من ذا الذي اغواك بقلم بسمة البياتي الناقل آدم العربي

البارت الرابع عشر

#من_ذا_الذي_اغواك
( بقلم بسمة البياتي)
_البارت الرابع عشر   _

اليوم الظهر فزيت على صوت صياح ركزت بالصوت هذا مراد شبي هيج متعصب

كمت بسرعة طلعت من الغرفة
لكيتهم بالهول من شافني اجة بتجاهي بسرعة

مراد.. سؤال وجاوبين عليه لا اكسر رأسج
وين جنتي من انهزمتي من المزرعة

... من كال سؤال انگصيت من النص عبالي عرف بزواجي من كرم
ومن كمل كلامة اتنفست براحة

وجهت كلامي الماما هذا شبي

.... لج احجي لاتخليني امد ايدي عليج_

تيجان.. مدري شاسمع اليوم نزل علينا مثل الثور الهايج وجاي يدور دفاتر عتيكة

... حطيت عيني بعينه يلا مد ايدك شمنتظر

تيجان... دخلي يسويها حتى اهجم البيت على رأسة

سوزان.. لشششوكت تبقين ادفعيلها وتششجعيها على الغلط بنتج مهزززززززومة ليش مجاي تستوعبين. هالكلام طخ الشهر وهي دايحة مندري وين لازم تكيفين من تشششوفين مراد مهتم بيها ويحاسبها

... على شششنو اكيف يمه احترموا نفسكم واكرموني بسكوتكم ترى روحي وصلت. الخشمي منكم
الف مرة عدت وسقلت بالسالفة كتلكم نجاتي العار حابسها دكافي عاد مو جزعتوني

مراد.... لا مووو يمه عمي بنفسه كالي سبيل انهزمت مني

.... شوكت كال هالكلام

سوزان... قبل شوية جنا نحجي ويا وأنفتح الموضوع كال كذب لا حابسها ولا شي سبيل انهزمت وتيجان طمطمتلها كال المراد خلي عينك عليها لاتسويلها مكسورة

... بنت الكلب اذا هيج علاقتج قوية ويا ابوج النذل وصايرين دهن ودبس شكو باقين يمي روحولة وخلصوني من طلابتكم

.. معندج غير هالكلام كلما حجينا وياها كلمة تطردينا

مراد... ما اعوفهااا اليوم اذا ما اعرف وين جانت

سلسبيل... تدري سمعتك هواي وطولت خلكي وياك هم هواي

اكلك بدون زحمة  انت منو وتحاسبني
ابوبة اخوية ابن عمي ابن خالي
احترم نفسسك والزم حدودك ترى انت قرابتك ويا نجاتي مو وياي
خلك زوج اختي لا اكثر ولا اقل
اشششتري نفسك وأبتعد عني بالقرآن اكدر ادمرك

هجمت سوزان عليه تريد تضربني لزمت ايدها وعصرتها قوي مراد يسب ويغلط ماما وبيبي صاروا بينا

ماما طردتهم من البيت
وهما بكل صلافة يكولولها مانطلع سوزان الها حق بهذا البيت

سوزان... باب الحوش منطلع شششنو هم تريدين تتنازلين عن البيت السبيل مثل ماتنازلتي عن الورث

تيجان... بنت الكلب بعدني عايشة ودورين ورث لومخلفة بزونة ولا مخلفتج حرامات تعبي وكسرة ظهري عليج