Santiago
Nagsimula ang lahat sa isang maling akala.
Kanina pa ilaw ng ilaw ang cellphone ko habang gumagawa ako ng plates. May kasama pa ngang tunog ang bawat message 'e. Siguro tinatadtad nanaman ng mga kaibigan ko ang gc ng class block namin. Siraulo din mga 'yon 'e.
Kinuha ko ang cellphone ko na nasa kabilang dulo ng lamesa, imumute ko sana ang gc ngunit wala palang message galing dito. Imbis na galing sa messenger o kaya sa instagram, galing ito sa Messages. Nagulat ako doon dahil hindi naman ako masyadong nagchchat doon.
At'saka, galing ito sa isang unknown number.
"i guess this is closure for me and my feelings for you dahil alam ko na kahit hindi naging kayo ni janna, hindi mo parin ako magugustuhan sa ganong paraan.
thank u for everything :)"
Hala, sino 'to? Wala akong kilalang janna?
Natawa ako sa pagkakamali niya sa pagmessage. Pero naawa din ako sa buong minessage niya. Alam ko din kung gaano kasi kasakit iyon. Alam ko dahil nireject ako ng kaibigan ko dahil mas gusto daw niya tropa ko.
Masakit 'yon.
Kaya minessage ko din siya. I made a deal to be friends with her and to tell her things about me [minus my personal information]. Masaya daw magkaroon ng internet friend, sabi ng kaibigan ko. Walang judgements sa buhay, walang masasabing masama.
It went on for weeks, may part din na akala niyang sumama ang loob ko sa kaniya kaya bigla niya akong sinuyo. Kala mo magjowa 'e.
It went on for 1 month, nandoon ako para sakaniya habang nagpapakahirap siyang magaral para sa mga exam. Naroon ako para sa kaniya noong nakita niya ulit ang taong mahal niya sa mall, kasama ang girlfriend niya.
In return, she was also there for me nung nahihirapan ako sa mga subjects ko. Nandoon siya nung bigla akong kinonfront ng kaibigan ko dahil sa babaeng gusto ko. Nandoon siya nung alam kong nakamove on na ako kay Joanna.
Two months passed, alam ko na ang mga maliliit na bagay tungkol sa kaniya, ang mga hilig niya, ang mga gusto niya. Nalaman kong gusto niya maging doktor dati pero umayaw noong nalaman niyang napakaraming taon ang kailangang isakripisyo upang maging isang ganap na doktora. Nalaman rin niya na mahilig ako magdrawing ng mga self portraits.
"wow, why don't u draw me."
"balang araw, sige, ikaw ang magiging muse ko sa art ko."
Hindi na siya nagreply no'n. Siguro nagulat siya. Ako din mismo nagulat sa pinagtype ko 'e.
Siguro doon ko lang naramdaman ang pagiging curious ko sa itsura niya.
Not that it mattered.
Alam ko naman maganda siya 'e. Alam kong mabait siyang tao, alam ko rin na hindi siya nagsisinungaling sa pagkatao niya. May tiwala ako sa kaniya kahit hanggang chat lang kami sa isa't isa. Sana ganoon din siya sa akin.
Weeks past, I continued talking to her. Until it turned into three months. Three months of texting each other everyday. Mas strong pa kami sa relasyon ng iba.
