♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
الفصل الثاني: 🍁أنت المنفى و بين ذراعيك حريتي🍁
💜📖الجزء 389💜📖
برناس باستغراب: و علاش؟ واش واقعة شي حاجة؟
دواني: بغينا نصفيو الخواطر كاملين ا ولدي دير النية و اجيو
برناس شاف فنواهل: واخا(قطعات)
نواهل تتشوف فالساعة: ياك لباس؟
برناس ناض: الواليدة بغاتنا نجيو دابا لعندهم وجدي راسك نمشيو
نواهل وقفات بدهشة: بغاتنا؟ بجوج؟!!
برناس: هادشي لي قالت بغات يتصفاو الخواطر المهم غنوض نلبس عليا دغيا ماتعطليش
حركات ليه راسها بالموافقة و مشات تلوح عليها حوايجها دغيا هادشي غريب بزاف ماتوقعاتش ابدا تم دعوتها لدارهم لي رافضينها زعمة تقبلوها و مستعدين يتقبلو اختلاف برجها عليهم؟؟؟...
فجناح عذراء و قوس بعدما رجعو و رتاحو من ديك المقابلة..كانت عذراء متكية فوق الناموسية بملابس نومها المخملية و قوس جالس فوق الكرسي تيقرا فواحد الكتاب قبل ماينعس...
عذراء تلفتات شافت فيه تضور عينيها بعدما ضورات سيناريو هضرتها فالبرنامج كاملها عاضة شفتهاا بدوك الشوفات د شي وحدة دارت شي موصيبة: بصراحة زدت فيه شوية ياك؟...
قوس هز عينيه من الكتاب: بصراحة..فبرنامج و قدام العالم كلامك كان جريء ولكن فنفس الوقت صحيح سو بالنسبة ليا فمحلو
عذراء جلسات تترد شعرها لي سابقها اللور: مغنمشيش للحبس ياك؟؟(تتشوف فيه بخوف)
قوس حط الكتاب فوق طاولة على جنب و ناض جلس حداها شادها من ذراعيها: و شكون هدا لي غيتجرأ غير يحط يدو على مرتي؟
عذراء بتوتر: ماعرف..فتش حيت القضية فيها الحكام لي عمر شي واحد تجرأ عليهم
قوس حط يدو على حنكها بإطمئنان: ممكن تلقاي الحكام براسهم اغلبيتهم ماراضيينش بهاد الوضع غير ساكتين مكملين على ورث اجدادهم لي لقاو راسهم حالين عينيهم عليه
عذراء: بصاح عندك الحق تنتمنى يشوفو كلامي بشكل ايجابي بحال كيف وصلتو و طرحتو من قلبي ماشي يشوفوه كتمرد ولا عصيان حيت حتى واحد ماعندو الحق ابدا يبزز على لاخور زواج أو مشاعر غير متبادلة!!
قوس باسها فراسها: كلامك كولو تيبيين مدى طيبة قلبكMy love..بغيتي الكل يعيش و يحس بالسعادة لي كتاشفتيها فاش وليتي مع الشخص لي ختاريتيه بنفسك و بغيتيه
عذراء بتاسمات بواحد اللمعة فعينيها: تمامااا
قوس تحنا حتى خدا قبلة من شفاهها: I love you
عذراء بابتسامة: I love you too
فدار عائلة برناس..وصل هاد الأخير هو و نواهل لقا الكل مجموعين تما..و معاهم حتى رسيل و رئال هادشي لي خلاه مستغرب علاش معييطين حتى على ختو و راجلها فهاد الوقت؟؟؟...
اول وحدين هزو عينيهم تيطلعو و يهبطو فنواهل كانو رجاح و رسيل و رئال هوما لي بقاو مزال ماشافوها...
ديالا ناضت مبتسمة بتوتر من هاد الجو الغريب لي جامعهم كاملين فبلاصة وحدة: ختي نواهل لباس عليك اجيو جلسو هنا
نواهل حركات ليها غير راسها اما عينيها دخلو فالأرض حشماانة بزااااف و قلبها غيخرج من بلاصتو بالخوف..جرها برناس بشوية و جلسو فالصالون معاهم...
دواني: المهم مغنطولوش الهضرة كلشي عارف اش واقع و كيفاش الدنيا مقلوبة بيناتنا...
رئال: انا لي بغيتو من هادشي كاملو هو عمي رجاح مايحملش المسؤولية لرسيل حيت انا لي تنتحمل المسؤولية د هادشي!
برناس باستغراب: اينا مسؤولية؟
رسيل ضورات عينيها غارقة فصمتها...
دواني تنهدات: ختك صدقات طول الوقت حاملة و دابا ولدات بنتها...
برناس بصدمة: كيفاااش؟؟؟!!!
رئال: ها لي قلنا! وا علموه من قبل ماشي يتصدم وسط الصلح!!
نواهل استغربت شوف سبحان الله الدنيا قداش دوارة مابغاوهاش و مارضاوش بيها فاش ولدهم بغاها واخا غلط معاها صدقات بنتهم دايرة نفس الفعلة بل اكتر حمل و ولادة!!...
رجاح تنهد: ربي عطاك بنية باش تعرفني باش حسيت فاش عرفت بفعلتكم!!
رئال: عاارف مزيااان و اناا مستعد نربيهااا و نخرجها من هاد العاداات و تختار لي بغاتو فاش تكبرر نتاا عارف كونما التفاهم لي بيني و بين بنتك و قداش تنبغيها ماكنتش ابداا غنستمر معاها واخا خطبوها ليا من الصغر كنت ندير بحال خويا ضرغاام و الجدة غتلقا ليا البديل!! ولكن انا ماتفليتش على بنتك وصلت معاهاا لدوك المواصل حيت تنبغيهاا!!!
رجاح: واش البغيان عندكم نتوماا يا هاد الجيل هو هاداك؟؟؟!!!هادااك راه عندنا حناا العيييب و العاااار!
رئال: مافهمتتش انا فيين المشكللل و انا مزووج بيها؟!ولا دابا عااد عرفتييها ياك ولدك دار نفس الحاجة علاش ماغوتيش و تحاسبتي معاه؟؟
#تتمة
YOU ARE READING
♍عذراء و قوس♐|مكتملة✨️
Romanceالقصة بعنوان: ♍عَــــــذْرَاءْ وَ قَــــــوْسْ♐ للكاتبة✒️:Victoria kaelin (⛔ممنوع الاقتباس جميع الأفكار من مخييلتي الخاصة⛔) في عالم بحال ديالنا غير هو هاد العالم عالم الأبراج كل عائلة و رمز برجها و تقاليدها و عاداتها و فعالم الأبراج العشق و الحب لي...
