انـا ورائد قلــبيٌ (مكتملة)

بارت 7

مسمومة هاي الناس....

مثل الحياية...!

ناعم يصير وياك ....

بس عنده غاية....

صووووتوووو اهم شي...."

■■■■■■■■■■■■■■■■■■■■■■■■■■■■■■■■■■■■■■■■■■■■■■■■■■■

داجاوب فتحت عيني وشفتها امي!!!

نصدمت وكمت من مكان صارلها سبوع متحجي وياي ....

تقربت بست راسهة وكلت

- ها يمة محتاجة شي كولي

حجت وياي بثكل وكالت

- اذا تريدني ارجع وياك مثل قبل بس بشرط توافق علية ويرجع كلشي مثل قبل...

- ايي يمة كولي تامريني امر

- توافق تخطب روان بت جيرانة

- شنووووو!!!!

-  أي مثل مكلت الك ...

-  استغفر الله يمة ما اريدها للبنية ليش تعلكيها بركبتي

-  هاهية بكيفك

شفتها كامت رحت وراها وكلت

-  هاهية موافق...

ابتسمت ابتسامة انتصار ونزلت!!!

راحت وخلتني بدوامة اني ما مفكر بزواج وهاي راح تحطها براسي كوة....

نزلت وراها وشفت الوضع طبيعي بالبيت ....

دخلت لغرفتهة وكعدت كبالهة صافن!!

سمعت ابوية كال

-  زين ما سووت امك احسن شي لازم تزوج

سيف"..... شنيي كووة ما اريد انة

-  طبك ستين مرض ولتريد شني منو جابرك انتة ضل باير حالك حال الراحو قبلك ،..

-  الرجال ما علية عيبة يابة لذاك لتكول باير شنو عمري كلة ب30

-   خاااب اسكتت ولك راح تدخل ال 40 ..

شنو عبالك بعدك شاب وتسوي بكيفك وترة ادري بكل سوالفك...

بصدمة...

-  شنو يابة يا سوالف. !

-  اعدد الك شكم مرة مزوج بالمتعة لو اسكت خاف تجلط امك هسة خاف منجلطت قبل...

سيف.....ابد متوقعت اوكع بهل موقف كدام ابوية وامي صرت شكدوتني كدامهم وأمي ونضراتهة

قهرتني اكثر اول مرة اشوفهة تباوعلي باحتقار

وكالت

-   ضاعت تربيتي بيك ابني ضاعت..

كلامهة مثل سهم وضرب كلبي حتة حرت شنو اكول بس صافن عليهم ..

خليت وصعدت فوك واني طالعة روحي وقهر مو طبيعي صابني وبدة دوخة تلزمني ....

ورة ساعة من تفكيري وقهري باوعت علة خشمي ينزف،.....