When Magic went Irregular

Chapter 1:The Melancholy of Two Souls

Chapter 1:The Melancholy of Two Souls

Eris~

Level 0. Iyon ang tala sa report ng magic examination na kinuha ko pagka-graduate ko ng middle school. Iyon ang tipo ng exam na madadaanan ng mga katulad kong estudyante na tutuntong sa High School dito sa makabagong bansa naming Pilipinas. 

Magic. Isang salitang masarap pakinggan sa tenga. Ito kasi ang dahilan kaya nagbago ang Pilipinas. Pina-improve nito ang bansa namin matapos siyang madiskubre ng magagaling naming mga scientist. Hinalo nila yon sa siyensiya. At sinubukang paganahin sa ekonomiya. Nagtagumpay sila. At doon nagsimulang umusbong ang pag-unlad ng bansa. Kaya naman guminhawa ang buhay namin. Wala ng OFW at puro pagbabakasyon na lang sa ibang bansa ang ginagawa ng mga tao. Wala ring mga pulubi. May mga tirahan na sila. At doon yon sa naglalakihang apartment. Wala na ring jobless, kasi lahat ng makapagtapos ay nabibigyan kaagad ng trabaho. Bumababa na rin ang rate ng kriminalidad. Masaya na ang mundong to. Pwera lang sa kagaya kong nangangarap na may magic. 

Bago ko makalimutan. Ako si Eris Faith Guzman. Isa sa inanyayahang mag-exam sa Magic Discernment Test. Doon sinusukat kung may magic kang taglay. Kapag pumasa ka, makakapasok ka sa Magic City. Ang lugar kung saan para lang sa mga batang may magic kapag tumuntong ng high school. May pitong eskwelahan doon. Ikaw ang pipili ng papasukan mo sa kakayahan mong halaga na igagasta doon sa tatlo mong taon. First High ang pinakamahal at Seventh High ang pinakamura. Kung mayaman ka,doon ka First High at kung mahirap ka naman doon ka sa Seventh High.

Nangaling ang magic sa katawan ng tao na siyang nadiskubre ng tao na inahalo sa siyensiya. Nawala ang tunay na kakayahan ng magic dahil pinalitan na ito ng mapagmanipulang teknolohiya ngayon. Bawat tao ay may iba't ibang kakayahan. Limited lamang iyon pero depende kung gaano kalakas. Kaya ginawa ang level meter para malaman kung sino ang malakas. Sa kasalukuyan ay merong tatlo. At ang pagkakaroon ng magic ay labis na pinapangarap ng kagaya kung bata.

Pero...

Narinig kong bumuntong hininga ang officer na in-charge sa pag-e-examine sa akin ngayon. Nanatili akong nakaupo. Binabalewala ang kaba sa dibdib ko.

"Pambihira. Isa na namang level 0."Kinalmot niya ang batok niya. Isa siyang matangkad na babae. May salamin. Hanggang balikat ang buhok. At nakasuot ng doctor's gown. Binaba niya ang hawak na folder. Kinuha ang ballpen at pinalibot niya yon sa daliri niya.

"Ms. Guzman, maaari ka pa namang makapasok sa Magic City at makapili ng school mo. At hindi hadlang ang Level 0. Malamang wala mo pa talaga na diskubre ang kakayahan mo. Marami ring kagaya mo pero agad naman nilang nadiskubre yon ng makapasok na sila. May tiwala naman akong magli-level up ka diba? Isa pa, isang ma-impluwensiyang magician ang tatay mo sa panahon ngayon."Tinaasan niya ako ng kilay matapos niyang magsalita. 

Napalunok ako. Pakiramdam ko pinipiga ang tiyan ko. Bigla akong nilamig at naging pawisan ang palad ko.

"P-Paano po kapag hindi ko yon madiskubre?"lakas loob kong tanong.

Bumakat ang surpresa sa mukha niya. Malamang hindi niya yon inaasahang tanong ko. Tumulis ang dulo ng labi niya. "Huwag mong mamasamain, heiress of Guzman Estate Corporation. Ito ang realidad na maaari mong maging bangungot. Ayokong mag-alala ka kapag nagaaral ka na. Negatibo yon at hindi mo yon pwedeng malaman. Saka na yon kapag nangyari na ang tinanong mo."