من ذا الذي اغواك بقلم بسمة البياتي الناقل آدم العربي

البارت الأول

#من_ذا_الذي_اغواك _
( بقلم بسمة البياتي)
_البارت الأول _

___________
كانت سلسبيل..؟

حمامة سلام بريئه
وحوريه بحر رقيقه..
هادئه، حنونه
وتارة صبيه مرحه!
و مجنونه... ..
بسيطه نقيه
ك نورآ في سماء صافيه

أحلام..
إمنيات..
ذكريات..

تحلم بيد تمسك يدها
لشجن الحب تاخذها^
لفارس ولهان ينتظرها.!

أين..؟

في مكان تحسبه مأمون
ولكن قد خابت الضنون.!
و انكشف المضمون..

أعصار..
زلزال..
بركان..

بأغتها ليقلب حتى ضحكتها
ماكانت تدرك ان الحب قد غادرها..

الحمامة باتت صقرآ جارح.!
وحوريه البحر قرشآ لا يبارح^

انتقام..
قسوه..
ضغينه..

هائجة كالأعصار
داخلها حروبآ ودمار
منهكه متعبه بأختصار

أحتضنها الشيطان ليغويها
ويبعثر جميع أمانيها
في طريق الأنتقام يرميها

طريق بأس لا محال
قلبآ قاسيآ عنها يقال.!
حقدآ وكرهاً وقسوة تنال
وجاء يوم المنال..
لابد للقيد ان يزال.

شاردة..
تائهة..
ضائعة..

لا تعلم أين المفر؟!
والناس منها تفر

منبوذة وحيدة
ذنبها فتاة عنيدة

سارت بدرب الغواية
وكانت هكذا الحكاية؟!...
__________

٢٠١٠شهر السادس

اليوم من اصعب الأيام علينا مجتمعين لكن مو مثل كل مرة
الضحكة بالكوة تنرسم على شفاهنا والدمعة مهما كابرنا حتى متنزل منكدر نمنعها

التمينا على السفرة ماما ممبقية شي ممسويتة شكو اكله يحبوها خواتي واطفالهم طابختها

لكن حتى الآكل ماله اي طعم كاعدين نجامل بعضنا ونحاول نغير جو الحزن والكأبة.!

ماما مكعدة احفادها يمها توكلهم بيدها
عيني عليها دموعها تنزل وتمسحهم بسرعة

صعب عليها فراقهم وهي متعودة عليهم
والله مو بس صعب عليها صعب علينا كلنا

ياترى متى راح نكدر ننجمع مثل هاي الجمعة ونعيش هاي الأجواء الأسرية الحلوة

الوحيد المو ويانة بهاي الكعدة هو بابا
وهالشي صار عادي بالنسبة النة تعودنا على غيابة
حتى لو كان موجود يكون حاضر بجسدة فقط اما عقلة وتفكيرة يم شغلة واعمالة
الفلوس بحياتة تحتل المرتبة الأولى
بعدين احنا..

كملنا اكل ولمينا السفرة
اني وسدف وكفنا نغسل الاطباق

انس.. سبيل تعالي العبي ويانة