When Magic went Irregular

Chapter 2: Fateful Meet Up

Chapter 2: Fateful Meet Up

Eris~

"Achuu!"

Bigla akong nilamig matapos kong makaapak sa dulo ng hagdan na ito. Parang merong nag-uusap na ako yong topic. Hinaplos ko ang magkabilang braso ko gamit ang kamay ko. Sa katunayan, hindi malamig ngayong hapon. Nasa campus pa ako ng First High. Kakatapos ko lang magpa-enroll. Mabuti nakaabot pa ako. Limang slots na lamang ang naiwan. Na-delay kasi ako sa resulta ng exam ko. Saka sinunod ko talaga ang suhestiyon ng doktor na yon. Siguro, ito yong school na magpapa-level up sa akin. Isang prehistilyosong eskwelahan ng mayayaman na magician. 

Humugot ako ng malalim na hininga bago lumingon sa magarang gusaling kinaroroonan ko ngayon. Nakakalula talaga. Para akong nasa France. Katulad ng desinyo ng gusali nito ang gusali sa France. Pati itong inaapakan ko ang ganda. Anak mayaman nga ko pero minsan lang ako nakakakita ng ganito. Hindi kasi ako pinalalabas sa bahay. Pero ngayong High school na ako malaya na ako. Pasalamat talaga ako kasi inanyayahan ako ng Magic City. Binigyan nila ako ng pribilihiyo at kalaayan na matagal nang pinagkait sa akin ni Papa. Hindi mapapantayan ang saya ko ngayon. Isa na akong independent!

Matapos kung mag-sentiments ay tuluyan na akong lumabas sa campus. Nakakabingi ang katahimikan ng lugar. Inabala ko na lang ang sarili ko sa paglalakad habang lumulubog ang araw sa kanluran. Maya-maya napansin ko ang matangkad na lalaki. Papalapit siya sa akin. Nakapamulsa ang kaliwang kamay niya habang hawak naman ng kanang kamay niya ang isang tungkod. At nasa paa niya ang kanyang mga mata. Malamang magpapa-enroll din siya. Pero hapon na. 

Hindi ko na sana pinansin.

Pero hindi ko talaga mapigilan na titigan siya. Para bang gusto ko siyang makilala. Biglang uminit ang pisngi ko. Tyempo namang napadaan siya sa tabi ko. Huminto ako. Hindi ko alam ang gagawin ko. Pero ganoon lang siya, wala siya sa sarili na nilampasan ako. Pinatuloy ko lang ang pagsunod ng titig ko sa kanya hanggang mawala siya sa paningin ko. Pagkatapos non ay napabuga ako sa hangin.

Kinabukasan.

Sout ang bago kong uniforme ay mabilis ko nang inihanda ang gamit ko sa eskwela. Bumaba na ako para mag-agahan. Natagpuan kong nasa dulo ng hapag-kainan si Papa. Maraming nakahandang pagkain pero hindi niya yon pinapansin dahil abala siya sa pagbabasa ng dyaryo. Tahimik akong umupo at kinuha ang kutsara't tinidor.

"Eris talaga bang gusto mong pumasok sa Magic City's First High? Ganoon ka na kakampante sa kakayahan mo? Para sa akin, ang kagaya mong level 0 ay isang pabigat at nararapat lang dito sa bahay."Binaba niya ang dyaryo para sabihin lang yon. Walang kwenta. Pero malaman at masakit. 

Binaba ko ang hawak kong kubyertos. "Opinyon mo naman yan Pa. Pero para sa akin, tataas ang abilidad ko at magiging pakinabang yon sayo. Busog na po ako."

"Ngayon marunong ka ng sumagot!"napataas niya ang boses niya. Nanginig ang kalamnan ko pero hindi ko ipapakitang takot ako sa kanya. Ito na ang katapusan. Wala na ko sa puder niya. Magalit siya kung gusto niya. Wala na akong pakialam.

"Pa pinapangako kong magsisisi kayo."Tumayo ako. Tinalikuran ko siya. Maraming lakas ng loob din ang inipon ko para gawin to. Sawang-sawa na ko sa ugali ni Papa.

Narinig kong hinampas ni Papa ang mesa. Nabasag pa ang ilang pinggan. Napaluha ako sa ginawa ko. Nasasaktan at nadidismaya ako sa magkaparehong pagkakataon. Ni minsan hindi niya ako sinusuportahan. Galit siya sa bawat desisyon ko sa sarili ko. Gusto niya kong kontrolin. Wala siyang tiwala sa akin.