يعاندي القلم لوردت اكتب ليك
عكس ما اريد …. يكتب هو عنك!!
كَتله اكتب : كَضت عشرتنه وياك
كتب : ياروحي احبك ما املك
كَتله اكتب : ماريدك دغش بيك
… كتب : اهواك يل المزيون كلك
طلع حتى القلم …دايخ ولك بيك
يصفط اشعار من يشعر بظــــــــلك.....
فد شغله بحضرتك دوختني هواي
ما ادري حقيقه مدري جاي احلم
شفتك بالورد تشتم هذاك اليوم
معقوله الورد بلورد هم يشتم .!!....
---------------------------------------------------------------------------
روان"....
اخذت فترة طويلة كضيتها بس انام بالمستشفى لكن بديت انتبه يكثرون بالادوية وما اعرف سبب!
من اخذهن انام واغيب عن الدنيا...
فد يوم جنت توني كاعدة وكلش جوعانة فتحت عيني واشوف اجو ممرضين ودكاترة 3 تقربو مني
سلمو علية وواحد كال:
- هلا روان شلونج
روان"...حجيت بصوت مبحوح
- حمدلله
- روان اريد اكلج علة شي ,
لان صراحة اهلج ميكدرون يواجهوج ويحجون وياج يعني ما عدهم الجراءة يحجولج...
روان"...... من كال هيج حسيت اطرفي رجلي بردت خوف علة رهبة عبالك كلبي يدري راح يصير شي
- شنو شكو...!!
- روان انتي اليوم عمليتج
- شنوو الله يخليك يا عملية. ليش شبية اني...!
- يمكن انتي جنتي متعرضة الحادث قبل فترة صح..؟
- اي آي صحيح...
- بسببة صايرة عندج مضاعفات اعتقد او متأكد اني
- شنو يعني مفتهمت العملية شكو..! ؟
- روان انتي عندج اورام نشالله حميدة بعد منسوي العملية راح نزرع الورم ونشوف نشالله خير
بس مكانها خطر لتخافين نشالله نوخرها وكلشي يرجع طبيعي.....
روان"..... من كال هيج حسيت الدنيا كلها طلعت من عيني شعور شكد ما اوصفة ما اكدر
بس الي مجربة راح يعرفة وخصوصا اني من الابرة جنت اخاف مو عملية. شراح يصير بية بعد...!
YOU ARE READING
انـا ورائد قلــبيٌ (مكتملة)
Short Storyقصة فتاة جامعية بسيطة... يلاقيهم القدر لتبدء قصة حبهم هي من بغداد وهوة بصراوي قصة عراقية واقعية ........... حقيقية ١٠٠\١٠٠
