♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
الفصل الثاني: 🍁أنت المنفى و بين ذراعيك حريتي🍁
💜📖الجزء 381💜📖
رئال و رسيل بصدمة: كيفااااش؟؟؟!!!
رئال بغضب: اش تتخربقي نتييي!! شكون عطاك الحققق تدوي على بنتناااا اصلا!!!
رسيل خايفة: ررررئال ماغايديوش ليااا بنتي ياااك مغيحييدوهاااش لياااا؟؟؟
الطبيبة: هدا هو القانون ماجاتش الهضرة من عندي خاص البنت تعيش مع عائلة من نفس برج عادتها و لي هي ماشي نتوما!
رسيل غرغرو عينيها: بنتيييي هااااديك من كرشييي خرجااات مغتحييدوهاااش لياااا!!!
رئال هز عليها صبعو معصب: انااا و مرتي لي غنربييو بنتنااا سمعتييي و دابااا سيرييي لشي خدمة الى عندك!!!
بقات الطبيبة تتشوف حتى عيات و خرجات مخنزرة رادخة بالباب...
رسيل عنقات رئال تتبكي: مغيديووش بنتناا ا رئاال ياااك مغيددييوش ديييم؟؟؟
رئال معنقها و تيهدن فيها: تهدني حتى واحد مغيفرقنا على بنتنا انا عارف اش غندييير سيري لطواليت دابا و كولي مزياان باش ترضعيها بنتناا غتكمل نموها فبلاصة خرى و تكوون بين يديناا!!!
هزات فيه عينيها المدمعين بأمل و باس ليها جبهتها بإطمئنان بعدات منو محركة راسها بالموافقة كونها تايقة فيه بزااف حيت عمرو طييح بشي كلمة عطاها ليها..ثقتها فيه كبيييرة و هدا كان من بين الاسباب طبعا حتى سلماتو نفسها قبل الزواج..دخلات للطواليت و هو هز دوك الوراق و خرج من تما يوقع على اجرائات المغادرة...
فسويسرا كانت عذراء واقفة فالدريسينغ ديال جناحهم هي و قوس لاوية عليها الفوطة بعدما خدات دوش صباحي حتى حسات بيديه الدافيين تحطو فوق كتيفاتها العريانين...
قوس تحنا لمستواها حتى حط شفاهو على رقبتها الناعمة طابع بوسة خفيفة و بعد تيشوف فيها من المرايا لي قدامهم لقاها تتلون بالخجل و شاداها هر...
قوس: شنو باقي لي معطلك My flower ؟
عذراء حنحنات و دارت لعندو: قلتي بلي غيجيو عائلتك مجموعين هاد المرة عندنا للغداء يعني حتى باك داكشي علاش حرت اش غنلبس ماعرفتش علاش راني حاسة بلي المناسبة رسمية بزاف غير بوجودو
قوس بتاسم مدوز اصابعو على شعرها: لا ماشي ضروري لبسي لي مرتاحة فيه
عذراء بتاسمات: واخاا
باسها فوق راسها و خرج مخليها تاخد راحتها...
عذراء شافت فإنعكاسها: ياربي يدوز كلشي على خير و يصفاو الخواطر مابقيتش قادرة نستحمل احساس انه زواجي محرم لهاد الدرجة!...
فلتحت كانت لوليا بقفطانها التقليدي و طلتها المغربية مع رفيف و ضرغام و جلوان جالسين تيشربو فأتاي و الحلوة...
لوليا باينة الفرحة على وجهها: حمد الله كلشي غيكون مقاد دابا
جلوان: ماتنسايش الواليدة لي مخليينها ماعارفة والو
رفيف: دابا عذراء تزوجات و واليديها و واليدين راجلها موافقين دابا على هاد الزواج جدة خصها غير تقبل الأمر الواقع فقط
جلوان: و سهلتيها؟ سهلتي انسانة اجيال و اجيال و هي تتزوج بالعادات و واقفة على هاد الشغل تجي فدقيقة تقبل ليك حفيدتها تزوج ببرج مخالف لبرج عادتنا؟
رفيف: ماسهلت والو ا بابا غير هو جدة غتغضب حتى تعيا فاللخر تتبقا ولدها و عذراء حفيدتها و كيفما نتوما وقفتو معاها و فهمتوها مزال حتى هي غيجي واحد النهار تعرف فيه انه هادشي مامنوش
لوليا شافت فضرغام لي ساكت ساهي فكاسو: احم ولدي مالك؟
ضرغام هز فيها راسو: لا والو ا الواليدة غير تنتسنا امتى نساليو من سيرة زواج عذراء باش ندوز الكونجي لي جيت على قبلو
لوليا حطات كاسها: واخا ولدي تقدر تجي معايا ندويو شوية
ضرغام حط كاسو باستغراب و ناض تابعها: واخا
رفيف شافت فيهم باستغراب حتى خرجو ل لاطيراس و رجعات شافت فباها: احم بابا غنوض نشوف عذراء تعطلات من الفطور ماهبطاتش
جلوان حرك ليها غير راسو و ناضت طالعة مع الدروج فنفس الوقت دخل قوس لداك الصالون لقا غير جلوان بوحدو لي جالس...
قوس: مستر؟بوحدك؟
جلوان: هانتا تتشوف كلشي عندو مايدار
قوس: مابقا والو يجي الواليد و ندويو على الامور لي بغيتي
جلوان: واخا
فجأة تسمع تيليفون جلوان تيصوني لي هزو مجاوب باستغراب...
جلوان: الو رئال ياك لباس طليتي على الدار؟
رئال تيشوف فرسيل لي مكمشة فمانطة تترضع فبنتهم: ااه طليت عليها البارح غير هو كاينة واحد الحاجة بغيتك تعرفها و عفاك قبل مانقولها تسمعني مزيان
جلوان هز حاجبو: خبار الخير؟ياكما جداك جات عندنا للدار و مالقاتناش؟؟
رئال: لاا..الواليد..رسيل ولدات..البارح تزادت عندي بنية
جلوان بصدمة: كيفاش؟؟؟؟!!!!...
♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
YOU ARE READING
♍عذراء و قوس♐|مكتملة✨️
Romanceالقصة بعنوان: ♍عَــــــذْرَاءْ وَ قَــــــوْسْ♐ للكاتبة✒️:Victoria kaelin (⛔ممنوع الاقتباس جميع الأفكار من مخييلتي الخاصة⛔) في عالم بحال ديالنا غير هو هاد العالم عالم الأبراج كل عائلة و رمز برجها و تقاليدها و عاداتها و فعالم الأبراج العشق و الحب لي...
