الحلقة 25
دورت نشوف مع اكرام قاتلي اطلعي شوفيه شبيه بلاك محتاجك في حاجة ايرجون...
طلعت وأنا مترددة في لحضة حسيت روحي خفت منو ومن تهديداتو..... كملت آخر درجة وقفت نشوف معاه متكي على باب بيت إكرام يخزر فيا من فوق للتحت ...رحت عندو وقفت قدامو... في لحضة دخلني للبيت وقفل الباب...من الخلعة قلبي طاح بين رجليا خزرت فيه بغش وحكيت.
انا : حسام افتح الباب عيشك ميجيش الشي هادا رانا في دار العايلة وعيب يشوفونا هك
حسام : ماش نتي لي تعلميني العيب والاصول اوكي..... ودرك تحركي اجبدي بيجامة عريضة من قش إكرام بدلي عليا هادي
انا : وعلاش نبدلها تشوف فيا عريانة ؟
حسام : متجهليش ز** وتحركي بدليها
انا : ايييه شبيك تسب راك كثرت على ماوصاوك مش هك بعد فيييق مع روحك ..
حسام : حتى تفيقي نتي سع وبعد ساهلة... بدلي المهزلة هادي صينو غير مكاله تهبطي وتقابليني هك...
خرج وخلاني نغلي من وين لوين ولا يحكم فيا هادا ... جبدت بيجامة اخري بدلتها على زهري الكلب وهبطت.....
لقيتهم ديجا تلمو على طاولة قعدت قدام إكرام وبديت ناكل من فم ساكت نسمع في مريم تحكي...
مريم : منى شبيك بدلتي البيجامة هه
حسيت روحي تصمرت معرفتش نجاوبها ومخممتش اصلا بلي يسقسوني هزيت راسي نشوف فيه ياكل ولا على بالو... الحمد لله كوفرات عليا إكرام كي قالتلها بلي ساح عليا الما....
كملنا لعشا وبدينا نلمو فالطاولة الرجال رجعو لصالو عمي يوسف يتفرج فالاخبار وهشام وحسام يلعبو فالشطرنج ولباقي كل واحد فاش لاهي لي يلعب مع ولدو لي يبربش فالتلفون....
رحت مع خالتي فلة وجدنا صينية السهرة وديناها للصالو وكملنا سهرتنا عادي.....
مع 12 الجماعة الكل تفرقت طلعو يرقدو كامل غير حسام مكانش فالدار اصلا خاطر عيطلو محمد خرجو يسهرو برا
بقيت غير انا واكرام نغسلو فالماعن ونحكيو
اكرام : منى مازالت مشاعرك متحركتش لحسام حسيتو كاره
انا : والله مانعرف إكرام مافهممت روحي ماقدرت نفهمو ربي يجيب لي فيه الخير هادا واش نقدر نقول.....
كملنا فرزنا الكوزينا ورحنا للصالو حطينا فيلم هندي نتفرجو فيه ومرة على مرة نحكيو في موضوع في لحضة لقيت روحي نخمم فيه زعمة وينو وشبيه لدرك مروحش الجو برا مايطمنش المطر تجبد بقوة والريح راح يهز الدنيا نسمعو فيه من داخل.... نسمع في إكرام قاتلي (منى محمد عيطلي نطلع نحكي معاه شوية ونجي ونتي كملي الفيلم باش كي نجي تحكيلي واش صرا) ....
هي طلعت وانا بقيت ندادي مدام محمد عيط لاكرام معناها روح لدار خاطر مستحيل يحكي معاها قدام حسام.... بقيت ندور مرة نقعد مرة نوقف مرة نطل من الشباك نلقى الدنيا برا تخوف غير شجر يتحركو بقوة نزيد نتقلق اكثر وينو هاد...... منعرفش حتى شبيه بالي مشغول عليه ....الضوا بدا يروح ويجي خفت كان يروح خلاص ونقعد وحدي سع نموت نورمال ه.......
سمعت حس الطونبيل كي ڨارا رحت نجري طليت لقيتو هوا خرج من الطونبيل وخبط الباب برجلو قريب كسرو .......... جاممممم على الحلقات 😍
