((الابتزاز والحرام ))

١٣

كل لحضة تمر واني احس بلقرف من نفسي من اذكر ميثم وحقارتة ودانائتي كل ضحكة من سجاد بوجهي وكلمة دنو بس تضوجين بطلي من الشغل لان اني المسؤول عنجن واني ماخليجن تحتاجن شي

كمت و رحت للحمام اغسل اليوم كاعدة كلش متأخر على العادة اكعد بل١١ او ١٠ الصبح بس اليوم تعبانة كعدت ١٢ ونص هم يلا اكوم اتغدة واغسل وابدل واطلع الشغلي دك مبايلي سجاد

هلا بلغالي هلا بضوة البيت

هلا بيج حبيبتي دندن رايدج بموضوع كلش مهم

شوف سجاد هسة اني لازم اطلع الشغلي من اوصل هناك وماعندي شي اخابرك ونحجي ماشي؟

ماشي بس ها مو تنسين لازم نحجي

انشالله يلا بباي  اروح اني

سديت الخط ونزلت تغديت وصعدت غسلت وطلعت ابدل جتي دانية

ها رايحة للشغل

اي معتازة شي كولي

ها لا مو محمد راح يجي علية

خير وين رايحة

نشتري  غرفة النوم والفراش ونرجع

روحي بس انطي خبر لاخوج واامج الشفية

دنيا هاي امج هم شلون هيج تكولين عنهة

اشرتلهة بيدي متهمني ختولي
حبابة لتدوخيني زيادة ترة تعبانة والتفكير ماكل عقلي انطي خبر لسجاد وروحي وية خطيبج تعالي جففي شعري

اجت اخذت الخاولي وجففت شعري كلبتة صفح وخليت ماشات ناعمة كرستالية ورشيت مثبت حتى مينفش🤪
خليت مسكارة ايلاينر حمرة بوست نفسي يوومة فديتني ☺

لبست حذائي وشديت قيطانة
وكمت عدل ت
نفسي شلت العطر حتى للحذاء خليت عطر طبيعتي احب العطور القوية ماشتري عطر واحد اخذ مجموعة عطور واخذهة زيتية خبط
باوعت بعد نص ساعة وتصير ب٣ يلا على ما اتمشى شوية سلمت علبنات واكدت على دانية تكول لسجاد يلا تروح

وطلعت اتمشى وراسي بلمبايل
ادور اسم نيزك الحقيرة شو مخابرتني البارحة

اي هذة

الو ها ولج نذلة شو مخابرتيني البارحة

هلو دنو لج التهيت والله وتدرين حامل وداجهز للطفل مابقالي بس هلشهرين واجيب

اي صحيح يمة فدوة ويجي حبيب خالتة الا صدك شخبارة هذة الحيوان رجلج

زين طاحضج ولو اني ويا كلمن بديرة

لسة نيزك شمنتضرة ليش متنجمعون

ماكدر دنيا كارهة حياتي ويا دمرني الحقير اوووف الا صدك شخبارج بلشغل وشخبار دانية شوكت زواجهة

زينة اني بلشغل مرتاحة ودانية بعد اسبوعين او ثلاثة زواجهة دتحضر يمكن اليوم يشترون الغرفة والفراش وبعد مادري شنو يردون يجيبون