((الابتزاز والحرام ))

٣

رفعت راسي باوعت وسام واكف كدامنة غمضت نيزك عيونهة بقهر
حجت ويا بعصبية مكتومة وبصوت ناصي خوف من انو احد يسمعهة

شتريد وسام شعندك جاي هم الك عين توكف كدامي

نيزك احنة لازم نسولف
حجت بستهزاء

هه على شنو نسولف على تحضيرات زواجك لو بدلة عرس العروس روح منا لا اشتكي عليك يم العمادة
تنهد وفرك وجهة باوع منا ومنا

شوفي كومي كدامي خلي نحجي احسن ما تصيرلج فضيحة هنا وتعرفيني كلش زين لو حجيت انفذ

باوعتلي وتسألني بعيونهة شسوي

حجيت اني شوف عيني تهديدك بلة واشرب مية وتوكل لا هسة اني هنا افضحك واعتقد تعرفني عايقة 😏
اتوكل ومعليك بنيزك وها ترة نعزمك على الحنة مالتهة بعد اسبوع كلت ننطيك خبر لو حبيت تجي يعني هية بلنهاية حفلة بنات وكلت اعزمك لا اخذت هية رجاااال ركز رجااااال  ههضحكن البنات وهوة احسة راح يطفر علية ويخنكني

حجة بعصبية وهوة يرفع ايدة بوجهي

اسمعي لج احترمي نفسج احسنلج لا ارويج مقامج عايقة على نفسج بس اندمج على الي حجيتي سحب نيزك من ايدهة بسرعة ومشة وهية ضلت تحجي عليه وتضرب بيدة رادن البنات يتدخلن  منعتهن وحجيت

عوفنهم يتفاهمون ساعة الا ربع  واجت نيزك ترجف وتبجي وكفت ورحنة الهة

سألتهة بخوف

شبيج نيزك شسوالج
شمرت نفسهة بحضني وهية ترجف منضرهة مريع واحس هدت حيلي حضنتهة حيل واني اهدي بيهة طلعت رشا  بطل مي غسلت وجهة اباوع ركبتهة كلهة اثار شفتهة مجروحة جرح صغير معرف ومبين مال شنو
تخبلت
لج نيزك شبيج اغمى عليهة ضليت اصحي بيهة ماشفت غير وخر البنات ورفعهة وركض بيهة لغرفة الاسعافات الطلبة ردت احجي بس كلت افهم شبيهة وهوة يولي مجرد ماخلاهة بلسرير ووكف اجيت صرت كدامة ودفععتة من صدرة وصحت

نذل شسويتلهة لك والله لو مأذيهة الا اشتكي عليك بلشرطة

دنيا مو وكتج ابعدي عن دربي
اباوع ركبتة بيهة خراميش لا يربي بس لا معتدي عليهة بس معقولة يعتددي عليهة  ياربي كون يطلع توقعي غلط ياربي متستاهل نيزك تدمر والله
ربع ساعة وفاقت جان ضغطهة هابط اخذت تلفونهة وخابرت عمار
رد

ها نيزك

اني دنيا عمار فز

شبيهة نيزك وينهة ليش انتي مخابرتني

ماكو شي لتخاف بس هبط ضغطهة من الحر تعرف متتحمل حر ووكعدت هسة احنة بغرفة الاسعافات الطلبة تعال علينة نرجع

يلا جاي اني مسافة الطريق

سديت الخط واني ارجف عليهة من الخوف
نيزك اختي الثالثة من واحنة صغار سوة دخلنة روضة وابتدائية متوسطة والاعدادية وجامعة كلهة مافترقنة ابد تعرف اقل تفصيل عن حياتي واني هم نفس الشي
كعدت يمهة وهية بس صافنة ودموعهة تنزل وسام واكف بلباب يباوع عليهة بقهر وكل شوية يتنهد ويفرك وجهة
دك مبايل نيزك عمار رفضتة واخذتهة وطلعنة تمشي بدون روح نزلت شعرهة على ركبتهة وصعدتهة ورة خليتهة تمدد