#من_ذا_الذي_اغواك _
( بقلم بسمة البياتي)
_البارت الثالث _
_______
اخبرهم يا قلبى انك لست حجر
اخبرهم انك قلب كباقى البشر
يشعر ويحب ويتألم
وكل شئ يترك فيك اثر ......
ردت انهزم للغرفة واقفل الباب لحكني وكدر يلزمني ويكتفني
تهسترت من قيد حركتي رافست بيدي ورجلي اريده يتركني
ووووخر يا كلب الله ياخذك عووووووفني
شالني ودخلني للغرفة لزمت الباب ما اريد ادخل
نزلني للكاع وكفخني على راسي من القوة انضرب راسي بالباب دخت ردت اوكع
جرني من ملابسي وذبني بوسط السرير
لهنا ويعجز الكلام عن وصف الصار. بيه
قاومت توسلت بجيت صرخت
لكن بدون جدوة للأسف قوتة ك رجل غلبت قوتي ولو هو بعيد كل البعد عن الرجولة
نبيل... ليش تبجين اني وياج لايكين البعض
انتي رخيصة عند ابوج واني حظ ماعندي
... انت وبابا نفس الصنف الله ياخذ حقي منكم
.. هههههه شلون عرفتي احنا نفس الصنف يعني تعتقدين ممكن ابيع اختي لو بنتي مثل ما باعج ابوج
... لعد اختك مو بعتوها الرجال اكبر منها ومزوج كلكم عبيد للمال
... فرح اخذتة بموافقتها وابوج سوة المستحيل حتى ياخذها معيشها ملكة
وشوفي حالج انطاج الي بعقد سيد لا مقدم ولا مؤخر
... اختك عايشة بفلوس ماما
تدري متفرق شي عن النسوان شوف كلامك واسلوبك هسه تاكدت انت بالحادث حتى رجولتك فقدتها
هاج عليه مثل الاعصار بيد خنكني والثانية يضربني روحي رادت تطلع بيده باخر لحظة عافني
تركني وسط احزاني ودموعي المترضى تنشف طلع من الغرفة وهو سالب حياتي امنياتي ضحكتي برائتي مختصر الكلام قتلني وطلع
لملمت نفسي وحاولت اسند روحي لبست ملابسي وتحركت من المكان النذبحت بي
طلعت من الغرفة دخلت للحمام دخلت جوة الدوش
القذارة التركها بيه ماكو شي ينظفها
سبحت وطلعت بقيت كاعدة بالغرفة اندب حظي العاثر
قويت نفسي وطلعت أشوف هذا الحيوان وينه
لكيتة مثل الثور نايم بالاستقبال هاي فرصتي موبايلة على الميز اجيت بهدوء اخذتة ردت افتحة بي رمز مفاتيح البيت ايضا موجودة
مراح الكي احسن من هاي الفرصة اخذت المفاتيح ورجعت للغرفة على السريع
بدلت عندي كم فلس اخذتهم
والحمدلله الجواز يمي من رجعنا بقى بجنطتي على الاقل يعتبر مستمسك اذا اريد اعبر السيطرات غطيت شعري بشال وطلعت من السجن الحبسوني بي المكان القتلوني بي
أنت تقرأ
من ذا الذي اغواك بقلم بسمة البياتي الناقل آدم العربي
ChickLitقصة حقيقية منقولة للكاتبة بسمة البياتي
