[Unicode]
နန်းရင်ပြင်ရဲ့ အလယ်နေရာ။
အဖြူရောင်နင်္ဂါးဝတ်ရုံတော်နဲ့ ရပ်နေသူဝမ်ဘုရင်မင်းမြတ်က မျက်နှာတော်တည်လို့။ဘေးမှာလည်း နန်းတွင်းအာဏာအကြီးဆုံးဖြစ်တဲ့ လျိုမိဖုရားနဲ့ အပေါင်းအပါ ကိုယ်လုပ်တော်တွေက ရပ်လို့ရယ်။
ကူစူးပြည်ထောင်ရဲ့ တစ်ဦးတည်းသော မင်းသားလေးရဲ့ အလောင်းတော်ကို ဦးညွှတ်နေကြရင်း နောက်ဆုံးအနေနဲ့ ငိုကြွေးနေတဲ့ အထိန်းတော်နဲ့ အပျိုတော်တွေ။
ဧကရာဇ်ကိုယ်တော်တိုင် ထင်းချောင်းကို ရေနံမီးဆွတ်လို့ သဂြိုဟ်နေတဲ့ အသက်ရှစ်နှစ်အရွယ် မင်းသားလေးအလောင်းက မီးကျွမ်းကျွမ်းလောင်မြိုက်လို့။အဲ့အချိန်မှာပဲ အရှေ့ဘက် သီးသန့်ကြင်ယာတော်နန်းဆောင်ကနေ ပြေးထွက်လာသူ ကြင်ယာတော်ရှောင်းက မျက်ရည်အသွယ်သွယ်ကျလို့ မီးပုံထဲတိုးဝင်ဖို့ လုပ်နေတယ်။
"သား....ရိကျန့်လေး မင်းကြီး မင်းကြီး သားတော်လေးက မသေသေးပါဘူး။ ရိကျန့်လေး မု့ချင်းကို ကတိပေးထားတယ်လေ သား!!!!"
ကြင်ယာတော့်အဖြစ်ကို ကြည့်ရင်း မင်းကြီးကိုယ်တော်တိုင်က မလှုပ်မယှက်ရပ်နေပေမဲ့ ရဲမက်တချို့က ဆွဲထားရတယ်။စိတ်ထားရင့်မာလှပါတယ်ဆိုတဲ့ ကိုယ်ရံတော်တွေနဲ့ အမတ်တွေဟာ မျက်ရည်တွေစီးလို့ရယ်။
ကြင်ယာတော့်ကို နည်းနည်းလေးတောင် လှည့်မကြည့်တဲ့ မင်းကြီးက နန်းဆောင်ကို ပြန်လည်ကြွချီဖို့ ပြင်နေတယ်။လျိုမိဖုရားကတော့ မင်းကြီးနောက်ကနေ မိဖုရားနန်းဆောင်ကို လှည့်ပြန်သွားပြီး ရင်ကွဲမတတ်အော်ငိုနေတဲ့ ကြင်ယာတော်နဲ့ အခြွေအရံတစ်သိုက်ရယ်၊ ရဲမက်တွေရယ်သာ ကျန်ရှိတယ်။
ဖြူလျော့နေတဲ့ ကြင်ယာတော်ဟာ မင်းသားလေးကို သေပြီလို့ သမားတော်ပြောပြီးတဲ့ နေ့ကတည်းက ဘာမှမစားမသောက်ပဲ ငိုနေတာကြောင့်ရယ်။
"သားလေး မယ်တော့်ကို မထားခဲ့ပါနဲ့ ရိကျန့်လေး....!! "
"မယ်မယ် ... မယ်မယ် သတိထားပါဦး မယ်မယ် မယ်မယ် သမားတော်အမြန်ခေါ်ခဲ့ကြ "
အားနည်းလွန်းတဲ့ မယ်မယ့်ရဲ့ ခန္ဓာကိုယ်က အပြင်ဘက်ဖိအားတွေကို မခံနိုင်၍ထင့်။အရုပ်ကြိုးပြတ်လဲကျသွားတဲ့ ကြင်ယာတော်မယ်မယ်။ကိုယ်ဝန်ရှိစဥ်ကတည်းက ဂဝုစိုက်ပြီး သည်းသည်းလှုပ်ချစ်ခဲ့ရတဲ့ မယ်မယ့်ရဲ့ ချစ်သည်းသက်ညှာလေးဖြစ်တဲ့ မင်းသားလေးဝမ်ရိကျန့်က မင်းကြီးရဲ့ အမိန့်တော်ကြောင့် အမဲလိုက်ပြိုင်ပွဲကို လိုက်ပါခဲ့ရတယ်။မင်းကြီးရဲ့ မျက်ကွယ်မှာ ထိမှန်ခဲ့တဲ့ မြှားတစ်စင်းကြောင့် မင်းသားလေးအဆိပ်မိခဲ့ပြီး ခုနစ်ရက်အကြာမှာပဲ အသက်ဆုံးခဲ့ရတယ်။အရူးမီးဝိုင်းသလို ရူးမတတ်ခံစားနေရရှာတဲ့ ကြင်ယာတော်ကို အိပ်မွေ့ချနံ့သာအိုးတွေနဲ့ စီမံထားခဲ့ပေပြီး အလောင်းကိုယူဆောင်ကာ မီးသဂြိုဟ်ခဲ့ရတယ်။ခုနစ်ရက်တိတိအိပ်ပျော်နေရမဲ့ ကြင်ယာတော်ဟာ နေ့တစ်ပိုင်းနဲ့တင် နိုးထလာခဲ့တယ်။အိပ်မွေ့ချနံ့သာအိုးတွေဟာလည်း မယ်မယ့်ကို အိပ်ပျော်ဖို့ရာ မစွမ်းနိုင်ခဲ့ဘူး။
YOU ARE READING
𝙇𝙚𝙜𝙚𝙣𝙙 𝙊𝙛 𝙓𝙞𝙖𝙤.....
FanfictionCollaboration With @M_May8 Yizhan 💚❤... ။ Not Translation ❌ Historical အနေနဲ့ပုံဖော်ထားတဲ့ Rebirth/Revenge Type မျိုးပါ။ Main Character နှစ်ဦးရဲ့အမည်နာမများကလွဲရင် ဇာတ်ကြောင်းနဲ့ Story တစ်ပုဒ်လုံးကို SpringDay_Zhan ဆိုတဲ့ကိုယ်ကပိုင်ဆိုင်ပါတယ်။ဘယ်သူ...
