((الابتزاز والحرام ))

٤

صفن بوجهي ثواني وحجة

ليش ؟ شنو النقص البية ؟؟
اني احبج حب يمكن امج وابوج ماحبوج مثلة
ضحكت بستهزاء وباوعتلة

تحجي صدك امي ؟ اني ماعندي ام ولا اب اني عندي خوات اثنين واخ واحد غيرهم ماكو وصديقة تكدر تكول نصفي الثاني

اني امج وابوج وكلشي اعتبريني انطي فرصة لنفسج والية

ماريد عفتة وكمت وكفت علمراية وضليت اضفر شعري اجة وكف وراية ومد ايدة مررهة على خصري ثبتهة على بطني باوعتلة واني عاقدة حواجبي بس هوة طنش نضراتي ودنك باس متني
هذة يمكن عبالة اني من هذني البنات الي تموع لو كاللهة حبيبهة احبج
دفعت ايدة ودرت وجهي

انتة كلت اخذ النيشان وبعد ماتقرب خلاص لهنا وحدك بعد منا وجاي احنة اخوان لتتقربلي ابد ابد ابد

ضل يتنهد ويستغفر واني عفتة ومشيت رحت للفرشة شلتهة ورحت للحمام ذبيتهة بلغسالة ووقتتهة وطلعت نمت بفراشي تغطيت وهوة هم جان نايم بس ناطيني ضهرة ضليت حسبة تاخذني وحسبة تجيبني يربي شصار بنيزك لازم اعرف اخبارهة

باجر اخابر دانية تروح الهة لا لا هاي فاهية مدبرهة ديانا احسن اي اخليهة تروح تشوف شخبارهة اووف ياربي والله لعبت نفسي

سمعت صوت الغسالة وكفت كمت طلعت الفرشة وجيت وكفت كدامة باوعلي

اريد اشر هاي الفرشة كوم وياية كام وسحب بجامة معلكة علزاوية وطلع كدامي واني ورا فتح الباب مال السطح شريت الفرشة ورجعنة للغرفة باوعت للساعة بل٣ ونص مابقة للاذان عليمن انام تمددت بفراشي وضليت مغمضة متضاهرة النوم واسبح بس ماحسيت على نفسي الا واني غافية
فزيت على صوت الباب يندك فتحت عيوني بأنزعاج شهلعبان نفس الواحد ميرتاح باوعت للساعة بل٨ اوووف اريد انامممم حجيتهة بأنزعاج
صاح هوة

عوفونة نايمين انعل والدية الي يدك الباب وصدك بعد ماندكت الباب واني رجعت غفيت ماعرف هوة نام لا مادري

لحد ماشبعت نوم يلا كعدت فتحت عيني واني اتمعصر بلفراش واتثاوب باوعت الساعة بل١١ ونص اووف شكد حلو الواحد يشبع نوم ويكعد على راحتة لا دوام ولا التزام سمعت صوتة وهوة يكول

ياصباحج كيمر مثل وجهج عقجت وجهي بأنزعاج شلون نسيت هذة

باوعتلة وكتلة بجمود صباح الخير وكمت وكفت هوة جان كاعد على القنفة الي بلغرفة وبيدة كتاب ماعرف مال شنو يقرة جان يباوعلي وهوة منزل نظاراتة ويبتسم يستفزني من يبتسم عدلت الجرباية ورحت للحمام غسلت وفرشت اسناني وطلعت انشف بوجهي
باوعت هذة وين راح ماهوة بلغرفة
يكطع سيرتة ويع عدلت شعري ولفيتة ليفوك كلة وخليت كحل مسكارة جوعانة يربي ضليت افتر بلغرفة فتحت الثلاجة بس حلويات كرزات عصاير اخذت كرزات بيدي وضليت اكرط بيهن استحي انزل ثواني ونفتح الباب ودخل شايل صينية ريوك بيدة ايبااا اجيت بوكتك ولك