#من_ذا_الذي_اغواك _
( بقلم بسمة البياتي)
_البارت السادس _
سدف... تلفوناتنة مسكتوا كل دقيقة واحد من خوالي يتصل يستفسر
ماما تعبت هلكد متعيدلهم نفس الكلام اخير شي غلقت تلفونها
واصل الخبر السوزان اتصلت بيه وكلبت الدنيا بالصياح
اتكول. شلون تسافرون بدون متنطوني خبر
لوما خالي بلغ بيبي وهي بلغتني مكان عرفت شي
.. ترى الموضوع صار فجأة ماكو داعي الهاي العصبيه بدال الصياح افرحي لان سبيل راح ترجع
... غير من حرگت قلبي عليها لو ادري أجي وياكم
... لاتضوجين ان شاء الله باجر تشوفيها وتشبعين منها
... احجيلي معقولة سبيل يم بابا وهو كذب علينا اشو السالفة مدتدخل عقلي وشنو مزوجة بالغصب
.. سوزان ابد مو وقت هذا الكلام من نرجع نفهمج هسه ما اكدر ولأزم انهي المكالمة
.. اي عفيه انهزمي وعوفيني اضرب اخماس باسداس
... على شنو انهزم فعلاً معندي مجال
وموضوع اختفاء سبيل مثل مسمعتي كانت يم بابا وغاصبها تأخذ نبيل
... تمام عود من تجون بسلامة نحجي
... بالكوة تهربت منها ومن اسألتها
ماما مخليه سبيل بحضنها ونايمة
نادر كاعد بالحديقة يدخن طلعت يمه.
بيده التلفون ويتصل جيت يمه
سد الخط وجر حسرة طويلة
شبيك حبيبي ويامن كنت تحجي وصوتك هلكد عالي
.. ويا سامر
... غمضت عيني بقهر
اي وشكال
.. اول مرة سألني صدك لكيتوا سلسبيل وين جانت وشنو هذا الكلام الكالة ابوية
... مثل مسمعت الكلام صح سلسبيل ابوها حابسها وضحك علينا حتى لاندورلها عنده
.. وليششششش يحبسها شنو غايتة نادر، اياك اتكلي سلسبيل صدك مزوجة
.. هاي الحقيقة ولأزم تتقبلها
..حجة برجفة زواج كامل لو بس عقد
.. تحسرت على حاله وحالها
جاوبتة زواج كامل
قبل لا انهي كلامي سد التلفون
سدف. تتوقع سامر راح يكمل وياسبيل لو يتخلى عنها؟!
... ما اعرف لاتنسين سبيل هسه على ذمتة نبيل ومنكدر نحجي شي قبل لا تتطلك
.. امشي ندخل انام باجر ورانه يوم صعب الله اليعلم شراح يصير
... ميصير شي اطمئني عمة تيجان اليوم صدمتني بتفكيرها. وقوتها صدك لو كالوا مرة بالف رجال
.... فدوة العمرها تدري بنفسها اذا ضعفت القريب قبل الغريب راح ينهش باللحم بنتها
سلسبيل.. ثاني يوم العصر اخذوني البيت اهلي
اجوي خواتي يبوسون بيه
سوزان وسومة من اشوف حبهم وخوفهم عليه هواي ارتاح واحس اني مو وحدي بهاي الدنيا الظالمة
YOU ARE READING
من ذا الذي اغواك بقلم بسمة البياتي الناقل آدم العربي
ChickLitقصة حقيقية منقولة للكاتبة بسمة البياتي
