♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
الفصل الثاني: 🍁أنت المنفى و بين ذراعيك حريتي🍁
💜📖الجزء 354💜📖
⛔⛔هام جدا⛔⛔
قبل ماندوزو لقصتنا عندي ليكوم واحد الكلام مهم خاص تقراوه..و لي هو بخصوص سنمار..من السمية غتعرفو انه شخصية ذكر يعني راجل ماشي امرأة سو حييدو عليا تفكيرك كونك بنت اولا مرأة حاليا..انا ماتنكتبش احداث ولا نصنع شخصيات غير بالعبث ولا غير هكاك راني تندرسها من شكلها و سميتها حتال طريقة كلامها و كيفاش نفرق بينها و بين وحدة خرى! و بالنسبة لسنمار كلكوم عارفينو انه شخص استغلالي كان مع ناتالي رغم انه خطيب رفيف و ماباغيش يتزوج بيها بقا معلقها و فنفس الوقت عندو عادي يتقرب منها!! خانهاا و لعب بقلبهاا و رد منها ملهووفة على الزواج لمدة سنييين عرفتو شناهيا تتسناه سنين؟؟؟سنمار STRAIGHT يعني مستقيم جنسيااا و طول الوقت عند بالو مع بنت بحال كاع البنات ماشي متحول جنسي و بالتاالي فارااه كان على علاقة براااجل!! كيفاش بغيتوه يبقاا متاازن و يشوف فرصة لرااسو و يبدا حياتو مع وحدة خرى ههه؟؟!! راه رجولتو و كرامتو تحكاات مع لارض و ولات جفااف واش عرفتو شناهيا بنادم بلا كرامة بلا رجولة؟؟؟؟ رغم انني ماشي راجل ولكن عاارفة مزياااان تفكيرهوم كيف داير! سنمار ماشي متدين ولا مؤمن سو فكرة الانتحار اسهل طريقة تجي لشي واحد بحالو باش يتخلص من العذاب لي تيحرق فيه يعني جميع الشروط متوفرين للإنتحار! محتارمة ارائكم و تعاليقكم غير هو لازمني نوضح هادشي حيت مادرتوش عبثا و انما مورا احداث كتيرة مدروسة!...و دابا ندوزو لأحداث قصتنا...
فالصباح بكري كانت دواني فالكوزينة تتعمر فأتاي حتى دخلات عندها ديالا تتكسل باينة عاد فايقة من النعاس باست راس مها و حطات يديها على فمها تتفوه...
ديالا: عييطتي عليا ا ماما
دواني:اييه ا بنتي(مدات ليها الفلوس) هاكي جيبي شي جوج خبزات من الحانوت راه خوك لي موالفاه يتسخر قبل مايمشي للخدمة مكاينش
ديالا حركات ليها راسها بالموافقة و مشات لاحت عليها الجلابة و خرجات للحانوت..بقات غادة فوق التروطوار ماكانش الحانوت بعيد بزاف بانت ليها الدنيا خاوية اغلبية تيصبح ناعس فهاد العطلة و لي عندو شي خدمة راه مصبح عليها حتى تتحس بشي واحد واقف موراها..ضارت تشوف شكون حتى خرجات عينيها على وسعهوم بالصدمة و بعدات بخوف ماتوقعاتش ابدا تلاقا مع هاد الكمارة على النبوري نساتو كااع ولكن فين غادي على النبوري ماموالفاش ليه يكون غادي بالموطور فهاد الوقيتة تيكون فالمحل ديالهوم..بعدات منو شوية (الاحتياط واجب) تشوفو شنو بغا...
رامي واقف عليها بدخاخن الكارو ديالو لي تيكمي: هي باقي راسك قاصح و باغية تكملي قرايتك ياك؟
ديالا بلعات ريقها بخوف: ر رامي خليني عليك غنقولها لباابا و خويا الى باقي تعرضتي ليا مزال انا قررت قرايتي هي الاولى!
رامي بنضرات خبيثة: لا مابقيتش غنتعرض ليك احبيبتي(جبد موس قدو قداش)يا تكوني ليا يا تكوني للقبر و تنضن ختاريتي القبر!
