mo pang umamin ah? Kitang-kita kaya namin ni Chad. Diba dude?" Siko nito sa katropa kong malayo ang tingin
"Hoy! Chad, nakikinig ka ba?" Tapik ni Ken kay Chad

"A-ano?" Parang wala sa sariling sagot nito at kinurap kurap ang mga mata
"Ang sabi ko ang gwapo mo, ano bang tinitingnan mo ha?" Nakakunot ang nuong tanong ni Ken at sinundan ng tingin kung saan nakatingin si Chad

Napataas ang isang kilay ni Ken ng makita ang babaeng kakatalikod pa lang
"Oy, Chad sino 'yun?" Nakangusong saad ni Ken at tiningnan ang papalayong pigura ng babae

Nakayuko ito at matamlay na naglalakad papalayo sa amin

"Ewan ko, kanina ko pa nga pinagmamasdan eh. Tingin kasi ng tingin dito" Sagot naman ni Chad