((الابتزاز والحرام ))

٢١

# الابتزاز والحرام#

# الجبورية#

ثاري الكلب بالشوف اقوى من العيون

     يعني التضيعة العين بالكلب مدفون
🌹🌹🌹🌹🌹🌹🌹.
فاتحة عيني على وسعهة واباوعلة وهوة ساد حلكي بيدة
خوف رهبة واحساس ماكدر اوصفة بكلمات كلبي احس راح يطلع من صدري
حجة بهمس وهوة قريب وجهة علية

معقولة ماحسيتي من نضراتي الج اني اريدج؟؟؟
دخلتي عقلي وكلبي

هزيت راسي واني ابعدة عني واحاول اجر بيدي من بين ايدة لكن جان قوتة كلهة ضاغط بيهة على ايدي
نزلت دموعي بضعف

اريدج دنيا ماعرف شديصير بية من شفتج لهسة ارجف عليج واغار عليج حتى من قيصر عليج ليلي مدانامة يومين بس سلبتي كلبي مني

كمت ابجي خوف ليجي قيصر ويشوفني ويفهم غلط ويعوفني
ياربي بس يبعد مني ماضل هنا ابد اليوم اخلي قيصر ياخذني خلاص ماريد ابقى هنا

دنيا دتفهمين علية ؟؟ اني اريدج

هاي شديصير هنا لك نذل

جمدت من سمعت صوت ابو حيدر وهوة يحجي بعصبية وية زيد تركني وابتعد واني صرت اشهك بدموعي وابجي بقوة وايدي على كلبي وايد علحايط وعلي كتل زيد وكلة

لك نذل عرفتك راح تسويهة مو حذرتك انييي وهفة بوكس على وجهة
وهذاك وكع بلكاع من اثر ضربتة

تقرب ابو حيدر تراجعت ليورة وزايدت دموعي

خوية اعذريني امسحيهة بوجهي خو مسوالج شي ؟؟؟

هزيت راسي لاا ماسوة حباب قيصر

لتخافين ماحجي اعذرني هلنذل خجلني امسحيهة بوجهي خوية مشيت بسرعة بدون جواب ورحت ركض لكيت قيصر وية الشيخ رايح بلديوانية
صعدت لفوك بسرعة ولميت غراضي بسرعة وخابرت قيصر واني دموعي مداسيطر عليهن
احساس القذارة زاد عندي ضربت رجلي بقهر وتلتهة عدة ضربات على رجلي واني راح اموت قهر شلون بية ياربي شلوووون داموووت اخذني ربي اخذني خلي ارتاح

رد قيصر حجيت ويا واني ابجي

عفية قيصر تعال خلي نروح

شبيج حبيبتي ليش تبجين

عفية قيصر مداتحمل اريد خواتي اريد ارجع

يلا جاي اني
سديتة وضليت ابجي وراسي على رجلية
شوية وصعد قيصر

اجاني ملهوف حضني

شبيج حبيبتي شكو ليش هلدموع يعمري

قيصر داموت اني داموتت
حجيتهة بحركة كلب

اسم الله  اسم الله شكو

اريد سجاد اني مداتحمل فراك اهلي اريدهم