((الابتزاز والحرام ))

١٨

# الابتزاز والحرام#

# الجبورية #

دكات الكلب عند البشر سبعين !
          ليش اني من اشوفك تعبر المية؟؟
🌹🌹🌹🌹🌹🌹
تفاجئت بميثم كدامي ودكات كلبي زادت خوف توتر

انتة شجابك هنا ؟؟

باوع وراية واني باوعت على مكان نضرة جان يباوع على قيصر الي جان داير وجهة ويخابر يربي لو شافني ويا داحجي

ردت امشي واتركة وراية لكن قطع علية الطريق

ميثم تخبلت انتة ؟؟؟ ابعد عني

منو هذة ؟؟

زوجي هذة يلا وخر

زوجج ؟؟! تزوجتي دنيا

اي تزوجت وخر عني ميثم

لحضة لحضة بس خلي احجي وياج رجع نضرة على قيصر الي انتبه على وكفتي وية ميثم واجة يمنة بغمضة عيني والضوجة مبينة بوجهة

دكات كلبي احسهة راح تفضحني وراح يعرف بية قيصر ياربي حجة بضوجة

حبيبتي ليش واكفة هنا مو ردتي ترحين للحمامات

ها ااا اي اي هوة ردت اروح للحمام ولاكيت زميلي ميثم جان وياية بلجامعة وشافني حب يسلم علية ويعرف سبب تركي للجامعة مو صح .؟

اي والله مشتاقييين كلشش الهة وشفتهة واني جاي وية زوجتي هنا بلصدفة حبيت اسلم عليهة

سلم علية قيصر من ورة خشمة وكلة

اهلا تشرفنة

بس ذني الكلمتين كالهن ودار وجهة علية وحجة
يلا روحي للحمام اني هنا منتضرج

رحت بسرعة واني ايدي على كلبي خايفة من ميثم ونذالتة دخلت للحمام فتحت المي وصرت اخذ بيدي واغسل وجهي وركبتي اختنكت واحس الهوة شح بلمكان نشفت وجهي بلكلينس وخليت مكياج خفيف وطلعت لكيت قيصر على وكفتة منتضرني خطية تأخرت علية
وصلت يمة وابتسمت وهوة هم ابتسم

ها شلونج هسة ؟؟

لا احسن زينة

يلا لعد تعالي رحنة كعدنة علطاولة وجابو الطلب عصير ليمون ومي
ضلينة نسولف شنو نجهز اثاث وشنو نشتري للعرس

دنيا ماريد ابد ابد الي صار اليوم يتكررر ابدا ماشي اي احد من زملائج تنسيهم طبعا ماعدا البنات

ماشي

وشغلة ثانية اريدج تلبسين حجاب

عزة قيصر ماعرف

ميخالف عودي نفسج

زين عادي البس توربان

اريد شي يغطي شعرج اما لبسج ماشوف بي شي بس شعرج ماريد يطلع

تمام لعد البس بعد توربان

قريب المغرب رجعني للبيت ونزلت بعد ماسلم على سجاد راح واني صعدت ونور وديانا وراية يمشن وراية حتى اسولفلهم