من ذا الذي اغواك بقلم بسمة البياتي الناقل آدم العربي

البارت الرابع

#من_ذا_الذي_اغواك _
( بقلم بسمة البياتي)
_البارت الرابع _
_______

تغيرت.
تعذبت
انكسرت
انا لستً انا
  لم أعد أكترث لشـئ
لأنني ببساطة فقدت الأحساس
بكل شي....

اختنكت طلعت رأسي من جوة البطانية  شي مثل الخيال صار كدامي شخص مقابيلي عبارة عن سواد بسواد فزيت بقوة جسمي كله انتفض غمضت عيني واصرخ بعلو صوتي من الهبطة وسرعة دقات قلبي جسمي ارتخى وفقدت الوعي

بين الوعي والا وعي احس شي كاتم على صدري ومقيد حركتي اريد افتح عيني او احرك ايدي ما اكدر
اريد اذكر ربي او أقرأ ايه ما اكدر ثقل بالساني

جاهدات حتى اصحى. واكدر افتح عيني
بالكوة صحيت شنو صار ما ادري

فريت رأسي بالغرفة ماكو احد والباب مقفولة اكو فتحات قليلة من الخشب الي بالشباك يدخل منهن خيوط ضوء معناها النهار طالع

اريد اكوم ما اكدر جسمي منمل وخدران
بقيت اكثر من نص ساعة بمكاني الى ان خف الثقل وكدرت اتحرك

اخذت بطل مي غسلت وجهي ورجعت المكاني
الأكل صار عدوي معدتي متتقبلة

رجعت تمددت وبدت اعرض المرض تبين عليه  من الهبطة تمرضت سخونة وراجفة
للمغرب صار عندي مغص وتقيئ معدتي فارغة بس المي بيها وذبيتة

تعبت ومبقى عندي طاقة
المرض نهكني
ريحة الغرفة صارت بشعة 
احتاج حمام اريد اسبح اريد مكان نظيف بجيت بوجع  رجع الثقل الجسمي خدر وبديت افقد التركيز
حالة غريبة ما اعرف اوصغها يمكن بسبب السخونة 

قل تركيزي وبعد محسيت بشي الثاني يوم
من كعدت كل الي اذكره كوابيس دمرتني واكو شخص طول ما اني نايمة يطاردني وين ما انهزم منه الكي كدامي صح شكله بشر لكن عيونة تخوف

استمريت على هاي الحالة لمدة. اسبوع وضعي من سيئ للأسوء مرض خوف تخيلات كوابيس
من غير الحالة التجيني جسمي يخدر وادخل غيبوبة

المكان صار لايطاق من الوساخة جسمي قذر اريد حمام 

البوم مكرفصة وكاعدة صافنة على حالي سمعت اصواتهم برا قلبي نغزني ورجفت
جريت البطانية تغطيت احاول احمي روحي بيها

انفتحت الباب ودخل الشيطان وجهة وملامحة زايدة بشاعة يبتسم بخبث

... شلونها اميرتي الحلوة اااه ياسلسبيل لوتدرين اشكد مشتاقلج ومفتقدج
مابعدني عنج كل هاي الايام غير الظروف والاعمال

... مو كافي شوكت ترحم بحالي وتتركني والله حرام عليك تعبتتتتتتت راح اموووووت

... اهووو رجعنا النفس الحجي  بنتي ايسي طلعة منا ماكو اطلعج بحالة وحدة من تكونين جثة

يلا حبيبتي الحلوة كومي اخذج للحمام اكيد محتاجة تسبحين وشوفي شجبتلج ملابس حلوة تلوك الهذا الجسم والوجه اليشبه الگمر