((الابتزاز والحرام ))

٢٨ والاخير

# الابتزاز والحرام #

# الجبورية #

   ترجف عليك اعضاي كل ساعه وتلوج

ودموعي عالخدين روج بأثر روج¥
🌹🌹🌹🌹🌹.
ضليت واكفة بمكاني احس الدم جمد بعروكي شديصير هنا

نورتي بيج يروحي وعمري

لحضة احد يفهمني سجاد شديصير هنا؟؟؟

ماكدرت اشوفج تذبلين بفراكة وتكابرين ومن خابرني مامنعت رجعتكم

ليش هيج ؟؟ حتى انت تخيب ضني وتكسرني ؟؟ مع الاسف!!

اتقرب علية ووجهة تبدل للحزن

لا حبيبتي شتحجين اني مااكسرج انشالله الله يكسرني اذا ردت اكسرج

اسم الله عليك لتحجي هيج بس انت تدري اني جيتي هنا فترة وبس شلون هيج تسوون
وخرتة من كدامي وطلعت للحديقة اجوي وراية سجاد وحسن وقيصر

يمعودة دنيا ام الغيرة ترة صدكي هوة يحبج وهوة ترة صدك سوة حادث بس عار كلشي مابي يعني هيج بسيط

باوعت بغضب الهم واحس راسي كام يصفر انذار
.انتو ليش مستهانين بعملتة وياية ليش مستهزئين بمشاعري
ولكم كتل ابني تعرفون شنو يعني كتلة؟؟ انسان فوك عملتة يموت ابنة !!!

دنيا حبيبي صدكي ماعرف شلون هيج صار اني من ضربتج ماردت ااذيج بس فقدت صدكي عصبيتي عمتني

وشستفاديت اني هسة منك ومن عصبيتك غير الهم والقهر والتعب
اسمعوني زين رجعة لهل انسان مارجع لو تتثالث الدنيا وتتثنة انسان اذاني لو يصير الهوة اكطعة للنفس واموت وماارجعلة

طلعت واني ابجي للشارع اجة سجاد. وراية
وحسن صفت سيارة جواد ونزل
باوعلي  بصدمة وفرحة .

هاي شنو لك منو هنا اليوم دنيا واكول بغداد منورة ..

سلم علية بأحترام واثكلة المعتادد ورديت علية اني نفس الشي
وضليت واكفة مغندبة اريد ارجع اسافر

ولج دنيا ياحبيبتي احنة فيزة كوة حصلنة واجينة والبيت بي مؤجرين وين نروح
حبيبتي هوة زووجج وصدكي لو ما شفت الندم والحب بعيونة مارجعج لو تنطبك السما علكاع

انتة اخر شخص يحجي سجاد والله صدمتني بيك هيج دترخصني تجيبني بيدك لعدوي

طاحضج ولج اني عدوج ؟؟

اي انت اكبر اعدائي

دنيا عيب

بس هذة التعرفوا دنيا عيب دنيا اسكتي ودنيا اتحملي والله معلية اكعد بلشارع وماعيش ويه هلانسان

تنهد قيصر بعصبية ولف السبحة على ايدة اجة وكف يمي

يابة ماكعد يمج ولا علية بيج انتي بغرفة واني بغرفة .