روايه سعوديه " لن أغَفر لكَ " من سلسلة "أقاتل لأجل من أهوى ، ومن أهواهُ يقتُلني

بارت ٣ " العوده للماضي"

و في احدى شركات

انفتح الباب و دخل واحد متلثم بالشماغ .. رفع خالد نظره عن الأوراق مستغرب دخول هذا الشخص بدون إذن وايضآ لم يخبره السكرتير: من انت ؟
فك اللثمه وجلس على كرسي الي قدام المكتب: انا ي بعدي انا
خالد بصدمه: شفييييه وجهككك من مسوى فيك كذا
مروان و وجهه كدمات مع جروح و حااااله: وصلنااا للمفيد .. من غير اخوك
خالد بسخريه: يعني خلص من الأغراب وبدأ في الأقارب
مروان بترجي: تكفى تعال وفكني من شره وخذه من عندي قلت له هو وعادل لا عاد يقربوا استراحتي لكن مستقعدين لي فيها هم ومشاكلهم وانت تعرفهم
خالد: كنت متوقع انه بيروح هناك
مروان بقهر: اي مو صارت ملجئ لأشكالهم
خالد: انت عطيتهم وجه! لكن ولا يهمك بس أفضى بإي يوم بروح اتفاهم معاه! ويرجع البيت الوالده اقلقتنااا عليه دلوعها
مروان: اشم ريحة غيرة اخوان في الموضوع
خالد وهو يوقف و قرب من النافذه: لا غيره ولا شي بس مقهور من تصرفات امي زادت عن حدها ومالها نيه تحضر زواجي ومو معبرتني!
مروان يجي ويوقف مقابله: لا عاد ما اتوقعها من خالتي نوف اكيد انت زودتها معها اعرفك لسانك سليط و اسلوبك زفت
خالد: اخر همها كلااامي
مروان بتفكير: تهقى باقي زعلانه عشان سالفه فسخ خطوبتك من ندى بنت خالتي سعاد .!
خالد: مو سبب قوي ولا مبرر مقنع لتصرفاتها
مروان بندم: اسف خاااالد
خالد بتذمر: جاااك الثاني!! ترا ما كانت ندى اكبر طموحاتي ولا افكر فيها
مروان بحالميه: بس كانت اكبر طموحاااتي انا وحب طفولتي! وخز خالد بنظره: كنت راح تقتل حب بريئ وجميييل
خالد: امحق حب
مروان: ي خي لو أدري اني بعد ما اعطيك سيارتي تفسخ خطوبتك كان عطيتك من زمان ولا جلست سنتين اعاني
ضحك خالد وهو يتذكر انه بعد ما أخذ سيارته وفتح الدرج الأمامي ولقي صور له ولها و هم صغار و المصيبه وراء صور كلها شاخط قلب وسهم واحبك وحرفه وحرفها وعرف سبب تغير مروان المفاجئ بعد خطوبته لندى!
خالد بضحك: تدري انا ما قتلني بالسالفه إلا ذاك التعبير والرسم التعباان الي عندك
مروان بضحكه: شفهمك انت في الحححب
خالد بمزحه : بعدين شنو ذي خيانه مو كنا دايم نلعب سوا وراء ما كان تنادوني اتصور معاااكم
مروان: هههههه كنا نسحب حساب المستقبل بنوري عيالنا فيها وش نبي بخشتككك معنا
خالد تكلم بأسف: بس والله أكثر شي قاهرني للحين هو حالتك و نفسيتك ذيك فترة صفر و المشكله انك ساكت
مروان بجد: وكنت راح ارقص بعرسك و ازفك لها بعد ولا اكسر لك فرحه!! و اردف بإستهبال بصوت شاعري ويحرك يديه: وانت الخويي و الصاحب والرفيق وما تفرقنا بنننت !
خالد بضحكه و حب لأعز أصدقائه ورغم استهبال مروان لكن رد بجديه: والله انك كفوووو تستاهل من يفديككك بعمره
مروان هنا تذكر وقال بضجر: ما ابي تفديني بعمرك ولا يحزنون تعال خذ اخوك وكثر الله خيرك..واردف بأمر: ايه و اعطيني اجازه هالأسبوع مو مداوم وشكلي كذا مشوهه ..وفوق ذا بستعد لعرسسسك ي عرييييس و أجمع طاقه لرقص و تنكسس.. وبدأ يدندن ويصفق ويرقص.
خالد لف لمكتبه وبحزم: مافيه اجازه ..و لاتحاول !
.
.
.
.
.
.
.
.
.
ومضت الأيام
وكانت قاسيه على البعض !