၂လ ကြာပြီးနောက် ...။
သီချင်းသံဆုံးသွားသည်နှင့် နွမ်းလျနေသော ကိုယ်ကို ကြမ်းပြင်ပေါ် လဲချလိုက်သည် ။ သူ့နည်းတူ အကလေ့ကျင့်ခန်းထဲက လူအချို့ လဲ ပစ်လဲချကြသည် ။ ရေသောက်သူကသောက် နံရံမှီ၍ နားသူက နားနှင့် အားလုံး ချွေးပြိုက်ပြိုက်ကျလျက် ပင်ပန်းနေကြသည်။
ဂျောင်ဂုလဲ ၃နာရီမျှ ဆက်တိုက်ကထားရ၍ ဝတ်ထားသည့် ရှပ်ဖြူဖြူက ချွေးများရွှဲလို့ အသားပင်ကပ်နေချေပြီ ။ နှာခေါင်းဖြင့် လေရှုရတာ မလုံလောက်တာကြောင့် ပါးစပ်နှင့်ပါ လေရှုသွင်းထုတ်လုပ်နေရ၏။
" ပင်ပန်း သွားပြီလား ။ "
ဟိုဆော့ Hyungက ဘေးတွင် ဝင်လဲပြီး မေးသည် ။
" အင်း နဲနဲ ။ "
" ပင်ပန်းလဲ နဲနဲ အားတင်းထားရအောင် ၊ သဘက်ခါဆို နောက်ဆုံး ကျန်ခဲ့မယ့်သူကို ကြေညာမှာမလား ။ "
" ဟုတ်ပါရဲ့ ။ "
မျက်နှာကျက် ဖြူဖြူတွေကို ငေးရင်း ဂျောင်ဂု သက်ပြင်းချလိုက်သည် ။
ဟုတ်ပါရဲ့ မနက်ဖြန် ကြေညာချက်ထုတ်မယ့်နေ့ပဲ ။
နက်ဖြန်ကျ အခန်းထဲ လက်တစ်ဘက်စာသာ ရှိတော့တဲ့ လူတွေထဲ ဘယ်သူဖြုတ်ခံထိပြီး ဘယ်သူက ရွေးခံရမည်မသိ ။ ကျိန်းသေပေါက် ရလဒ်ကောင်းအမြဲရသည့် ဟိုဆော့ Hyungက ရွေးခံရမည်မှာ မလွဲလောက် ။အမြဲ ရလဒ် အတက်အကျ မငြိမ်သည့်သူသာ မှန်း၍ မရတာဖြစ်သည် ။
လူစစ်ပွဲနေ့ ဇကာတင်စာရင်းမှာ ပါကတည်းက တစ်ပတ်တစ်ခါ ဖြုတ်သည့် လူထဲ မပါသွားရအောင် ဂျောင်ဂု ကြိုးစားခဲ့ရသည် ။ သူများတွေထက် ပိုပြီး ဟိုဆော့Hyungနဲ့အတူ လေ့ကျင့်ခဲ့ရသည် ။ သီချင်းတိုင်းကိုလဲ ကျွမ်းကျင် ပိုင်နိုင်စွာဆိုနိုင်ဖို့ လေ့ကျင့်ရသည် ။ လေ့ကျင့်လွန်း၍ အစ်ကိုဂျင်က သူ့ကို မင်းသာ ကျောင်းစာ ဒီလေါက်ကြိုးစားရင် ဟားဘတ်က ခုချိန်မင်းကို လာခေါ်လောက်တယ်ဟု ပြောလေ့ရှိ၏ ။
ထိုမျှ ကြိုးစားခဲ့ရ၍ ရလာမည့် အဆုံးသတ်ရလဒ်ကိုတော့ ထူးစေချင်မိသည် ။
" Hyungနဲ့ ကျွန်တော် ရွေးခံရရင် ကောင်းမယ် ။ "
" Hyungရဲ့ ဂျောင်ဂုကီးက ကျိန်းသေပေါက်ရွေးခံရမှာပါ ။
ဂျောင်ဂု ...တကယ်လို့ မင်းအရွေးခံရပြီး အဖွဲ့ထဲ ပါခဲ့လို့ မင်းသဘောကျတဲ့ဂျီမင်းကိုတွေ့ရင် ဘာပြောမှာလဲ။"
YOU ARE READING
My Crush is an IDOL
Fanfictionကြယ်တွေကို ချစ်မိရင် ပင်ပန်းရတယ်။အဲ့ကြယ်နဲ့ နီးစပ်အောင် ကြိုးစားရတာက ပိုပင်ပန်းရတယ်။အဲ့လိုကြောင့် စွန့်လွှတ်နိုင်လား မေး။ ကျွန်တော့်အဖြေက တစ်ခုတည်း... သေသည့်အထိ မစွန့်လွှတ်နိုင်ဘူး။ ငေးမောရရုံ ကျေနပ်တယ်ဆိုတာ မုသား...။ တကယ်ဆို ခင်ဗျားနဲ့ နီးစပ်ချင်တ...
