يكول.... اضحك للبوح....
حد شرهت المنكود ....
ويجي بكل مزنتي بطور المغني...
لاغرني المدح بشفاف المحبين ..
ولا همني الشماته شما حجو عني...
يلتمن عليه مشتتات البال ونفضهن نفض...
ل عريان السيد خلف🌼
السلام عليكم بالنسبة للنشر راح يصير بين كل يومين لأن البارتات راح تكون طويلة
ف يعني يراد وكت يالة اكتبهن وهم بين ما اراسل روان وتطيني احداث اكثر
تحياتي الكم🌷
●●●●●●●●●●●●●●●●●●●●●●●●●●●●●●●●●●●●●●●●●●●●●●●●
تحلمت جان هوة سيف كاعد بالصالة مال بيتنة ويحجي هوة وابوية .....
واجة ولد ما اعرفة بس وجه يخوف واسود تقرب منة وراد يجرة يطلعة برة بيتنه بس هوة.
دفع ذاك ووكعة ......
وفزيت من الحلم.....!!!!
شنو هل حلم الغريب !!
رحت بحثت هواي بالكوكل ردت بس تفسير الحلمي ماكو!!!
نزل جوة وناوية اسولف الحلم لامي اول منزلت سمعت صوت امي تحجي
- نشالله بيهة الخير بس شعجب قنعت تتزوج...!
- هوة بعد قررت وهاهية انتو مو جنتو تردوني اتزوج وهسة موافق اني...
- هاهية العصر نروح اني واختك ونخطبه الك ونشالله يوافقون.
- نشالله
روان... سمعت سالفة زواج وسويت هجوم عليهم وادك عل الباب .....
- وعررريسنة جلكيتة حامض حلو اباكيتة ووكللللييي
امي "....عزة هاي شلون سمعت
غمزتلهة وكلت
- بوية جا غير اني استخبارات ...
..
- دروحي تم الاستخبارات روحي حضري ريوك النة
روان"....امي تحجي وعلي ساكت مبين خجلان ضحكت علية وطلعت ....
بعدين تذكرت ورجعت ركض...الهم
- صدك منية العروسة غير تكلولي....
.
علي"....يمة عليج الله لتكليلهة خليهة حسرة بكلبهة
روان "....لا يمة عليج الله احجي
امي"....روحي سوي ريوك واني اكلج بعدين
روان ".... ركض وبسرعة سويت واجيتهة وعلي طلع ...
- يلة كولي .. منية!؟
امي"...... هاج ذني نضفيهن وغسلي البيت وتعاي اكلج منو
YOU ARE READING
انـا ورائد قلــبيٌ (مكتملة)
Short Storyقصة فتاة جامعية بسيطة... يلاقيهم القدر لتبدء قصة حبهم هي من بغداد وهوة بصراوي قصة عراقية واقعية ........... حقيقية ١٠٠\١٠٠
