انـا ورائد قلــبيٌ (مكتملة)

بارت 5

ليدخن جكاره معروفه سالفته

لو دكت نذل لو ايده لاحت عوز...

لو حب وطلع متحبه صاحبته🥺!....

●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●

طلعت من بيتهم واني لازمة كلبي!...

إذا صوته هيج لعد شكلة شلون همزين مشفتة ....

طبيت للبيت وشفت امي كاعده وتحجي وية خالتي عفتهة وصعدت بدلت وبسرعة نمت بدون ما افكر..

ورة فترة كعدت من نوم وشفت امي واكفة وتصيح علية تريد اكعد ....

غلست ورجعت نمت...

وراهة محسيت بس ب مي بارد ونزل عله راسي فزيت وكمت بسرعة

- استغفر الله اكو واحد يكعد هيج ...

امي".....كومي يلا اجو خطار عيب نزلي يمهم وحتة همة سالو عليج

باوعت باستغراب !

- يا ستار منو؟؟؟

- ام سيف اجت تزورنة وتتعرف علينة أكثر...

باوعتلهة صفح ...!

- ليش مكلتي نايمة؟

- لااا عيب نزلي سلمي وصعدي عود نامي

- شصعد انام هية بس تشوفني تبقين يمهة تخليني اكوم بعد!

- هههه فدوة للعصبية دنزلي نزلي سلمي وصعدي نامي..

- استغفر الله نازلة امري لله..

روان"...طلعت امي وراهة اني التفتت وكالت

- شنوو هيج تنزلين!!!

- ليش شكو!؟

- ههههه باعي علة روحج وتعاي احجي عود

روان"...عفت امي ورجعت طبيت للحمام اباوع صدك هاي شصاير بوجهي

حتة مكياج مال دوام سايل علة وجهي

غسلت ونزلت وراهة...

اول مطبيت تلكتني ام سيف تبوس خرب ولا تكول صارلي بالشهر من عرفتهة ....

الي يشوفهة يكول تعرفني من سنوات هواي...

كعدنة سوة بعد مقدمت الهة حلويات وجانت جايبة بتهة نور وياهة ...

وكالت بعد سبوع يالة اداوم ...

استغربت!

كل طلاب بدو يداومون الة هية!

بعدين طلع اخوهة ممكمل اوراقهة مال جامعة ....

ورة فترة من تعارف وعرفتهم امي علة عائلة طلع هية عدهة بس ولد واحد وزوجها وبنات اربعة..

بس نصدمت من عرفت عدها ولد نقيب

بس بعدين كالت

- خلال هل اسابيع يترقة ويصير رائد