ديالا غير شافت الموس قدااش تيلمع قدامها بدوون مقدماااات عطات رجليها للريح تتجري مابقات لا سخرة لا حاانوووت هاد الشميكيير غينحرها من الودن حتال الودن مافيهاااش فنفس الوقت كان واحد البرهوش عاد بغا حتى هو يتسخر جاي تيطلع فسروالو مسخراه مو بزز حيت فعطلة حتى تيشوف داك المنظر قشع بنت دوااني مع ولد رضوى(مامات رامي و سنمار) و هو يجري متيتلفتش يقولهاا لمهاا حيت كاع السيكتوور عارفين واااش ولد رضوى مامعاهش اللعب و مزنزن فدمااغو اماا هو ركب على الموطور بشوية عليه مرجع الموس لبلاصتو و لايح الكارو فالأرض عارفها غتهرب واخا تجري حتال الصباح كسيراتور واحد غيكون عند رجليها اما هي بقات تجري و تلهث جبهتهاا تلصقاات بالعرق و الشعر راه المووت لي شافت فعينيييه ماشي العصى ولا الضرب هاد المرة! حتى وقف عليهاا بالموطوور حاصرها بييه فواحد الحييط...
ديالا تتشوف يمينهاا و شماالها والووو مكاين حس المخلوووق...
ديالا غوتات بالجهد: وا عتقووووووونيييييي اهئ اهئ غيقتلنيييي
رامي ناض من فوق الموطور و قرب منها حتى سد ليها فمها عوينااتها فقط لي تيطلوو من قبضتو المحكمة: حتى واحد مغيسمعك سمعتيني؟ انا غنوريك كلمتي لي طييحتيها فالأرض و ماتخافيش غنمشيو انا وياااك ماشي اناا لي نمشي للحباسات سمعتي
ديالا مخرجة عينيهاا فهاد الحمق لي باغي يقتلها و يقتل راسووو يالاه هز الموس باليد الثانية حتى تيحس بوااحد الجرة صحيييحة جرة راااجل كيف جروو بالجههههد عطااه بوااحد الطرشة طرااااخ حتى جا فالأرض و الموس تلاح بعيد..ديالا غير شافتو تلاحت عليه تتبكي و تعنق...
ديالا: بااااباااااا اهئ اهئ
رجاح معنق بنتوو لي قال ليه واحد البرهووش بلي شادهاا خطيبها و هاز عليها مووس:بنتي واش نتي بيخيير؟؟؟
ديالا مخشية فيه تترعد: غيقتلنيي ا بااابااا غيقتلنيييي اهئ
رجاح: ماتخافيش ابنتي مزااال ماتزاااد هدا لي يحط يدوو عليك(اودي ماخلا فين حطها و مزركها من الفوق)
رامي ناض من الأرض تيخنزر فيه و حنكو حمر: خطيبتيي و ندير فيهاا مابغيت!!
#التتمة
رجاح خنزر فيه: اناا لي وااالدها شنووو هاد الفعااايل واش تسطيتيي ولا شنو؟؟؟
رامي بعصبية: هييي لي عصاااات كلمتييي و طييحاات بيها قلت ليهااا ماتكمللش قرايتهااا!!!
رجاح هز عليه صبعو: بنتييي و حرةةةة فاش بغات تديرووو ماشي نتااا لي صرفتيي عليهاا و وكلتيهاا و شربتيهااا حتى جابت ديك النقطة!!! و دابااا غتغبر علياااا كمااارتك الهضرة مع ممممك لي ماعرفاتش تربيييك(جر ديالا) يالاااه ا بنتي
مشات معااه لاصقة فيه بالخووف مغطلقش منوو حتى تعرف انهاا فوسط من دارهوووم..وصلها للدار لقا دوااني قدام الباب تتسنا مشطوونة(هادي هي الأم) غير شافتها و هي تشد فيها و تعنق...
رجاح: دخلي البنت و سدي الباب سورتيه مابقاات ثقة حتى فالعائلة يا حسرة!! و الخبز انا نجيبو
دواني دارت لي قالو مدخلة بنتها تبوس فيها و تعنق و تولول: ويلييي كبدتيي كون مشااات شغندييير
ديالا تتبكي فحضنها: عفااك ا ماما دوي مع جدة و يفرقني عليييه مابقيتش حاملااه عفاااك نبووس يدييكوم و رجلييكوم اهئ مابغيت والو بغييت غير نقرا و نخددم اهئ
♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
أنت تقرأ
♍عذراء و قوس♐|مكتملة✨️
Romanceالقصة بعنوان: ♍عَــــــذْرَاءْ وَ قَــــــوْسْ♐ للكاتبة✒️:Victoria kaelin (⛔ممنوع الاقتباس جميع الأفكار من مخييلتي الخاصة⛔) في عالم بحال ديالنا غير هو هاد العالم عالم الأبراج كل عائلة و رمز برجها و تقاليدها و عاداتها و فعالم الأبراج العشق و الحب لي...
