♍عذراء و قوس♐|مكتملة✨️

6

♍عَــــــذْرَاءْ وَ قَــــــوْسْ♐
للكاتبة✒️: Victoria kaelin

الفصل الثاني: 🍁أنت المنفى و بين ذراعيك حريتي🍁

💜📖الجزء 363💜📖
فالبيت د تجهيزات عذراء كانت هاد الأخيرة لابسة فستاان زفافها الملكي الأبيض بداك اللؤلؤ اللامع المزيين تفاصيلو لبسوه ليها بنات مسيفطين من المحل بيديهوم حتى قادوه ليها مع لافوال تحت انظار الأم ديالها لي ماحسات حتى دمعو عينيهاا و هي تتشوف اخر عنقوودها و بنتها الصغيرة المتبقية غتزوج و براجل هي ختارتو بنفسها و حباتو بقلبها محققة ليها أمنيتها لي هي تزوج عن حب ماشي بفرض العادات..عنقاتها رفيف من الكتف تتربت على ضهرها بتأثر حتى هي تتشوف فختها الصغيرة لي شحال غطات على زبايلها و فعايلها فسبيل هداك لي سميتو قوس و لي غيولي راجلها بعد دقائق..في حين كانت صديقتها المفضلة رواء تتقاد ليها لافوال مع البنات بابتسامة و عذراء تتشوف فيها بفرحة بحالا تتقول ليها واش شفتي شنو قلت ليك مزاال هاني غنتزوج بيه..ترف و فابيين جالسات فوق فوتوي تما مبتسمات تيشوفو فعروستهوم قداش زوينة و طلعات أزْيَن فنهارها حداهوم رسيل لي فرحانة ليها واخا كانت تتخيلها مع خوها ولكن مادام مابغاتوش تتبقا هاديك حريتها الشخصية..علاقة حبها برئال مخلياها اصلا تكون فاهمة عذراء و قوس مع بعض فنفس الوقت كل شوية تتجبد فالقفطان بحالا تتسوس عليه شي حاجة خوفا من تبان كرشها اصلا بزز باش خاطرات و جات غير باش مايشكوش بغيابها كونها عاد عروسة جديدة...
ايوا كوافورتناا ولات وااجدة بمكياجها البرتقالي لي عاوداتو و فستانها البراق و تاجها المرصع بالألماس..ناضو فابيين و ترف تبعاتهوم رسيل لي ناضت بزز حتى وقفو شوية هي تدخل مايلي...
مايلي: شووفي فاش تبغي تلوحي باقة الورد لوحيها لجيهتي
رفيف هزات فيها عينيها: باغية تزوجي بزز ولا؟
مايلي: لا بغيت حبيب جديد
رفيف: سيري تكمشي سيري فاش كنت قدك كنت باقي تنلعب مع البراهش د الدرب
مايلي: الدرب؟
لوليا: شتتخربقي نتي وياها زيدي ختك خصها تهبط
فابيين جات قدامها محييدة واحد الخاتم من صبعها حجرتو تقييلة من الاحجار الكريمة مخدوم بالألماس حتى لبساتو ليها فاليد الثانية لي مافيهاش خاتم الزواج...
فابيين بابتسامة: هدا خاتم متوارث فعائلة بنسليمان غيبان ليك من شكلو و ستايلو القديم عطاتو ليا حماتي المييتة فليلة عرسي كانت حتى هي تعطا ليها بحالك دابا..و دابا غيولي ديالك حتى دوزيه حتى نتي لزوجة ولدك البكر الى ولدتيه مستقبلا حافظي عليه لديك الوقت
عذراء بتاسمات بعينيها المغرغرين: واش نقدر نعنقك؟
فابيين تفاجآت: هه اكيد
عذراء عنقاتهاا بحرارة حاسة بدفئ فحضنهاا بحالا حضناتها امهاا واش هادي هي الحماة بالفعل؟؟الى كانت هكا فاراه هي اسعد وحدة...
تفارقو بشوية و هي تهز البوكي فيديها قادو ليها اطراف الفستان من التحت باش تقدم خطوات للأمام بكعبها العالي حتى حلو ليها الباب و هبطات فدريجات ديال الدروج و هوما موراها..هزات عويناتها الخضرين بحال ازهار الربيع المتفتحة كانو تيبانو ليها الحضور من شبكة لافوال لي لاحو ليها على وجهها اما هوما غير سمعو تقرقيب الطالون فالدروج الموسيقى و العزف حبسو و كاع المعروضين لي كانو هازين مشروباتهوم هزو ريوسهوم تتبان ليهوم العروسة هابطة و عريسها غير شافها خلا الرجال لي كان داوي معاهوم و تقدم بخطواتو يشد فيديها..ايقاع كعبها و ايقاع حدائو لي ولاو نغمات تما كلشي ساكت و غير تيشوفو..حتى حطات رجلها فوق الأرضية بلا هواها بتاسمات فاش شافتو..شد ليها فيديها و تم مدوزها بين الناس حتال جليسة العقد لي كانت عبارة على جوج كراسا ستايل بحال د الملوك و قدامهوم طاولة فوقها الكتاب د (العدول) و الستيلوات و مزوقة بالورد مع جوج ديكورات بالذهبي عبارة على Mr & Mrs..جر ليها الكرسي و جلسها عاد جلس حداها..تما فين زادو قربو منهوم الناس و اولهوم العائلة كلها و الصحافة لي بداو تيديرو بلاصتهوم يصوورو و يبثوو اقوووى خبر يقدر يزعزع العالم بأسروو(حيت التقاليد ماشي غير فالمغرب كلشي)...
هز ليها قوس لافوال من على وجهها حتى عراه كامل و رجعها للور..باسها فجبهتها بابتسامة رضى و رمقها بنضرة اعجاب..وقف عليهوم واحد الراجل كبير فالعمر لابس الكومبلي هو العدول و نطق فلحظة صمت...
الراجل: أدراء مفتاح ابنة برج العذراء واش قابلة بكامل ارادتك تزوجي ب كاوس بنسليمان ابن برج القوس في السراء و الضراء و في الصحة و المرض؟