နွေဦးသစ်ပင် နေ၀င်တိမ်တိုက် {Spring Trees and Sunset Clouds}

အခန်း (၂)

Unicode

ဤသို့ဖြင့် ယခင်ကဖုန်းကျွင်းရဲ့ တစ်ဦးတည်းသောမင်းသား၏ သည်ဝေးလံခေါင်သီဒေသ၌ ထူးဆန်းသည့်အလုပ်များလုပ်ကိုင်ရသည့် ဘ၀ဟာအစပျိုးခဲ့ပါတော့သည်။ သူသည် ဖြူစင်သောကလေးငယ်တစ်ယောက်ကို ရက်စက်သွေးအေးပြီး အကြင်နာတရာကင်းမဲ့သောသူအဖြစ်ပျိုးထောင်ပြီး အမြင့်မားဆုံးပလ္လင်ပေါ်တင်ပေးနိုင်ခဲ့သော်လည်း ပုံမှန်အိမ်စေတစ်ယောက်၏ အိမ်မှုဝေယျာ၀စ္စကိစ္စများကို လုပ်ကိုင်ရာ၌မူ သုံးစားမရနိုင်ဖြစ်ပေတော့သည်။ အကြံအစည်များဖြင့်ပြည့်နှက်နေသော နန်းတော်အတွင်း မရေတွက်နိုင်သောနှစ်များစွာနေထိုင်ခဲ့ရာတွင် ဤကဲ့သို့သော အဆင့်နိမ့်အလုပ်များကို ကိုယ်တိုင်ကိုယ်ကျ ကိုင်တွယ်လုပ်ကိုင်စရာမလိုခဲ့။

သို့ပေသော်ငြား ယခုအချိန်တွင်တော့ သူသည်အသုံးမကျသောလူရူးတစ်ယောက်အဖြစ် နိမ့်ဆင်းသွားပုံရသည်။ ကိုးယိုးကားယားနဲ့ ပန်းကန်အချို့ကိုကွဲစေမိသည်၊
တစ်ခုတည်းသောရေပုံးကို ရေပုံးထဲကျစေမိသည်၊ အိပ်ယာခင်းပေါ်မှ အစွန်းအထင်းတွေကို သန့်ရှင်းရမည့်အစား ပိုပြီးထင်းသွားစေမိသည်... စသည်ဖြင့်... အစရှိသည်ဖြင့်။ သည်လိုနဲ့... သူ‌သွားလေရာနေရာများ၌ အခြားသူများထံမှ သနားဂရုဏာသက်သည့်အကြည့်များကို ရရှိခဲ့၏။ ရုပ်ဆိုးပြီး ပုံမကျပန်းမကျနဲ့ သနားစရာအခြေအနေက.... မည်သည့်အတွက်မှ မကောင်းတာ ရှင်းရှင်းလင်းလင်းပင်..။

နေ့တိုင်းနေ့တိုင်း.. ထမင်းချက်အဒေါ်ကြီးက သူ့ကိုအစားပိုစားဖို့တွန်းအားပေးပြီး သူ့ကိုအသားတုံးကြီးကြီးများ တိုးတိုးတိတ်တိတ်ထည့်ပေးခြင်းအားဖြင့် အထူးမျက်နှာသာတောင်ပေးသေးသည်။ ဟုတ်‌ပေသည်။ လူအများစုက အသားတုံးကြီးကြီးမစားနိုင်သောကြောင့် ၎င်းမှာအမှန်တကယ်ပင် အထူးမျက်နှာသာ‌ပေးခြင်းဖြစ်ပါသည်။

ယခုတော့ ဆေးဆရာပြောသောအရာများမှာ အမှန်ဖြစ်ကြောင်း သူရှင်းရှင်းလင်းလင်းသဘောပေါက်သွားပြီဖြစ်သည်။ ဆေးဆရာက သူ့ကိုလိမ်နေခြင်းမဟုတ်ခဲ့ပါ။ ခရိုင်အစိုးရက တကယ့်ကို၊ အလွန့်အလွန်၊ အင်မတိအင်မတန်ဆင်းရဲလွန်းလှ၏..။ အစားအသောက်မတတ်နိုင်သည်က ဆိုးရွားလှသည်မဟုတ်သော်လည်း အမှန်ပင်ဆင်းရဲသည်။ ယခင်ကတော့ သူက မသိနားမလည်ဘဲ သူရရှိသည့်အစားအစာများက ရိုးရှင်းသည်ဟု အထင်ရောက်ခဲ့၏..။ သူအကူဖြစ်သည့်အချိန်ရောက်မှ ဆန်နှင့် ဟင်းသီးဟင်းရွက်ဟင်းလျာများသည် အမှန်တကယ်လူနာများအတွက် အစားအစာများဖြစ်ကြောင်းနှင့် သူသည်လည်း အမှန်တကယ်ဦးစားပေးကုသမှုကို ခံခဲ့ရသည်ဟု သဘောပေါက်ခဲ့သည်..။