♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
الفصل الثاني: 🍁أنت المنفى و بين ذراعيك حريتي🍁
💜📖الجزء 326💜📖
ناض بجسمو لي تيرجف مخرج عينيه فيها و كلامو مسروط...
المرأة وقفات بقلق: موسيو؟؟واش صافا؟؟
عطاها بضهرو و خرج من البيرو كولو تيترعد مخليها مستغربة..خلاتو على راحتو اصلا لكارط هوما لي خصهوم يردوها لمولاها أولا مولاتها المهم...
خرج للشارع حتى من طونوبيلتو خلاها تما و بقا غادي تيتمشا و الضبابة مغطية عينيه الخارجين فالأرض عقلو متيدورو فيه غير عدد العلاقات الجنسية لي مارسها مع داك المتحول على مر السنين ظنا انه بنت بحال كاع البنات بسبب شكلو!!كل مرة تيتفكر لقطة حميمية معاه تيقفز بفزع غير بوحدو مخلي الناس لي تيدوزو من حداه مبعدين منو باستغراب تيبان بحال شي حمق...
سنمار تيدوي بواحد الرعدة بحال الى مكلاصي بالبرد: ن ن ناتالي هي أوس أوسكار ناتاالي ط طلعات راجل؟؟ ا انا طلعت شابع *وا فراجل؟؟ ا انا انا *ويت راجل؟؟؟؟
طاح على ركابيه فالأرض لي بانو فيها نقيطات ديال الما لي هوما دموعو الطايحين...
سنمار تيبكي: علااااااااش علااااااااش(مسح نيفو)علاااااااش(تيغوت)وااا علااااش(تيخبط فالأرض)علاااش قووولو ليا علاااش
ناض دغيا و ركابيه موسخين حتى بدا يجمع فالحجر و بقا غادي تيضرب بيه فالأرض بحال الى تيضرب ب لبيي(لي كنا تنلعبو بيه فاش كنا صغار)و تيتسناه يرجع ينقز لعندو...
سنمار تيضرب بالحجر و عينيه حمرين عامرين بالدموع: ناااتااالي..أوسكااار ماغاتبقاااااش فال*اااامل بوووووك.....
وصلات وقيتة الغدا لقات نواهل واجدة و مقادة حالتها تتسنا فبرناس لي عاد سد البيرو ديالو يمشيو للمطعم فين عرضاتو...
نواهل بتاسمات بفرحة فاش شافتو: مستعد؟
برناس: هه اه تفضلي
حدرات راسها فرحانة و تمات غادية ماشية بجنبو حتى هبطو للباركينغ و حل الطونوبيل...
برناس دخل و بقات هي واقفة بحال الى تتسنا...
برناس باستغراب: مالكي؟
نواهل بتوتر: ماشي مشكل الى جلست فالقدام؟
برناس: هه اكيد عادي
بتاسمات محركة راسها و طلعات بخطوات سريعة حاطة صاكها فوق ركابيها و جبدات حزام السلامة حتى قاداتو...
برناس: فين كاينة ديك البلاصة قلتي؟
نواهل: شد طريق.......
فسويسرا كانت عذراء فبيتها بعدما خلاها قوس توجد راسها...
لاريسا: خصك حوايج صيفيين لهاد الرحلة
عذراء: مالنا غاديين لهاواي ولا شنو؟؟
لاريسا: مستر كارل عطاني غير درجة حرارة الدولة ماقالش ليا فين غاديين
عذراء حطات يديها على فمها خايفة: ياكما غنرجعو للمغرب هو لي تنعرف سخون حاليا؟؟
رولا: لا ا ميس مايمكنش يرجعك مستر قوس لتما
مهرة: اكيد هو جابك لهنا باش تحدو هاد التقاليد المعوجة
شيراز: تنتمنى يوقع هادشي حيت صافي عيشتنا مشات مع هاد النفي و تحرمنا من عائلتنا بسببو...
رولا خنزرات فيها فاش شافت عذراء تبدل وجهها فاش تفكرات انه دارت نفس الحاجة لي داروها خادماتها زعمة يكونو عائلتها جردوها من الإسم العائلي دابا؟؟زعمة غتوصل بيهوم يتبراو من دمائهوم لي تتجري فعروقها؟؟...
لاريسا دارت ليها بصباعها واخا عليك و شافت فعذراء لي طاح عليها الضيم ساهية: احمم ميس اجي قيسيي هاد الكسيوة غتجيك زوييينة اوووه ماتعرفي مستر قوس يعرضك لشي عشاء اكيييد
عذراء ناضت: غير خليها حتال من بعد بغيت نهبط شوية عييت بكترة الحوايج
دازتهوم و هبطات لتحت فين فطرو من طريق بيتها لقاعة الأكل لي حافظة هاد الساعة و من الأحسن تدير ديريكت لاتجلا وسط هاد القصر...
مهرة مخنزة فشيراز: صافي تهنيتي دابا؟؟؟
لاريسا تتستف فالباليزة: غير بلاتي نهبط و نقولها لمستر كارل ينقي ليك دوك لودنين مزيان
شيراز: راني غير قلت ليكاين مايتصحابليش غتفهموها غلط
رولا: جمعي هادشي العشية خاص تلقاهوم واجدين انا نمشي نتبعها لاتجلا
لاريسا: زيدي طوي
شيراز قربات حادرة راسها: واصافي فاش غتجي غنطلب منها السماحة...
♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
YOU ARE READING
♍عذراء و قوس♐|مكتملة✨️
Romanceالقصة بعنوان: ♍عَــــــذْرَاءْ وَ قَــــــوْسْ♐ للكاتبة✒️:Victoria kaelin (⛔ممنوع الاقتباس جميع الأفكار من مخييلتي الخاصة⛔) في عالم بحال ديالنا غير هو هاد العالم عالم الأبراج كل عائلة و رمز برجها و تقاليدها و عاداتها و فعالم الأبراج العشق و الحب لي...
