من ذا الذي اغواك بقلم بسمة البياتي الناقل آدم العربي

مشاهد

#من_ذا_الذي_اغواك _
( بقلم بسمة البياتي)

من ذا الذي اغواك...
لتسير في درب الهلاك
لتسحق كل من أذاك
لتصبح صَلب المشاعر لا يهمك سوى رضاك

من ذا الذي طعنك لتكون هكذا قسواك
ليكسرك ثم تمحوا اثاره بخطاك

لتسعى أن تكون..
حتى تتغير
لتصبح شخص غير هذاك

.. قاسية انا
احمل قلباً من حديد
مشاعري تصنمت
حتى باتت باردة كالجليد

ومن بعدها سُرت
في درب الأنتقام والوعيد
لأقضي على ذالك الشيطان الذي زرعه احدهم بقلبي من غير تهديد

لم اكن هكذا
ولكن اصبحت..
نعم حاقدة انا
لا تقترب كي لا تحترق بنار انتقامي من دون ذنب يا انت 

غامضة انا
شامخة،، متكبرة،، متمردة
كل هذا اقنعة ارتديتها لأمحوا خيباتي 
فهل من سبيل لعودتي؟!

هل لي؟!
ان اجد من ينتشلني من مستنقع كراهيتي
ام يبقى الشيطان يغويني لأستمر في انتقامي حتى اموت ؟! ....

______________

(مشهد)

افتر بأرجاء الغرفة مثل المجنونة
الم باغراضي كلما الزم حاجة توكع من ايدي
الخوف مسيطر عليه ماعندي تركيز
شسويت بروحي ووين وصلت نفسي
ما اكدر ابقى اكيد اول مكان يدخلوا هي هاي الغرفة ركضت بتجاه الباب

صوت كرم يجي من المطبخ ديخابر بالتلفون
باب البرا تكسرت من الدك
الحمام بأخر الممر مشيت سريع
دخلتة وقفلت الباب هذا احسن مكان اضم نفسي بي لان الباب قوي مينكسر بسهولة

واكفة وايدي على قلبي مستحية من ربي ما اكدر  ارفع راسي ادعي حتى ينقذني من هاي الكارثة الأني بيها

بسبب حقدي وأنتقامي خليت الشيطان هو الي يقودني ويتحكم بيه وهاي هي النتيجة

صار صوت عالي داخل البيت
اكيد كرم فتح الباب ودخلوا

اكدر اسمع كلامهم زوجتة تصرخ من كل جوارحها وتغلط بأبشع الالفاظ

... وينها الگ.. الساقطة بنت الشوارع احجي وين ختلتها اليوم افضحكم فضيحة لا صارت ولا دارت

كرم... علاء أخذ اختك وروحوا منا لاتخلوني اطلع خبالاتي عليكم واطلعكم بالجلاليق

علاء.. فوك فضيحتك وسوالفك المكسرة انت ابو الراهي

...مخلية اذني على الباب واسمع كلامهم
تعالت الاصوات الظاهر اضاربوا بينهم

فزيت من اندكت الباب قوي

جنان.. لك علاء الساقطة اهنا تعال اكسرلي هذا الباب وطلعها سحل

... اندفرت الباب لزمت قلبي من زمان محاسة بهذا الخوف والهلع

كرم...ابن القندرة توخر، منا لا اخلي طلقة براسك وبرأس اختك

جنان.. هسه اذا ما اخابر باقي، اخوتي واخليهم يشكون'' '' بس اسطبرلي

... كرم صياحة ترس البيت هو يسب ويغلط وهي تصرخ يمكن ضربها

علاء.. عوووفها كو... كدرتك على النسوان

.... ما اعرف شنو الديصير الظاهر العركة ببنهم كبرت

غمضت عيني صارت صورت ماما كبالي اااااه يا ماما شوفي بنتج شسوت بروحها
نزلن دموعي فصلت عن الدنيا وماكو غير صور اهلي تمر كبالي
ماما خواتي خوالي
اذا عرفوا شراح يصير بيهم؟!
وشلون راح تكون ردت فعلهم مستحيل بسامحوني

عصرت راسي قوي
تستاهلين الديصير بيج سلسبيل هاي نتيجة تهورج واخطائج
بعدني بهاي حالتي سمعت صوت اطلاق رصاصة
من الفزع خليت ايدي على حلكي حتى لا اصرخ  موقف رهيب مايوصفه الكلام.........

سيتم البدء بنشر القصة ابتداءا من الغد تحياتي أدمن بيج (مدونة نور قلبي)
وبيج (الناشر آدم العربي )
آدم العربي