ခယောင်းလမ်းကကြင်ရာတော်(mmtrans)ခေယာင္းလမ္းကၾကင္ရာေတာ္

Chapter 78

ဒီစကားတစ်ခွန်းလေးက တိမ်ကိုခွဲပြီးထွက်လာသည့်လပြည့်လို သို့မဟုတ် နွေဦးအလျဥ်နှင့် နှင်းထုကြီးကိုခွဲလိုက်နိုင်သလို ခွန်အားရှိ၏။ မျက်နှာပေါ်ကနေပင် အာရုံတို့ခံစားမရတော့သည့်၀မ့်ရန်ရွီးမှာ စိတ်လှုပ်ရှားစွာ ထရပ်လိုက်သော်လည်း ဒူးထောက်လျက်ပြန်ကျသွားရင်း သူ့ဒူးခေါင်းဆီက ထုံကျင်မှုက အပ်တွေထိုးစိုက်ခံလိုက်သလိုပင်။ ကျီနန်သူ့ကိုတွဲထူမှုဖြင့် သူတဖြေးဖြေးပြန်ရပ်လိုက်သော်လည်း မြေပေါ်တစ်ကိုယ်လုံးပစ်လှဲသွားသဖြင့် ကျီနန်မှာ အလွန်အမင်းစိုးရိမ်သွား၏။ သူဆေးပညာကိုမသင်ဖူးသော်လည်း ၀မ့်ရန်ရွီးခြေထောက်မလှုပ်ရှားနိုင်တော့သည်ကိုသူနားလည်လိုက်သဖြင့် ချက်ချင်းနောက်တစ်ခေါက်ထပ်ထူလိုက်သော်လည်း သူထင်ထားတာထက်ပင် ပိုဆိုးနေ၏။ ကျီနန်လက်မောင်းကိုမှီရင် သူ့ခြေထောက်ကိုသေရေးရှင်ရေးလှုပ်ရှားနေသည်ကိုကြည့်ရင်း ၀မ့်ရန်ရှားအေးစက်စက်ပြုံးကာ

"ဘာလဲ? ကြောက်နေပြီလား? ခြေထောက်သုံးမရတော့မှာကိုကြောက်နေပြီလား? ဒါဆိုဘာလို့အချစ်ကရွှေထက်အဖိုးတန်သလိုမျိုးတစ်ရက်လုံးဒူးထောက်နေသေးလဲ? ငါမင်းကို ဒူးထောက်ပါလို့မတောင်းပန်ခဲ့လို့ ငါတော့အပြစ်ရှိသလိုမခံစားရဘူး"

သူ့စကားအဆုံး ၀မ့်ရန်ရွီးက ဒေါသကိုမြိုချကာ ပြုံးပြရင်း

"ကိုယ်တော်သိပါတယ် ကိုယ်တော်လျှောက်နိုင်ပါသေးတယ် အခုသွားကြမယ်"

ပြောရင်း သူ့ကိုသူ အတင်းဖိအားပေးထရပ်နိုင်အောင်အားထုတ်နေချိန် ကျီနန်ဆက်သည်းမခံနိုင်တော့ပဲ ၀မ့်ရန်ရှားကိုအော်လိုက်မိ၏။

"ဒုတိယမင်းသား ရှင်နားမလည်တာလား အရှင်...အရှင်က တကယ်လို့သူသာလမ်းပြဖို့နှောင့်နှေးနေရင် ရှင်မကုပေးတော့မှာစိုးလို့ ကြိုးစားနေတာကို အခုသူ့ခြေထောက်ကိုစိတ်ပူနေတယ်လို့များရှင်ထင်နေတာလား?"

သူမျက်ရည်များဖြင့်ရှိုက်ရင်း ပြန်ခံပြောလိုက်သဖြင့် ၀မ့်ရန်ရှား ခြေလှမ်းတို့ရပ်တန့်ကြောင်အသွား၏။ ၀မ့်ရန်ရွီးမှာ သူဒေါသတကြီးပြန်တုန့်ပြန်မည်ဆိုး၍ ကျီနန်ကိုသတိပေးလိုက်သလို ၀မ့်ရန်ရှားဖက်လှည့်ရင်း