هلوو اسفه عله التاخير بس البارت طولت كلش للهذه اتاخرت بالنشر وهسه انعوفكم تقروه واتمنه يعجبكم😘😘😘
البارت 4712كلمه
#رهان الشيخ
بقلم زينب الجبوري
انستا zzaa_477
وخايف اخسرك جنت.....
وتمنيت خايف اظل.....
متردت اصيرن بشر.....
ماعنده شي يخسره.....
اديان: وصلنه للبيت جدي نزل ازاد واجه عله جهتي فتح السياره وجرني وما
حجه شي لزمت ايده وانه اترجه بيه بس لا حياه لمن تنادي ما يحجي شي
بس ايدك الباب اشوي انفتح للباب وللسوء حضي عيسى الي فتح الباب باوعلنه باستغراب وانوب عقد احواجبه وحجه.....
_اديان هذه سوالج شي.....
_هههه وانته شكو اسويلها شي او لا اببصفتتك منوووو جاي تسأل......
_بصفتي ابن خالها وهسه احجي ليش جاي كنالك ابنك مات اشرايد بعد جاي بس اذا جاي اطلك اهلا وسهلا......
_هههه اي خوش وهسه انه جدك وعمك وين رايدهم بجم احجايه....... طبب
ازاد للاستقبال وراح عيسى ايصيح للجدي وللخالي همه هيج وكت موجودين
ضليت كاعده يم ازاد اشكد احجي وياه واتوسل بيه بس ما يحجي باقي
ساكت..... اشوي وطب جدي وخالي كام عليهم ازاد سلم وضل يحجي وياهم
اشلون ايجذبون عليهم وايكللوله ابنك مات جان يحجي وامفرفح ويصيح ايريدون ايسكتوه ما ايكدرون.....
_هوه العتب مو عله هالجاهله العتب عليكم زلم امشوربه اتجارون طفله ما تفهم.......
_البنيه رادت ابنها يمها وانته اتريد تحرمها منها شنسوي بهاي الحاله اتريدنه نحرمها من ابنها......
_لا اشلون تحرمها من ابنها بس روح جذب عله ابوه وكله ابنك ماتت واحرمه منه والله اعلم اشرايدين بعد اسون وبأسم منو ناوين اتسموه.....
عيسى: هسه المطلوب منا شرايد ابنك ما نطيك ياه واديان هسه اطلكها
وارجع من وين ما اجيت وابن اديان انه الي راح اربيه واعتبره ابني.....
اتمنيت عيسى ما يحجي هيج اكباله لان ازاد صار اعصاب واوردته بينت بيده
عرفت عيسى حجه هيج حته ايعصبه.....ما انحس اله ازاد طفر عله عيسى
واول ما لزمه ضربه بوكسي وضلوا يتضاربون هوه وعيسى وخالي وجدي
بالوسط ايريدون ايفاككونهم ما ايكدرون عيسى ما يكدر عله ازاد لان هوه
تقريبا ناعم وازاد كلش ضخم ومدرب يعني ما يكدر عيسى عليه.... رحت
عليه اجره من ايده ماكو ما ايعوفها... ابكوه كدرو ايجرون عيسى منها.
وايطلعوه بره وعيسى ما يسكت بس يغلط عله ازاد وازاد ايريد بس ايفكوه
للخاطر ايهد عليه......دار وجهه عليه وزمخ ابوجهي....
YOU ARE READING
رهان الشيخ
General Fictionانه ابن العشيره..... الصاغه والفنجان..... انه ابن العشيره..... السوت الدله...... انه ابن المضيف..... البيه بخت ينزار..... ما يخلف رأي........ والچلمه عدله...... انه ابن الرجال الشيخوهم مهيوب..... المانكس اعكاله..... وعاشر الذله.... تم النشر بتا...
