اليوم اول يوم داوم الي بكلية جديدة بعد ما انتقلنة للبصرة بسبب مشكلة صارت
اني اسمي روان طالبة كلية اكثر شي احبة هوة دراستي وخصوصا اهلي اهم شي عدهم مستقلبي
عندي ثنين اخوان علي وكاضم واني ثالثتهم يعني بزر الكعدة....
كاضم اخوية جبير مزوج وعندة ثنين اطفال
وعلي هم مزوج بس ما عندة اطفال
وكلمن عايش حياتة ويجونة بالاسبوع مرتين او مرة بس...
امي ربة بيت الانسانة الملاك شكد ما امدح بيهة أعجز. ....
ازوجو هية وابوية زواج تقليدي بس سادت المحبة والمودة بينهم بعد زواج
وحاليا واحد يعشق الثاني ههههه اسميهم عصافير الحب
ابوية انسان مسالم يكره المشاكل بشكل مو طبيعي ....
هادء جدااا وهوة موضف بوزارة...
اتفقت اني وابوية بس اطلع من سادس يشترلي سيارة...
بسسس؟
صارت مشكلة وية جيرانا وهمة يدورون مشاكل فقررنة نترك بغداد وننتقل للبصرة
بس سبب الرئيسي مو المشكلة لاااا .
احنة اصلن ردنة نجي للبصرة لان عمامي ثنينهم كاعدين هناك..
بس ابد مرايحه اهلهم اني بس همة
اجو النة اكثر من مرة والباقي علة تلفون نخابرهم...
وبسبب المشكلة نسيت سالفة سيارة وسجل الي والدي علة خط يوديني للكلية
رغم اجوء البصرة غريبة بس حبيتهة اكثر من بغداد
اول يوم دوام الي جان مميز تونست بي هواي وتعرفت علة بنات
اني من نوع بسرعة انسجم واتعرف يعني بين قوسين ( كشكولية)
احب اضحك وكلما اشوف واحد ضايج اكلة..
( اشرب ببسي وطز بكلشي)
جملتي المشهورة هاي..!.
مرة اسبوع علة دوامي بهاي جامعة خصوصا بدت مواد تصعب من بديت اتعمق بالمواد مال كورس ثاني
اول كورس بغداد وثاني بالبصرة. ...!.
الاسبوع الاول مشة طبيعي وثاني هم ومرت الايام بالاسبوع الثالث
كعدت من نوم وبدلت وتريكت ورحت للكلية ...
اني وامشي بالحديقة شفت صديقاتي جديدات هناك
رحتلهن بسرعة اضحك.....
وضربت نرجس بجنطتي .
- حقيرة صار الي ساعة ادور عليجن وين جنتن ؟
أنت تقرأ
انـا ورائد قلــبيٌ (مكتملة)
Short Storyقصة فتاة جامعية بسيطة... يلاقيهم القدر لتبدء قصة حبهم هي من بغداد وهوة بصراوي قصة عراقية واقعية ........... حقيقية ١٠٠\١٠٠
