When Magic went Irregular

Chapter 5: I Know for sure

Chapter 5: I Know for sure

Alex~~

"Hindi ko talaga naiintindihan si Eris kanina kasi bigla siyang tumakbo at aksidente pang napahalik  kay Silver,"naguguluhan kong saad kay Luke. Nasa playstation kami, naglalaro ng dota. 

"Alex ano ba ang sinabi mo sa kanya kaya nagambala ng sobra yong tao? Sayang naman at hindi ko siya nasalo kanina. Kung alam ko lang, ako sana ang first kiss niya,"tugon ni Luke sa tabi ko.

"Gusto mo pala siyang pagsamantalahan. Alam ko naman na may lihim na pagnanasa ka sa kanya pero malas mo lang pre,"tinudo ko ang pagpindot sa mouse.

"Cut it out! Ano ba ang sinabi mo ulit kay Eria kaya nagkaganoon siya?"Inulit niya ang tanong ko at nagkamali ulit siya sa tamang pangalan ni Eris. May problema si Luke sa pangalan dahil siguro sa sobrang pag-e-entertain sa mga babae.

"Hindi Eria kundi Eris."

"Hay. Ano nga ang sinabi mo sa kanya?"naiirita niyang salita.

"Bakit atat na atat ka? Tinanong ko lang sa kanya na gusto ko siyang maging kaibigan. Yon, tinanong niya ako kung bakit kakaibiganin ko siya kaya sinagot ko siya na gusto ko siya."paliwanag ko.

"Gusto mo siya?"Huminto si Luke. 

"Oo. May mali ba doon?"

"Meron! Yan ang resulta sa pagiging blatant mo! Nagkamali siya sa pag-intindi sayo! Ano bang klase ng pagkagusto mo sa kanya?"Lumabas ang litid sa leeg ni Luke habang sinasambit yon.

Tumigil ako at hinarap ko siya. Kinalmot ko muna ang ulo ko. "Gusto ko siya bilang kaibigan lang. Wala na."

"Sigurado ka?"pinanliitan niya ako ng tingin.

"Oo. Para ko siyang nakakabatang kapatid. Wala na akong ibang intensyon sa kanya. Since na dumating yan dito eh, unti-unti na akong umaalis sa pagiging cold ko. Siya lang ang nakakagawa non."Pinatuloy ko ang paglalaro.

Hinimas-himas ni Luke ang panga niya. Iniisip niya marahil na may balbas siya. "Oo nga. Napansin ko rin ang pagbabago mo. Tapusin na natin to!"

"Teka, siguro inakala ni Eria na gusto mo siya bilang girlfriend. Dapat kang magpaliwanag sa kanya. Gusto mo samahan na kita?"Siya ulit.

"May punto ka."

"Pero dapat ngayon mo na gawin to. May number ka ba niya?"

"Hindi ko na hingi."

"Alam mo ba ang room number ng dormitory nila?"

"Alam mo ba na bawal dumalaw doon sa disoras ng gabi?"

"Alam ko."Ngumisi lang siya at bumalik sa paglalaro. Napabuntong hininga na lamang ako.

Kinabukasan, nakasubsob ako sa desk ko nang natanggap ko ang isang palo sa ulo. Binatukan na naman ako ng titser ko gamit ang geometry book. Lagi kasi akong inaantok sa ganitong subject.

"Mr. Maine, hindi ako bias sa level status ng abilidad sa classroom na ito kaya lumabas ka kung gusto mong matulog. Inaabala mo lang ang klase ko."sermon ni Maam. 

Bumangon ako at niligpit ang gamit ko. "Siguro sa infirmary muna ako,"bulong ko kay Silver. Seatmate ko siya hanggang dito. Room mate ko rin siya ngayon.