When Magic went Irregular

Chapter 3: Thinking out Loud

Chapter 3: Thinking out Loud

Silver~~

"Natagpuan ko na siya."pahayag ko kay Dr. Escalera. Tatlong araw na ang lumipas bago ako napadalaw dito. Hindi siya nag-atubiling tumingin sa akin. Abala siya sa pagsusuri ng test tube niya habang isa-isang pinatakan ng likido.

"Kung ganoon magandang balita yan."Inangat niya ang ulo. Humakbang siya palapit sa akin. Nakatukod ang siko ko sa lababo ng laboratory niya. Medyo nababagot ang posisyon ko.

"Ano bang susunod na gagawin ko?"Tanong ko.

Lumapit siya sa akin. Yumukod siya at pinitik ang noo ko. "Aray!"hinaing ko.

"Ano ba ang ginagawa ng taong may kailangan sa isang tao? Bakit hindi mo alam?"

"Kukunin ang loob diba? Eh papaano naman?"

"Tsk! Gawin mo siyang kaibigan,stupido."

"Bakit ba ang init ng dugo mo?"Inayos ko ang gusot sa suot ko.

"Gaya ng ginagawa mo sa damit mo. Inaayos ko ang gusot ng magic mo."May inabot siyang gamot sa akin. "Inumin mo yan. Suppliment yan sa sa sakit mo. Temporaryong makakatulong yan sa pagpigil ng unti-unting paglalayo ng magic essence mo."

"Teka Doc. Paano makakatulong si Eris  kung sakali mang maging kaibigan ko na siya?"Sinundan ko siya sa mesa niya. 

"Gamitin mo ang healing ability niya. Mas epiktibo yan kapag may feelings siya sayo. Gawin mo kaya siyang girlfriend?"Inayos niya ang salamin niya.

Napaayos ako ng upo sa sinabi niya. "G-Girlfriend? Patay tayo doon. Ano ito, take it for granted?"

"Parang ganoon."Sumingkit ang mga mata niya.

"Ayokong saktan siya. Ayokong ginagawa niya yon dahil sa awa. Napaka-makasarili ko naman kung ganoon."

"Meron ka na lang isang taon,Silver. "

"At ngayon binibiro mo naman ako! Bahala ka na nga, may pasok pa ako." Kinuha ko na ang backpack ko. 

"Totoo ang sinabi ko. May isang taon ka na lamang. Babalik ang gumawa niyan sayo at hihigupin niya lahat yan,"habol niya. I don't take it seriously. Kampante naman ako na gagaling ako eh. Saka kung babalik man ang bwesit na yon, hindi lang talaga tulog ang aabutin niya sa akin.

Nakailaw na ang lamp post sa lahat ng kalye at kalsada ng Magic city nang lumabas ako sa First High campus. Ako yong tipo ng tao na hindi mahilig sumakay sa taxi, may sarili akong bisikleta at yon ang ginagamit ko. Inayos ko muna ang bag ko at pinwesto ng maayos ang tungkod ko bago sumakay sa bike. Humugot ako ng hininga bago sinimulan ang pagpedal.

Ang Magic City ay may walong distrito. Bawat distrito ay may isang eskwelahan. Maliban sa District 8, pribadong lugar yon na para  lang sa gobyerno. Doon nakalagak ang research center at lahat ng opisina na nagpapatakbo ng syudad. Ang pitong distrito ay may kanyang dormitoryo. Pero yong restaurant, resort, mall, hospital, at iba pang mga gusali ay pakalat-kalat lang sa boung syudad. Ikaw na ang mamali kung saan mo gusto pumunta. 

Ako naman, tuwing hapon ay dumadaan muna sa gilid ng ilog. Masarap ang hangin doon. Tahimik at makakapanood ka ng paglubog ng araw na walang gumugulo sayo. Doon ako tumatambay para makahanap ng tinatawag nilang "solitude."