تصويت وتعليق قبل لا تبدون بالفصل حبايب
عاري
كتابة رؤى صباح مهدي
الفصل الثالث
البيت مو للكل نفس الشئ. عند بعض الناس هو المأوى الي بداخله دفو وامان وراحة. اكو ناس يكولون لو اروح لبيت الله هم مو مثل بيتي كناية عن اهمية البيت وعن راحة الانسان ببيته. بس البعض الاخر البيت بالنسبة الهم الجحيم المضطرين يعيشون بي لان ماكو اي بديل. اذا الانسان ببيته ما يرتاح وين لعد يرتاح؟ ممكن اي بديل يكون اهون عنده حتى لو جان الشارع!
وصلت رانيا وعلياء للقسم الداخلي جان تقريبا فارغ الا من طالبات الدراسات العليا الي يبقون عادة بسبب كورساتهم وامتحاناتهم الصعبة حصلن غرفة ورتبن غراضهن وكعدت كل وحدة على فراشها كدامها ملازمها تدرس. ورة ساعتين كامت علياء تسوي اكل وكامت وياها رانيا تعاونها واستغلت علياء الفرصة حتى تحجي وياها:
-اسمعي باجر اروح للجامعة
سألتها رانيا وهي دتسوي الزلاطة:
-شعندج ولج؟
جاوبتها علياء وهي تتبسم:
-تتذكرين سلمان؟
هزت رانيا راسها فردت عليها علياء:
-باجر راح يجي للجامعة واتفقنا نلتقي اني ويا
فتحت رانيا عيونها مصدومة فكملت علياء بصوت يترجة برانيا:
-تعالي وياية! ماريد اروح وحدي
جاوبتها رانيا بعصبية:
-علياء لتروحين وبطلي هاي السوالف. احنة وينة وين هيج سوالف؟ والنوب تريدين تورطيني وياج الي خلك اذا ابوية عرف شيخلصني؟
جاوبتها علياء وهي دتكلي كباب جايبي من البيت جاهز وجامد بس يتكله:
-كلما حجينة وصحتي ابوية شيخلصني لشوكت تظلين خايفة من ابوج؟ على هذا الحجي مراح تكدرين تسوين اي شئ بحياتج من ورا وتاليها؟ تريدين تظلين مكابلة ابوج وكاعدة
جاوبتها رانيا بعصبية:
-وهذا الولد سلمان شتعرفين عنه حتى تروحين تقابلي باجر بالجامعة الي تعتبر فارغة؟ متخافين لا يسوي بيج شئ؟
ضحكت علياء باستهزاء وردت:
-لج بابا مو كل الرياجيل مو زينين مو كل اصابيعج سوة
باوعتلها رانيا صفح وردت عليها:
-اني دا احجي لمصلحتج لتعرضين سمعتج للخطر علياء
حست بعلياء انزعجت من كلامها فكملت:
-حبيبتي انت صديقتي واني احبج مثل اختي واكثر
YOU ARE READING
عاري لهجة عراقية
Romanceقصة حقيقية/ ترفض كل الي يخطبوها بسبب شئ صار بيها بطفولتها وتخاف من الفضيحة. يتقدم الها شاب بي كل المواصفات بس تبقى هي خايفة من الي صار بيها بالماضي.
