انـا ورائد قلــبيٌ (مكتملة)

بارت 3

لو اڪدر اني انساڰ صدك نسيتك

حللت دمي اليوم

ب الدم لكيتك 🥰.....

لعريان سيد خلف..

▪▪▪▪▪▪▪▪▪○○▪▪▪▪▪▪▪▪▪▪▪○○▪▪▪▪▪▪▪▪▪▪▪▪▪▪▪○○▪▪▪▪▪▪▪▪▪▪▪▪▪▪▪▪▪▪▪▪○○▪▪▪▪▪▪▪▪▪▪▪▪▪▪▪

من انفتح الباب انصدمت وأني اشوف اخوية علي دخل وشرار يطاير من عيونة...!

من خوفي دخلت ركض للبيت وهوة يصيح ...

طلعو اهلي ثنينهم من الغرفة مصدومين ومستغربين تصرفة....
.

وهوة مثل المخبل ميلزم ابد عصبي الى ابعد حدود

لزمة ابوية وكال بعصبية

- ولك شبيك احجي..!

مشفنا بس دفع ابوية وراد يطلع ...

من صدمتة ابوية رجع لزمة وضربة راشدي ...

نصدمنة اكثر من كام يبجي علي!!!

زين ليش ...

اخذة ابوية ودخلو للصالة

وكال

- فهمني شبيك..!؟

- يابة اني نضحك علية

ابوية كال

- شلون!! منو ضحك عليك

-  يابة مرتي الضحيت علمودهة طلعت هية العاقر مو اني كل هل فترة مستغفلتني...

-شلون انتة شتحجي؟

- اي يابة اليوم بعد مرجعت من دوام سمعت صوت حجي بالمطبخ سمعتهة تكول....

|اي ولج لتخافين ميحس اصلن شلون يعرف..|

|.هوة ضميت تحليل اني|

.|اي اي شلون يدري اني عاقر مو هوة الي يسوي تحليل مرة ثانية |

.|ههههه ولج انتي شيطانة شلون فكرة حتة ابليس ميفكر بيهة|

علي"....اني من سمعت حجيهة دخلت للمطبخ وشبعتهة كتل

وطلكتهة هم وبعد مستحيل ترجع تصير مرتي...

روان. ....هوة يحجي واحنة صافنين علية مصدومين لهل درجة هاي نذلة فعلا الحياة غريبة مرات

ننصدم باعز الناس  يخونونة ويخونون ثقة ..!

نصدمت واني اسمع علي يكول

.....وعفتهة بالبيت مثل جلب (اجلكم الله) متخربطة..من الضرب

ابوية عافنة وراح بسرعة لسيارتة اخذهة وطلع مدري وين..

وعلي صعد فوك مقهور وعلامة الحزن مبينة بوجهة ...

ميستاهل الصار بي...